Undirbúningur Vitahelgarinnar 2011 á fullu
![](http://www.ira.is/wp-content/uploads/2017/03/IMG_20110817_150530.jpg)
Tilbúinn til brottfarar. Jón Þóroddur Jónsson, TF3JA, við lestaða kerruna í Skeljanesi. Ljósmynd: TF3ARI.
Þeir Jón Þóroddur Jónsson, TF3JA og Ari Þór Jóhannesson, TF3ARI, lögðu upp frá félagsaðstöðu Í.R.A. í Skeljanesi nú síðdegis, þann 17. ágúst, með dót frá félaginu til nota á Vita- og vitaskipahelginni við Garðskagavita um helgina. Meðferðis var samkomutjald félagsins, borð, stólar, Kenwood TS-2000 sendi-/móttökustöð ásamt aflgjafa, borðhljóðnema og morslyklum, auk Ten Tec loftentsaðlögunarrásar, kóax kapla og annars loftnetsefnis. Guðmundur Ingi Hjálmtýsson, TF3IG, var þegar kominn á staðinn suður við Garðskagavita með hjólhýsi sitt þegar þeir félagar renndu í hlað og skömmu síðar kom Sigurður Smári Hreinsson, TF8SM, og TF8IRA var komið upp og tengd í gamla vitavarðarhúsinu. Þegar þetta er skrifað (kl. 20:30 á miðvikudag) hringdi Guðmundur Ingi, TF3IG, og sagði að það væri dúna logn á staðnum og veðurspáin væri mjög góð fyrir helgina, hlýindi og logn. Vita- og vitaskipahelgin hefst formlega um hádegi á laugardag.
![](http://www.ira.is/wp-content/uploads/2017/03/IMG_20110817_162630.jpg)
Farmurinn komst óskemmdur til Garðskaga. Myndin er tekin fyrir utan gamla vitavarðarhúsið. Ljósmynd: TF3ARI.
![](http://www.ira.is/wp-content/uploads/2017/03/IMG_20110817_164038.jpg)
Búið að tæma kerruna. Guðmundur Ingi Hjálmtýsson, TF3IG og Jón Þ. Jónsson, TF3JA. Ljósmynd: TF3ARI.
![](http://www.ira.is/wp-content/uploads/2017/03/IMG_20110817_181652.jpg)
Stöðin komin upp í turnherbergi gamla vitavarðarhússins. Sigurður Smári Hreinsson, TF8SM og Jón Þóroddur, TF3JA.
Bestu þakkir til Ara Þórs Jóhannessonar, TF3ARI, fyrir ljósmyndirnar.
Leave a Reply
Want to join the discussion?Feel free to contribute!