Vel heppnað erindi TF3GB 16. desember
![](http://www.ira.is/wp-content/uploads/2017/03/IRA_161210_JON7197.jpg)
Salurinn var þétt skipaður enda umfjöllunarefnið áhugavert. Ljósmynd: TF3LMN.
![](http://www.ira.is/wp-content/uploads/2017/03/IRA_161210_JON7201.jpg)
“Við eigum náttúrlega að fylgja stöðlum í stærð og þykkt QSL korta” sagði Bjarni, TF3GB. Ljósmynd: TF3LMN.
![](http://www.ira.is/wp-content/uploads/2017/03/IRA_161210_JON7202.jpg)
Bjarni sýndi og ræddi mismunandi gerðir QSL korta; TF3HQ er eitt af kallmerkjum félagsins. Ljósmynd: TF3LMN.
Bjarni Sverrisson, TF3GB, flutti síðasta fimmtudagserindið á vetrardagskrá félagsins á þessu ári, fimmtudagskvöldið 16. desember. Erindið nefndist “QSL kort; hönnun, framleiðsla, notkun o.fl.”. Bjarni kynnti m.a. áhugaverðar nýjungar í framleiðslu QSL korta, en tiltölulega auðvelt er nú orðið að framleiða eigin kort eftir að sérhönnuð forrit komu til sögunnar (sem m.a. eru fáanleg á netinu). Hann fjallaði einnig um hefðir og skynsemi í QSL málum og hagkvæmni þess að nota QSL Bureau. Alls hlýddu 25 félagsmenn á erindið. Bjarni mun fylgja erindinu eftir með sérstakri grein um QSL kort sem verður til birtingar í CQ TF.
Leave a Reply
Want to join the discussion?Feel free to contribute!