,

NÁMSKEIÐ TIL AMATÖRPRÓFS HAUST 2023

Næsta námskeið ÍRA til amatörprófs verður haldið í Háskólanum í Reykjavík 25. september til 7. nóvember n.k. Í boði verður hvorttveggja, staðnám og fjarnám.

Námskeiðið er öllum opið og eru ekki gerðar kröfur um sérstaka menntun eða undirbúning. Kennt verður á mánudögum, þriðjudögum og miðvikudögum kl. 18:30-21:30. Hægt er að mæta í kennslustofu í HR þegar það hentar og/eða taka þátt yfir netið þegar það hentar.

Námskeiðsgjald er kr. 22.500. Miðað er við að greiðsla hafi borist til félagsins fyrir 3. september n.k. Í framhaldi verður námsefni á prenti póstlagt. Greiðsluupplýsingar: http://www.ira.is/skraning-a-namskeid/ Bent á fræðslustyrki stéttarfélaga og Vinnumálastofnunar til þeirra sem sækja námskeiðið.

Sjá meðfylgjandi vefslóðir á skipulag námskeiðsins, samantekt á vefslóðir með námsefni og kynningarefni um amatör radíó og félagið Íslenskir radíóamatörar (ÍRA).

Fyrirspurnum má beina póstfang félagsins: ira@ira.is

Reykjavík 22. júní 2023,

Stjórn ÍRA.

Skipulag námskeiðs: https://tinyurl.com/namsk-haust23
Vefslóðir á námsefni: https://tinyurl.com/namsefni-haust23
Kynningarefni: http://www.ira.is/wp-content/uploads/2021/12/Kynning-2022.pdf

/by
,

OPIÐ HÚS 22. JÚNÍ Í SKELJANESI

Félagsaðstaðan í Skeljanesi verður opin fimmtudaginn 22. júní fyrir félagsmenn og gesti frá kl. 20 til 22.

Fjarskiptaherbergi TF3IRA á 2. hæð verður opið ásamt QSL herbergi. Mathías Hagvaag, TF3MH QSL stjóri verður búinn að fara í pósthólfið og flokka kort í hólfin.

Enn hefur bæst við af radíódóti, m.a. tölvuhlutir, VHF stöðvar (Kenwood, Kraco, Yaesu o.fl.), fjarskiptahátalarar (Yaesu og Kris og fl.), standar fyrir heyrnartól o.m.fl.

Nýjustu tímaritin liggja frammi. Kaffiveitingar.

Verið velkomin í Skeljanes!

Stjórn ÍRA.

/by
,

50 OG 70 MHz TÍÐNISVIÐIN

6 METRAR.
Nú þegar 4 metra og 6 metra böndin eru byrjuð að opnast er bent á, að leyfishafar sem hafa áhuga á að stunda fjarskipti á auknu afli í 50 MHz tíðnisviðinu þurfa að senda beiðni þess efnis til Fjarskiptastofu. Póstfang: hrh(hjá)fjarskiptastofa.is Tilgreina skal að sótt sé um aukið afl á 50 MHz. G-leyfishafar fá heimild til að nota allt að 1kW og N-leyfishafar allt að 100W. Ánægjulegt er, að gildistími er jafn langur og á síðasta ári (2022) eða út septembermánuð.

4 METRAR.
Leyfishöfum sem áhuga hafa á að stunda fjarskipti í 70 MHz tíðnisviðinu er bent á að sérheimild [2023-2024] til notkunar á 70.000-70.250 MHz hefur verið í gildi frá 1. janúar s.l. Leyfishafar þurfa að senda beiðni um heimild til Fjarskiptastofu fyrir nýtt tveggja ára tímabil á hrh(hjá) fjarskiptastofa.is  Það nægir að senda eina umsókn sem gildir fyrir bæði árin, þ.e. 2023 og 2024.

