Almennt

Eins og fram kom fyrr í þessum mánuði, er áhugi fyrir að félagsstöðin, TF3IRA, eignist nýjan magnara. Nokkrir félagar hafa tekið sig saman og ákveðið að hrinda af stað söfnun sem geti létt undir með félagssjóði og hjálpað til við að fjármagna kaupin. Markmiðið er að safna allt að 300 þúsund krónum og þá geti félagssjóður brúað bilið upp á það sem vantar.

Menn sjá fyrir sér að hugsanlega geti 30 félagar verið tilbúnir til að leggja verkefninu lið, til dæmis með 10 þúsund króna framlagi hver, en að sjálfsögðu má framlag hvers og eins vera minna eða meira en sú fjárhæð. Hugmyndin er þegar þar að kemur, að boðað verði til fundar þar sem tekin verði sameiginleg ákvörðun um kaup á tiltekinni tegund og gerð magnara.

Stefán Arndal, TF3SA, opnaði reikning þann 1. febrúar síðastliðinn í þágu söfnunarinnar í Íslandsbanka fyrir væntanleg framlög. Reikningurinn ber nafnið: „HF magnari fyrir Í.R.A.” og er reikningsnúmerið 0515-14-122257. Kennitalan er á hans nafni, 260831-2839 og hefur hann þegar lagt inn á þennan reikning 20 þúsund króna framlag.

Stefán er forsvarsmaður söfnunarinnar og vörslumaður fjárins og mun hann svara fyrirspurnum félagsmanna vegna söfnunarinnar. Fyrir liggur staðfesting stjórnar félagsins þess efnis, að félagssjóður muni styrkja kaupin. Undirritaður hvetur félagsmenn til að styðja þetta góða framtak.

F.h. stjórnar Í.R.A.,

Jónas Bjarnason, TF3JB,
formaður.

ilhjálmur Þór Kjartansson, TF3DX hefur sýnt svo um munar að það er ýmislegt hægt að gera á amatörböndunum á HF „/m” og má t.d. minna á þegar hann hafði fyrsta sambandið frá bílstöð frá TF til Japans (JA7FUJ) á CW á 160 metrum þann 17. nóvember 2009. Þetta var eitt af því fjölmarga sem fram kom í afar vel heppnuðu erindi hans í félagsaðstöðu Í.R.A. við Skeljanes fimmtudaginn 14. febrúar.

Vilhjálmur byrjaði þó erindi sitt mun framar í tíma, eða upp úr 1970 þegar hann byrjaði að vinna úr bílnum, aðallega á 80 metrum og síðan á 160 metrum strax þegar þeir voru leyfðir hér á landi. Hann sagðist hafa fengið „DX áhugann” mun síðar. Síðan fylgdu margar bráðskemmtilegar sögur um einstakar ferðir og tilraunir. Vilhjálmur notar eingöngu heimasmíðuð loftnet og 1

00W sendi. Hann notar spólur og mismunandi langa toppa) um 3,3 metra og 4,7 metra háa. Honum reiknast til að nýtnin á 1,8 MHz sé til dæmis um 2,5%. Alls voru um 30 félagar voru mættir í Skeljanes þetta hægláta vetrarkvöld í höfuðborgnni.

Stjórn Í.R.A. þakkar Vilhjálmi Þór Kjartanssyni, TF3DX, fyrir afar vel heppnað erindi.

Fyrsta sunnudagsopnun á yfirstandandi vetrardagskrá verður haldin sunnudaginn 17. febrúar n.k. kr. 10:30 í félagsaðstöðu Í.R.A. við Skeljanes. Guðjón Helgi Egilsson, TF3WO, mætir í sófaumræður og kynnir Skycommand System II+ frá Kenwood. Húsið verður opnað kl. 10 árdegis og er miðað við að dagskrá verði tæmd á hádegi.

Kenwood kynnti SkyCommand kerfið árið 2005 í Bandaríkjunum. Það gerir notendum TS-2000/2000X/B2000 stöðva kleift, að stýra þeim frá bílstöðvum eða handstöðvum á 2 metrum eða 70 cm frá sama framleiðanda, t.d. gerðum TH-D7A/G, TM-D700A eða TM-D710A. Bandarískir leyfishafar fengu heimild stjórnvalda til að nota SkyCommand í lok árs 2006.

Stjórn Í.R.A. hvetur félagsmenn til að mæta tímanlega.

Endurvarpinn TF1RPB varð QRV á ný í dag, fimmtudaginn 14. febrúar, kl. 12:20. Þær breytingar hafa verið gerðar, að “Páll” hefur fengið nýjar vinnutíðnir. Nýja tíðnin til að lykla Pál er nú 145.050 MHz og nýja tíðnin sem endurvarpinn sendir út á, er 145.650 MHz. Breytingin hefur verið tilkynnt til Póst- og fjarskiptastofnunar.

Sama tónlæsing er notuð og áður, þ.e. 88,5 rið á CTCSS kerfi. Þá er endurvarpinn stilltur á “wideband” mótun. Loks er óbreytt, að hægt er að hlusta á sendingar frá TF1RPB venjulegu viðtæki eða stöð, þ.e. ekki þarf að afkóða sendingar í móttöku.

Stjórn Í.R.A. þakkar þeim Ara Þórólfi Jóhannessyni TF3ARI og Benedikt Guðnasyni TF3TNT fyrir ferðina í Bláfjöll í fyrradag og Ara fyrir að leggja á ný á fjallið í morgun til að breyta tíðni endurvarpans.

Slökkt var á TF1RPB í Bláfjöllum í morgun, 13. febrúar, kl. 10:30. Endurvarpinn verður hafður í hvíld þar til gengið hefur verið úr skugga um að hann trufli örugglega ekki aðrar þjónustur.

Á meðan Bláfjöll verða úti, er TF3RPI sem er staðsettur í Ljósheimum í Reykjavík,til þjónustu. Hann notar tíðnirnar: 145.075 MHz (RX) og 145.675 MHz (TX). Notuð er 88,5 riða CTCSS tónlæsing líkt og til að opna varpann í Bláfjöllum. Hægt er að hlusta á sendingar frá TF3RPI í venjulegu viðtæki eða stöð, þ.e. ekki þarf að afkóða sendingar í móttöku.

Annar endurvarpi er einnig til þjónustu. Það er TF3RPA sem er staðsettur á Skálafelli. Hann notar tíðnirnar: 145.000 MHz (RX) og 145.600 MHz (TX). Ekki þarf að nota tónlæsingu á sendingu til að opna hann líkt og varpann í Ljósheimum.

Vakin er athygli á, að TF3RPC sem var staðsettur við Hagatorg í Reykjavík varð QRT vegna byggingaframkvæmda í húsinu þann 8. febrúar s.l. og verður QRT í a.m.k. tvo mánuði – þannig að það er eðlilegt að hann komi ekki inn.

Stjórn Í.R.A. þakkar þeim Sigurði Harðarsyni, TF3WS; Ara Þórólfi Jóhannessyni, TF3ARI og Benedikt Guðnasyni, TF3TNT, fyrir aðstoð í sambandi við mál endurvarpans í Bláfjöllum.