TF2LL Í SKELJANESI Á FIMMTUDAG
![](http://www.ira.is/wp-content/uploads/2023/04/GEORG-PRUFA.jpg)
Næsti viðburður á vetrardagskrá ÍRA er í boði fimmtudaginn 4. maí. Þá mætir Georg Magnússon, TF2LL í Skeljanes með erindið: Ný lausn á rótorhúsi í loftnetsturni.
Markmið með nýju rótorhúsi og nýrri útfærslu á “ Boom-to-mast “ er að geta haft loftnetið lárétt þegar turninum hefur verið slakað niður og hann settur í lárétta stöðu úr 26 metra hæð.
Loftnetið er af gerðinni OptiBeam OB17-4 sem er 17 elementa YAGI loftnet fyrir 10, 15, 20 og 40 metra böndin. Turnvagninn er smíðaður af þýska fyrirtækinu Kassbohrer fyrir þýska herinn og er af gerðinni BW-25. Georg notar Prosistel PST-71D rótor.
Georg mun skýra okkur frá í máli og myndum hvernig hann gekk frá þessu stóra loftneti á turnvagninn sem hann breytti úr færanlegum í kyrrstæðan, á túninu hjá sér uppi í Borgarfirði.
Félagsmenn eru hvattir til að láta erindið ekki fram hjá sér fara. Vandaðar kaffiveitingar.
Stjórn ÍRA.
![](http://www.ira.is/wp-content/uploads/2023/04/Georg-NEW-NEW-TURN.png)
Leave a Reply
Want to join the discussion?Feel free to contribute!