RADÍÓVITAR.
Bent er á að radíóvitarnir TF1VHF eru virkir á 50.457 MHz og 70.057 MHz. QTH er Álftanes á Mýrum. Til hagræðis er notað sama kallmerki, TF1VHF. Merki heyrast vel í Reykjavík, um Suðurnes, austur fyrir fjall, um Snæfellsnes og um Vesturland og til útlanda.

Með ósk um gott gengi!

Stjórn ÍRA.

Mynd úr fjarskiptaherbergi TF3IRA í félagsaðstöðunni í Skeljanesi í Reykjavík.
/by
,

VÍSBENDING UM VIRKNI

Teknar voru saman upplýsingar um TF kallmerki sem fengu skráningu á þyrpingu (e. cluster) vikuna 11.-18. júní 2023.

Alls fengu 15 TF kallmerki skráningu. Flestir voru QRV á stafrænum mótunum (FT8 og FT4), en einnig á morsi (CW), fjarritun (RTTY) og tali (SSB). Bönd: 6, 10, 15, 17, 20, 40 og 60 metrar.

Kallmerki fær skráningu þegar leyfishafi [eða hlustari] hefur haft samband við [eða heyrt í] TF kallmerki. Svokallað „self spotting“ er ekki tekið með. Upplýsingarnar eru fengnar á http://new.dxsummit.fi/#/   Sambærilegar síður eru í boði á netinu til samanburðar.

Fyrst er skráð kallmerki, þá tegund(ir) útgeislunar og band/bönd sem kallmerki fær skráningu á.

Til skoðunar er að taka reglulega saman upplýsingar af þessu tagi.

Stjórn ÍRA.

TF1A                      FT8 á 10 metrum.
TF1EIN                  FT8 á 17 metrum.
TF2MSN               FT4 og FT8 á 17, 20 og 40 metrum.
TF3AO                  RTTY á 20 metrum.
TF3DC                   CW á 17 metrum.
TF3JB                    FT4 á 17 metrum.
TF3PO                   RTTY á 20 metrum.
TF3VE                   FT4 og FT8 á 6, 15, 17 og 60 metrum.      
TF3VG                   FT8 á 6 metrum.
TF1VHF                CW á 6 metrum.
TF3VS                    FT8 á 10 og 15 metrum.
TF4ZQ                   FT8 og SSB á 6 og 20 metrum.
TF5B                      FT8 á 17 metrum.
TF8KW                  SSB Á 20 metrum.
TF8KY                    SSB á 20 metrum.

Til skoðunar er að taka reglulega saman upplýsingar af þessu tagi.

Stjórn ÍRA.

Óðinn Þór Hallgrímsson TF2MSN var virkur í DX vikuna 11.-18. júní. Meðfylgjandi ljósmynd var tekin 17. júní þegar hópur góðra félaga mætti upp á Akranes í loftnetavinnu á Grenigrundina. Frá vinstri: Benedikt Sveinsson TF3T, Pier Kaspersma TF3PKN, Jón E. Guðmundsson TF8KW, Óðinn Þór Hallgrímsson TF2MSN og Gísli Guðnason. Ljósmynd: Helga XYL TF2MSN.
/by
,

ALÞJÓÐLEGAR KEPPNIR 17.-18. JÚNÍ.

ALL ASIAN DX morskeppnin hefst á laugardag 17. júní kl. 00:00 og lýkur á sunnudag 18. júní kl. 24:00. Keppnin fer fram á morsi (CW) á 160, 80, 40, 20, 15 og 10 metrum.
Skilaboð: RST + aldur þátttakanda.
https://www.jarl.org/English/4_Library/A-4-3_Contests/2023AA_rule.htm

SMIRK keppnin hefst á laugardag 17. júní kl. 00:00 og lýkur á sunnudag 18. júní kl. 24:00. Keppnin fer fram á tali (SSB) og morsi (CW) á 6 metrum.
Skilaboð: RS(T)+4 stafa reitur (e. grid square).
http://smirk.info/contest.html

