Almennt

Opið var í félagsaðstöðu ÍRA í Skeljanesi fimmtudaginn 6. febrúar. Kristinn Andersen, TF3KX mætti með erindi kvöldsins: „QRP afl, heimasmíði og notkun QRP senda“. Þetta var annað erindið á nýrri vordagskrá ÍRA fyrir tímabilið febrúar-maí 2025.

Fundurinn var afbragð. Fyrirlesari kvöldsins, Kristinn Andersen, TF3KX, fór á kostum og sagði vel frá QRP heiminum sem merkir að útsent afl er mest 5W og iðulega minna. Það er ótrúlegt hve langt má ná, en auðvitað byggist það á skilyrðum hverju sinni á því bandi sem unnið er á, og loftnetinu.  Staðsetning skiptir máli. 

Það er samt ekki nauðsynlegt að vera á ferðinni, þá má einfaldlega vera heima í „sjakknum“ og skrúfa aflið niður.  En óneitanlega er gaman að vera á ferðinni og þá gefst iðulega tækifæri á heppilegri staðsetningu sem tekur heimastöðinni fram á allan hátt, og þá sérstaklega niður við sjó. Kristinn sýndi QRP-tæki sem hann á og svaraði fjölmörgum fyrirspurnum úr sal. Á eftir erindinu komu áhugasamir fram og skoðuðu QRP tækin.

Erlendir gestir félagsins voru þau og dr. Tim Koeth, KØETH og XYL Michele, N2OAV sem búa í borginni Brandywine í Maryland [nærri Washington DC] í Bandaríkjunum og eru hér í norðurljósaferð. Þau eru gamalreyndir radíóamatörar og Tim sagðist t.d. hafa beðið Michele á morsi og hún svarað játandi, einnig á morsi.

Sérstakar þakkir til Kristins Andersen, TF3KX fyrir vel flutt, fróðlegt og áhugavert erindi. Þess má geta að erindið var tekið upp og verður til niðurhals fljótlega.

Alls mættu 31 félagi og 3 gestir þetta ágæta fimmtudagskvöld í mildu vetrarveðri í vesturbænum í Reykjavík.

Stjórn ÍRA.

(Texti: Andrés Þórarinsson, TF1AM varaformaður ÍRA).

Teknar voru saman upplýsingar um TF kallmerki sem fengu skráningu á þyrpingu (e. cluster) vikuna 11.-17. febrúar.

síðustu viku ársins, dagana 25.-31. desember. Alls fengu 14 TF kallmerki skráningar. Flestir voru QRV á stafrænum mótunum (FT8 og/eða FT4), en einnig á morsi (CW) og tali (SSB). Bönd: 10, 12, 15, 20, 40,  80 og 160 metrum.

Kallmerki fær skráningu þegar leyfishafi [eða hlustari] hefur haft samband við [eða heyrt í] TF kallmerki. Svokallað „self spotting“ er ekki tekið með. Upplýsingarnar eru fengnar á http://new.dxsummit.fi/#/  Sambærilegar síður eru í boði á netinu til samanburðar.

Fyrst er skráð kallmerki, þá tegund(ir) útgeislunar og band/bönd sem kallmerki fær skráningu á.

Til skoðunar er að taka reglulega saman upplýsingar af þessu tagi.

Stjórn ÍRA.

TF1A                      FT8 á 10 metrum.
TF1EIN                  FT8 á 20 metrum.
TF2AC                   FT8 á 10 metrum.
TF2LL                     SSB á 10 metrum.
TF2R                      CW á 10, 15 og 20 metrum.
TF3DC                   CW á 12 metrum.
TF3EO                   CW á 15 og 20 metrum.
TF3IG                    SSB á 15 metrum.
TF3JB                    CW á 12 metrum.
TF3SG                   CW  á 10, 15, 80 og 160 metrum.
TF3VE                   FT8 á 40 metrum.
TF3W                    CW á 10, 15 og 20 metrum.
TF4WD                 SSB á 20 metrum.
TF8SM                  FT4 á 10 metrum og CW  á 12 og 80 metrum.

CQ 160-Meter Contest, SSB.
Keppnin stendur yfir frá föstudegi 21. febrúar kl. 22:00 til sunnudags 23. febrúar kl. 22:00.
Keppnin fer fram á SSB á 160 metrum.
Skilaboð W/VE stöðva: RS + (ríki í USA/fylki í Kanada).
Skilaboð annarra: RS + CQ svæði.
https://www.cq160.com/rules/index.htm

G-leyfishöfum sem hafa hug á að taka þátt í keppninni er bent á að heilmildir Fjarskiptastofu um aðgang að auknu tíðnisviði á fullu afli eiga við þessa keppni. Sjá upplýsingar hér: https://www.ira.is/serheimild-a-160-metrum-2025/

REF CONTEST, SSB.
Keppnin stendur yfir frá laugardegi 22. febrúar kl. 06:00 til sunnudags 23. febrúar kl. 18:00.
Keppnin fer fram á SSB á 80, 40, 20, 15 og 10 metrum.
Skilaboð franskra stöðva: RS + (2 bókstafir „Department“/Forskeyti).
Skilaboð annarra: RS + raðnúmer.
https://concours.r-e-f.org/reglements/actuels/reg_cdfhfdx.pdf

