Vita- og vitaskipahelgin 2012 í veðurblíðu
![](http://www.ira.is/wp-content/uploads/2017/07/18.-ágúst-2012-007.jpg)
Frá Alþjóðlegu Vita- og vitaskipahelginni 2012 á Garðskaga. Fjarskiptabifreið TF3ML og loftnetsturn í forgrunni. Turninn var reistur í 25 metra hæð þegar myndin var tekin.
Alþjóðlega Vita- og vitaskipahelgin hófst í dag, laugardaginn 18. ágúst og stendur hún yfir fram á sunnudag. Veðrið við Garðskagavita var í einu orði sagt “frábært”; heiður himinn, 17°C lofthiti og logn. Samkomutjald félagsins var komið upp um hádegisbilið og félagsstöðin, Kenwood TS-2000, varð QRV skömmu síðar. Þakkir til TF3FIN (og TF3FIN yngri), TF3IG, TF3JA, TF3-Ø33 og TF3-Ø35 fyrir vinnuframlagið og snör handbrögð.
Þrjár stöðvar voru samtímis QRV á kallmerki félagsins, TF8IRA. Á morsi á 14 MHz, á morsi (og tali) á 18 MHz og á PSK-31 á 14 MHz. Þótt tilfinningin væri einstök að vinna úr stóra tjaldi félagsins á ferskri grasflötinni, var toppurinn óneitanlega stórglæsileg færanleg fjarskiptastöð TF3ML sem var búin stóru einbands Yagi loftneti á 14 MHz frá OptiBeam, af gerðinni OB5-20.
Síðdegis þáðu viðstaddir síðan eftirmiðdagskaffi í boði TF3ML, en viðurgerningur var ilmandi heimabakaðar múffur sem Kolbrún Edda, dóttir TF3ARI, hafði sérstaklega bakað fyrir Ólaf fyrr um daginn fyrir gesti á vitahelginni.
![](http://www.ira.is/wp-content/uploads/2017/07/18.-ágúst-2012-004.jpg)
Fjarskiptabifreið TF3ML ásamt kerru með færanlegum loftnetsturni í nærmynd.
![](http://www.ira.is/wp-content/uploads/2017/07/a-013.jpg)
TF3SA í loftinu á morsi sem TF8IRA í fjarskiptabifreið TF3ML. Stefán var mjög hrifinn af aðstöðunni.
![](http://www.ira.is/wp-content/uploads/2017/07/18.-ágúst-2012-025.jpg)
TF8GX í loftinu á morsi sem TF8IRA í samkomutjaldi Í.R.A. TF3-Ø33 og TF3-Ø35 fylgjast með.
![](http://www.ira.is/wp-content/uploads/2017/07/18.-ágúst-2012-009.jpg)
TF3-Ø33, TF3FIN og TF3ML í hádegisverðarhléi í veðurblíðunni. Hjólhýsi TF3IG er í baksýn.
![](http://www.ira.is/wp-content/uploads/2017/07/18.-ágúst-2012-022.jpg)
TF3JA og TF3IG “pústa” og bíða þess að kaffið verði til eftir að lokið var við að tjalda.
![](http://www.ira.is/wp-content/uploads/2017/07/18.-ágúst-2012-027.jpg)
TF3XON og TF3-Ø35 bíða þess að kaffið renni í fjarskiptatjaldi TF8IRA.
![](http://www.ira.is/wp-content/uploads/2017/07/a-011.jpg)
TF3ARI kom færandi hendi úr Reykjavík kl. 15 með múffurnar hennar Kolbrúnar Eddu.
![](http://www.ira.is/wp-content/uploads/2017/07/a-009.jpg)
TF3MSN sagðist viss um að skilyrðin væru ekki síðri á Akranesi en á Garðskaga. TF3IG var ekki viss…
![](http://www.ira.is/wp-content/uploads/2017/07/18.-ágúst-2012-012.jpg)
TF8GX og XYL TF3IG njóta veðurblíðunnar fyrir utan vitavarðarhúsið á Garðskaga
Leave a Reply
Want to join the discussion?Feel free to contribute!