PAJAJARAN keppnin stendur yfir laugardaginn 17. júní frá kl. 00:00 til 23:59. Keppnin fer fram á tali (SSB) á 80, 40, 20, 15 og 10 metrum.
Skilaboð: RS+raðnúmer.
https://pbdx-contest.id/

IARU REGION 1 50 MHz keppnin stendur yfir laugardaginn 17. júní frá kl. 14:00 til sunnudags 18. júní kl. 14:00. Keppnin fer fram á tali (SSB) og morsi (CW) á 6 metrum.
Skilaboð: RS(T)+QSO númer+6 stafa reitur (e. grid square).
https://www.iaru-r1.org/wp-content/uploads/2021/03/Rules-2021.pdf

STEW PERRY TOPBAND CHALLANGE keppnin stendur yfir laugardag 17. júní frá kl. 15:00 til sunnudags 18. júní kl. 15:00. Keppnin fer fram á morsi (CW) á 160 metrum.
Skilaboð RST+4 stafa reitur (e. grid square).
https://www.kkn.net/stew/

Með ósk um gott gengi!

Stjórn ÍRA.

Heathkit SB-102 var vinsæl 100W HF stöð meðal leyfishafa sem tóku þátt í keppnum á árabilinu 1970-1975 (og lengur), einnig hér á landi. Stöðin vinnur á 80-10 metrum, SSB og CW. Útgangslampar eru 6146. Ljósmynd: SM5DFI.
/by
,

OPIÐ Í SKELJANESI FIMMTUDAG 15. JÚNÍ


Félagsaðstaða ÍRA í Skeljanesi verður opin fimmtudaginn 15. júní frá kl. 20:00-22:00 fyrir félagsmenn og gesti.

Fundarsalur, fjarskiptaherbergi TF3IRA og QSL stofa á 2. hæð verða opin. QSL stjóri félagsins verður búinn að tæma pósthólfið og flokka innkomin kort.

Nokkuð hefur borist af radíódóti (sbr. ljósmyndir). Nýjustu tímaritin liggja frammi. Kaffiveitingar.

Verið velkomin í Skeljanes!

Stjórn ÍRA.

/by
,

ENN TEKIÐ Á MÓTI EFNI Í CQ TF

Ritstjóri vekur athygli á að enn er hægt að senda efni í næsta tölublað CQ TF, eða fram á fimmtudagskvöld 15. júní.

Allt efni um áhugamálið er vel þegið í blaðið, s.s. frásagnir, ljósmyndir, eða jafnvel aðeins punktar og ábendingar um efni sem vinna má úr.

Athygli er vakin á að félagsmönnum er boðið að auglýsa frítt í blaðinu notuð fjarskiptatæki og/eða búnað sem tilheyrir áhugamálinu.

Netfang ritstjóra: saemi@hi.is

Fyrirfram þakkir og 73,

TF3UA, ritstjóri CQ TF.

/by
,

OPIÐ HÚS Í SKELJANESI 8. JÚNÍ

Félagsaðstaða ÍRA í Skeljanesi verður opin fimmtudaginn 8. júní frá kl. 20:00-22:00 fyrir félagsmenn og gesti.

Fundarsalur, fjarskiptaherbergi TF3IRA og QSL stofa á 2. hæð verða opin. QSL stjóri félagsins verður búinn að tæma pósthólfið og flokka innkomin kort.

Nýjustu tímaritin liggja frammi. Kaffiveitingar.

Verið velkomin í Skeljanes!

Stjórn ÍRA.

/by
,

VEL HEPPNAÐUR FIMMTUDAGUR Í SKELJANESI

Valgeir Pétursson TF3VP stendur hér við RF magnarann og aflgjafann skömmu áður en erindi hans hófst.

