Almennt

Í.R.A. hefur borist erindi frá Póst- og fjarskiptastofnun dags. 16. janúar 2013 þess efnis, að íslenskum leyfishöfum er veitt heimild til að nota nýtt tíðnisviðið 472-479 kHz á 630 metra bandi. Heimildin miðast við 5 wött e.i.r.p. og má bandbreidd merkis vera allt að 1 kHz. Heimildin gildir fyrir G-leyfishafa og er á víkjandi grunni (forgangsflokkur 2 í reglugerð)

Á alþjóða tíðniráðstefnunni í Genf (WRC 2012) var samþykkt að veita radíóamatörum heimild fyrir notkun á tíðnisviðsinu 472-479 kHz fyrir starfsemi sína, á víkjandi grunni, og með ákveðnum skilyrðum varðandi sendiafl. Almenna reglan varðandi sendiafl er, að nota megi allt að 1 watt e.i.r.p. Lönd sem eru staðsett, a.m.k. 800 km frá ákveðnum löndum sem talin eru upp í alþjóða radíóreglugerðinni, mega heimila allt að 5 wött e.i.r.p. sendiafl og hefur Póst- og fjarskiptastofnun ákveðið að veita íslenskum radíóamatörum þá heimild með hliðsjón af staðsetningu landsins.

Á næstunni verður sama tíðnisvið (472-479 kHz) til úthlutunar til radíóamatöra um allan heim, þ.e. í IARU Svæðum 1, 2 og 3 og verður engin skörun í tíðni á milli svæða (sem er afar jákvætt). Þess má geta til viðbótar, að eldri tímabundin sérheimild til íslenskra leyfishafa í tíðnisviðinu 493-510 kHz féll niður þann 31. desember 2012.

Stjórn Í.R.A. fagnar framkominni heimild frá Póst- og fjarskiptastofnun.

Eins og kynnt hefur verið á póstlista félagsins, setti TF3CY í gang nýtt spjallsvæði hér á heimasíðunni
þann 19. desember s.l. Slóðin er: http//spjall.ira.is Tenging hefur verið gerð virk frá heimasíðunni (dálkur
lengst til hægri). Svæðið skiptist annarsvegar í almennt spjall og hinsvegar í sérhæft spjall, samkvæmt
eftirfarandi töflu:

Benedikt segir: “Þar sem gamla spjallið okkar komst aldrei almennilega í gang, ákvað ég að reyna ekki að flytja það yfir, en gagnagrunnurinn var orðinn hálfónýtur og þetta var óþarflega flókið spjallkerfi. Ég setti upp spjallborð sem heitir “FluxBB” sem er frekar einfalt, en er með möguleika að setja inn myndir. Skráning er opin, þ.e. allir geta skráð sig – borðið kemur sjálfgefið upp á Íslensku, en það er hægt að velja ensku ef menn vilja. Endilega prófið að skrá ykkur og setja inn efni – Ef þið lendið í vandamálum, sendið póst á mig: benni (hjá) ccpgames.com

QSL kort félagsmanna innpökkuð og tilbúin til sendingar þann 7. janúar. Ljósmynd: TF3-Ø35.

Áramótaútsending korta frá TF Í.R.A. QSL Bureau (kortastofu) hefur farið fram. Mathías Hagvaag, TF3-Ø35, QSL stjóri útsendra korta segir, að alls hafi farið sendingar á 130 kortastofur hjá landsfélögum radíóamatöra um allan heim í gær, mánudaginn 7. janúar. Að sögn Mathíasar, bíða þó tveir 2 kg. kassar til Þýskalands og Ítalíu sendingar (eftir nokkru viðbótarmagni korta). Þá hafi árið endanlega verið hreinsað upp.

Aðspurður sagði Mathías, að frá því hann tók við embættinu í júlí s.l., hafi alls verð póstlögð 28 kg af kortum til um 150 kortastofa um allan heim. Þegar þeir tveir kassar sem enn bíða sendingar fara í póst, verði þetta alls um 32 kg. korta.

Stjórn Í.R.A. þakkar Mathíasi Hagvaag, TF3-Ø35, fyrir vel unnin störf að QSL málum félagsmanna.

Ársæll Óskarsson TF3AO. Myndin var tekin hjá TF3W í SAC SSB keppninni 2011. Ljósmynd: TF3SA.

Ársæll Óskarsson, TF3AO og Svanur Hjálmarsson, TF3FIN, munu virkja félagsstöðina TF3W í Skeljanesi í ARRL Roundup RTTY keppninni helgina 5.- 6. janúar n.k. “Roundup” er 30 klst. keppni þar sem þátttakendur mega mest vera QRV í 24 klukkustundir á keppnistímanum. Hún hefst kl. 18:00 á laugardag og lýkur kl. 24:00 á sunnudag. Að sögn Sæla, ráðgera þeir félagar að verða einkum virkir í keppninni á sunnudag.

Keppnin er í reynd fyrir allar tegundir stafrænnar útgeislunar, þ.e. RTTY, ASCII, AMTOR, PSK31 og Packet, en RTTY hefur verið ríkjandi undanfarin ár. Keppnin fer fram á 10-80 metra böndunum og hvíldartímabil mega mest vera tvö og þurfa að vera tekin í mest tveimur samfelldum hléum. Sjá nánar reglur keppninnar á þessari vefslóð: http://www.arrl.org/files/file/Contest%20Rules%20PDFs/2013/2013-RTTYRU-Rules.pdf

Stjórn Í.R.A. óskar þeim félögum góðs gengis í keppninni.

Svanur Hjálmarsson TF3FIN. Myndin var tekin hjá TF3W í SAC SSB keppninni 2011. Ljósmynd: TF3SA.

Vetrarsól skín á Steppir í Skeljanesi í Reykjavík kl. 14:22 þann 6. desember 2012.

Vetrardagskrá Í.R.A. fyrir tímabilið janúar-maí 2013 liggur fyrir. Hún hefst að þessu sinni fimmtudaginn 24. janúar og lýkur fimmtudaginn 2. maí. Samkvæmt dagskránni verða alls í boði 20 viðburðir, þ.e. erindi, sunnudagsopnanir, hraðnámskeið, opið hús, sérstakur fimmtudagsfundur, DVD heimildarmynd og stöðutaka í morsi. Sunnudagsopnanir félagsaðstöðunnar hefjast á ný um miðjan febrúar og lýkur í byrjun apríl. Ánægjulegt er að geta um, að Bjarni Sigurðsson, sérfræðingur hjá Póst- og fjarskiptastofnun heimsækir okkur í Skeljanes á ný með erindi þann 21. mars. Dagskráin verður nánar til kynningar í 1. tbl. CQ TF sem kemur út síðar í þessum mánuði. Dagskráin er einnig birt í dálknum lengst til hægri (ofarlega) á heimasíðunni með meiri upplýsingum ásamt ljósmyndum. Verkefnið var annars í traustum höndum Andrésar Þórarinssonar, TF3AM, varaformanns félagsins, með aðkomu stjórnarmannanna Kjartans H. Bjarnasonar, TF3BJ og Jónasar Bjarnasonar, TF3JB.

ATh. að félagsaðstaðan í Skeljanesi verður lokuð eftirtalda fimmtudaga: 29. mars(skírdagur), 25. apríl (sumardagurinn fyrsti) og 9. maí (uppstigningadagur).