UBA DX CONTEST, CW.
Keppnin stendur yfir frá laugardegi 22. febrúar kl. 13:00 til sunnudags 23. febrúar kl. 13:00.
Keppnin fer fram á CW á 80, 40, 20, 15 og 10 metrum.
Skilaboð belgískra stöðva: RST + raðnúmer +  2 bókstafir fyrir landsvæði.
Skilaboð annarra: RS + raðnúmer.
https://www.uba.be/en/hf/contest-rules/uba-dx-contest

North American QSO Party, RTTY.
Keppnin stendur yfir frá laugardegi 22. febrúar kl. 18:00 til sunnudags 23. febrúar kl. 05:59.
Keppnin fer fram á RTTY á 80, 40, 20, 15 og 10 metrum.
Skilaboð stöðva í N-Ameríku: RST + nafn + (ríki í USA/fylki í Kanada/DXCC eining).
Skilaboð annarra: RST + nafn + raðnúmer.
https://www.ncjweb.com/NAQP-Rules.pdf

World Wide Patagonia DX Contest.
Keppnin stendur yfir laugardaginn 22. febrúar frá kl. 00:00 til kl. 23:59.
Keppnin fer fram á CW og SSB á 80, 40, 20, 15 og 10 metrum.
Skilaboð: RS(T) + 4 stafa Maidenhead reitur (e. grid square).
https://wwpatagonia-arg-dx.com.ar

G-leyfishöfum sem hafa hug á að taka þátt í keppninni er bent á að heilmildir Fjarskiptastofu um aðgang að auknu tíðnisviði á fullu afli eiga við þessa keppni. Sjá upplýsingar á þessari vefslóð: https://www.ira.is/serheimild-a-160-metrum-2025/

Með ósk um gott gengi!

Stjórn ÍRA.

Opið hús verður í félagsaðstöðu ÍRA í Skeljanesi fimmtudaginn 13. febrúar fyrir félagsmenn og gesti frá kl. 20:00 til kl. 22:00.

Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin. Kaffiveitingar.

Verið velkomin í Skeljanes!

Stjórn ÍRA.

Opið var í félagsaðstöðu ÍRA í Skeljanesi fimmtudaginn 6. febrúar. Kristján Benediktsson, TF3KB mætti með erindi kvöldsins, um „Alþjóðastarf radíóamatöra, m.a. IARU, NRAU og ITU“. Þetta var fyrsta erindið á nýrri vordagskrá ÍRA fyrir tímabilið febrúar-maí 2025.

Kristján sagði í upphafi að ekki gerðu sér allir grein fyrir því hversu mikið árangur radíóamatöra í tíðnimálum byggir á þeim grunngildum sem framsýnir forystumenn þeirra mótuðu í upphafi. Fram kom m.a. að tíðnisvið [til ráðstöfunar] er takmarkað og það eru margir um hituna. Skipulag amatörfélaganna og landssamtaka þeirra sem og mikil vinna í alþjóðaráðum, hefur skilað þeim árangri í gegnum áratugina þannig að síður hefur verið þrengt að radíóamatörum, heldur hafa tíðniheimildir jafnvel rýmkast.

Kristján sagði, að árangri hafi verið náð fyrir ötult starf innan alþjóðasamtaka radíóamatörfélaga, IARU sem og í starfi landsfélaganna þar sem málin eru rædd vandlega, sameinast um tillögur og talað fyrir breytingum hjá fjarskiptayfirvöldum hvers lands, og þannig undirbúin frumvörp sem náðst hafa í gegn á alþjóðlegum tíðniákvörðunarráðstefnum ITU, “World Radio Conferences, WRC“ sem eru skuldbindandi fyrir aðildarríkin (e. plenipotentiary).

Einungis fyrir faglegt og vandað undirbúningsstarf hafa fjarskiptayfirvöld samþykkt margar tillögur radíóamatöra og fært inn í alþjóðareglugerðir. Hér á landi er það Fjarskiptastofa sem er stjórnvald fjarskipta og er tengiliður okkar við stofnunina formaður ÍRA, Jónas Bjarnason TF3JB, sem hefur unnið vel að þessum málum í mörg ár. Radíóamatörar eiga IARU sem og landsfélögunum mikið að þakka. Gerður var góður rómur að erindi Kristjáns sem svaraði mörgum fyrirspurnum.

Sérstakar þakkir til Kristjáns Benediktssonar, TF3KB fyrir vel flutt erindi, fróðlegt og áhugavert. Þess má geta að erindið var tekið upp og verður til niðurhals fljótlega. Sjá má glærur frá erindi Kristjáns á heimasíðu ÍRA: https://www.ira.is/erindi-tf3kb-i-skeljanesi-6-februar-2025/

Alls mættu 19 félagar þetta ágæta fimmtudagskvöld í stilltu vetrarveðri í vesturbænum í Reykjavík.

Stjórn ÍRA.

(Texti: Andrés Þórarinsson, TF1AM varaformaður ÍRA).