Valgeir Pétursson, TF3VP mætti í Skeljanes fimmtudaginn 1. júní og flutti erindið: „Samsetning á HF transistormagnara“.

Valgeir skýrði okkur frá í máli og myndum, hvernig smíði RF magnara fyrir HF böndin og 50 MHz fer fram. Hann getur gefið út allt að 1kW og vinnur frá 160-10m, auk 50 MHz. Fram kom hjá Valgeiri, að sumt er heimasmíðað en margt er keypt samsett og jafnvel forprófað, flest það veigamesta frá Jim, W6PQL.

Öll samsetning, uppröðun og fyrirkomulag eininganna var hönnum Valgeirs. Magnarinn var opinn til sýnis á staðnum ásamt aflgjafa og síueiningu og þótti flestum mikið til koma að sjá bæði eljuna og natnina sem lögð hefur verið í verkið.

Valgeir svaraði spurningum, þakkaði Benedikt Sveinssyni, TF3T fyrir dygga aðstoð  og fékk að lokum verðskuldað klapp og þakkir viðstaddra. Menn ræddu síðan málin yfir kaffi fram undir kl. 23:00.

Sérstakir gestir félagsins þetta fimmtudagskvöld voru þeir Daggeir Pálsson, TF7DHP frá Akureyri, Kristján J. Gunnarsson, TF4WD frá Sauðárkróki og Dervin Beldman, PD9DX frá Holten í Hollandi.

Alls voru 35 félagsmenn og 2 gestir í Skeljanesi þetta ágæta fimmtudagskvöld í mildu sumarveðri í vesturbænum í Reykjavík.

Stjórn ÍRA.

Erindi Valgeirs hófst stundvíslega kl. 20:30.
Góð mæting var í félagsaðstöðuna þetta fimmtudagskvöld.
Valgeir sýndi fjölmargar glærur frá mismunandi stigum í smíðinni.
“Hvílík fegurð” eins og einn viðstaddra sagði. RF magnarinn var hafður opinn fyrir viðstadda til að skoða. Kassinn er frá W6PQL.
Eftir flutning erindisins var skoðað og spekúlerað. Frá vinstri: Sveinn Goði Sveinsson TF3ID, Hans Konrad Kristjánsson TF3FG, Valgeir Pétursson TF3VP og Sigurður Smári Hreinsson, TF8SM.
Sigmundur Karlsson TF3VE, Gísli Guðnason, Óðinn Þór Hallgrímsson TF2MSN, Hrafnkell Sigurðsson TF8KY, Georg Magnússon TF2LL og Andrés Þórarinsson TF1AM.
Óðinn Þór Hallgrímsson TF2MSN, Hrafnkell Sigurðsson TF8KY og Georg Magnússon TF2LL.
Vilhjálmur Í. Sigurjónsson TF3VP og Mathías Hagvaag TF3MH. Fyrir aftan: Benedikt Sveinsson TF3T, Dervin Beldman PD9DX og Guðmundur Birgir Pálsson TF3AK.
Sveinn Goði Sveinsson TF3ID, Einar Kjartansson TF3EK, Daggeir Pálsson TF3DHP, Jón E. Guðmundsson TF8KW og Guðmundur V. Einarsson TF3VL.
Dervin Beldman PD9DX í fjarskiptaherbergi TF3IRA. Ljósmyndir: Jón Svavarsson TF3JON.
/by
,

RITSTJÓRI KALLAR EFTIR EFNI Í CQ TF

Næsta tölublað CQ TF, 3. tölublað ársins 2023, kemur út 2. júlí n.k.

Allt efni um áhugamálið er vel þegið í blaðið, s.s. frásagnir, ljósmyndir, eða jafnvel aðeins punktar og ábendingar um efni sem vinna má úr.

Félagsmönnum er boðið að auglýsa frítt í blaðinu notuð fjarskiptatæki og/eða búnað sem tilheyrir áhugamálinu.

Skilafrestur efnis er til 15. júní. Netfang: saemi@hi.is

Félagskveðjur og 73,

Sæmundur E. Þorsteinsson, TF3UA

ritstjóri CQ TF

/by
,

TF3VP Í SKELJANESI Á FIMMTUDAG

Síðasti viðburður á vetrardagskrá félagsins vorið 2023 verður haldinn í
Skeljanesi fimmtudaginn 1. júní kl. 20:30.

Þá mætir Valgeir Pétursson, TF3VP í Skeljanes með erindið:
Samsetning á HF transistormagnara.

Valgeir hefur verið að smíða RF magnara fyrir HF tíðnir með
transistorútgangi og ætlar að segja okkur frá þessu ferli í máli og myndum.
Hann kemur með smíðagripinn með sér á staðinn.

Félagsmenn eru hvattir til að missa ekki af erindi Valgeirs. Veglegar
kaffiveitingar.

Stjórn ÍRA.

.

Mynd úr fjarskiptaherbergi Valgeirs heima á Kjalarnesi. Ljósmynd: TF3VP.
/by
,

FRÁBÆR FIMMTUDAGUR Í SKELJANESI

Tvennt var á dagskrá í Skeljanesi fimmtudaginn 25. maí. Annars vegar afhending verðlauna og viðurkenninga fyrir Páskaleikana 2023 sem Hrafnkell Sigurðsson, TF8KY umsjónarmaður annaðist og hins vegar flutningur erindis kvöldsins: Gervitungl radíóamatöra í umsjá Heimis Þórs Sverrissonar, TF3ANT (W1ANT).

Hrafnkell, TF8KY byrjaði dagskrána kl. 20:00 og flutti fróðlegt yfirlit um gang leikanna í ár, m.a. um fjölda stöðva sem léku til stiga, virkni færanlegra stöðva, skráð QSO og fjölda banda sem notuð voru í leikunum ásamt upplýsingum um lengstu sambönd. Síðan fór fram afhending verðlauna og viðurkenninga. Þessir fengu verðlaunagripi ÍRA: 1. sæti TF8KY, 2. sæti TF1AM og 3. sæti TF2MSN. Viðurkenningaskjöl ÍRA: 1. sæti TF2MSN, 2. sæti TF8KY og 3. sæti Sigmundur Karlsson, TF3VE.

Heimir Þór Sverrisson, TF3ANT (W1ANT) byrjaði sitt erindi kl. 20:30 um Gervitungl radíóamatöra. Það skiptist í þrjá kafla: (1) Samskiptin þar sem fjallað var um endurvarpa í rauntíma og um geymslu og áframsendingu gagna. (2) Tilraunir þar sem fjallað var um þær fjölmörgu tilraunir sem radíóamatörar hafa gert í geimnum allt frá fyrstu sendingunum frá OSCAR-1 í desember 1961 og (3) um Fræðsluþáttinn, þ.e. að með samstarfi við menntastofnanir hafa radíóamatörar hjálpað menntastofnunum við vísindatilraunir úr geimnum, og síðar geta notað sömu tungl til samskipta.

Erindi Heimis Þórs var fróðlegt, vandað og vel heppnað og veitti viðstöddum sýn inn í sérhæfðan heim geimfjarskipta. Það var vel upp byggt og hann nálgaðist viðfangsefnið af léttleika og lipurð vísindamannsins sem hefur innsýn, þekkingu og leiftrandi áhuga á umfjöllunarefninu. Heimir bauð upp á spurningar úr sal samhliða flutningi og var þeim svarað jafnóðum, fljótt og vel.

Sérstakar þakkir til þeirra Hrafnkels og Heimis Þórs fyrir frábær erindi. Hrafnkell hefur gert Páskaleikana að stórviðburði og Heimir Þór færði okkur vandað erindi í hæsta gæðaflokki. Einnig sérstakar þakkir til Hinriks Vilhjálmssonar, TF3VH fyrir tæknistjórn við að streyma viðburðinum.

Erlendir gestir félagsins þetta fimmtudagskvöld voru þau Christian, DL1MGB og XYL. Chris er þekktur keppnis- og “DX-maður“ sem m.a. hefur verið QRV í alþjóðlegum keppnum og frá tugum DXCC landa, bæði á eigin vegum og með fleirum frá sjaldgæfum DXCC einingum, s.s. Clipperton.

Alls tóku 55 þátt í viðburðum þetta frábæra fimmtudagskvöld í Skeljanesi; 47 á staðnum (þar af 6 gestir) og 8 tengdir yfir netið.

Stjórn ÍRA.

Andrés Þórarinsson TF1AM varaformaður ÍRA afhendir Hrafnkeli Sigurðssyni TF8KY verðlaunagrip fyrir 1. sætið í Páskaleikum félagsins 2023 og viðurkenningarskjal fyrir 2. sætið í fjölda sambanda.
Hrafnkell Sigurðsson TF8KY afhendir Andrési Þórarinssyni TF1AM verðlaunagrip ÍRA fyrir 2. sætið í Páskaleikum ÍRA 2023.
Hrafnkell Sigurðsson TF8KY afhendir Óðni Þór Hallgrímssyni TF2MSN verðlaunagrip fyrir 3. sætið í Páskaleikum ÍRA 2023 og viðurkenningarskjal fyrir 1. sætið í fjölda sambanda.
Hrafnkell Sigurðsson TF8KY afhendir Sigmundi Karlssyni TF3VE viðurkenningarskjal fyrir 3. sætið í fjölda sambanda í Páskaleikum ÍRA 2023.
Heimir Þór Sverrisson TF3ANT (W1ANT) byrjar flutning á erindi sínu.
Heimir Þór sýndi okkur margar afar áhugaverðar glærur með texta og myndum. Hér útskýrði hann LEO gervitunglin.
Heimir Þór heldur á kassa sem er sömu stærðar og FUNcube gervihnettirnir, 10 cm hver hlið. Margar spurningar bárust úr sal um fyrirbærið.
Frá vinstri: Baldur Sigurðsson TF6-009, Wilhelm Sigurðsson TF3AWS, Sæmundur Þorsteinsson TF3UA, Heimir Konráðsson TF1EIN, Andrés Þórarinsson TF1AM og Georg Kulp TF3GZ. Hægra megin við súlu: Björgvin Víglundsson TF3BOI, Hans Konrad Kristjánsson TF3FG, Guðmundur Birgir Pálsson TF3AK, Eiður Kristinn Magnússon TF1EM og Hinrik Vilhjálmsson TF3VH sem annaðist tæknistjórn útsendingar yfir netið.
Hinrik Vilhjálmsson TF3VH, Heimir Þór Sverrisson TF3ANT (W1ANT, Sæmundur E. Þorsteinsson TF3UA, Örlygur Jónatansson (gestur), Vilhjálmur Í. Sigurjónsson TF3VS og Benedikt Sveinsson TF3T.
Sveinn Goði Sveinsson TF3ID, Hans Konráð Kristjánsson TF3FG, Kristinn Andersen TF3KX, Hinrik Vilhjálmsson TF3VH (bak í myndavél), Einar Kjartansson TF3EK, Pier Albert Kaspersma TF3PKN (bak í myndavél) og Hrafnkell Sigurðsson TF8KY.
Christian DL1MGB og XYL í fjarskiptaherbergi TF3IRA. Chris er vel þekktur keppnis- og DX-maður og hefur verið QRV frá tugum þjóðlanda, bæði á eigin vegum og með fleirum m.a. frá sjaldgæfra DXCC einingum, s.s. Clipperton. Chris ætlar að taka þátt í CQ WW WPX morskeppninni sem TF/DL1MGBum helgina. Ljósmyndir: TF3JB.
/by