Almennt

Félagsaðstaða ÍRA í Skeljanesi verður opin fimmtudaginn 16. febrúar kl. 20 til 22 fyrir félagsmenn og gesti.

Fundarsalur, fjarskiptaherbergi TF3IRA og QSL stofa á 2. hæð verða opin.

Nýjustu tímaritin liggja frammi. Kaffiveitingar.

Verið velkomin í Skeljanes!

Stjórn ÍRA.

Félagsaðstaðan í Skeljanesi var opin fimmtudaginn 9. febrúar.

Sérstakur gestur okkar var Albert (Bert) Flower III, N1MXO frá Nantucket í Massachusetts í Bandaríkjunum. Hann var að heimsækja okkur annan fimmtudaginn í röð og tók m.a. nokkur sambönd frá TF3IRA á heimaslóðir á austurströnd Bandaríkjanna.

Umræður voru um tækin, m.a. nýjar stöðvar sem sagt er að séu væntanlegar á markað samkvæmt upplýsingum á netinu. Mikið var líka rætt um DX-leiðangurinn til Bouvetøya, 3YØJ sem er nr. 2 á lista Club log yfir eftirsóttustu DXCC einingarnar. Það fréttist, að a.m.k. TF3SG hafi náð sambandi við leiðangurinn á morsi á 10 MHZ sem er glæsilegur árangur!

Sigurður Harðarson, TF3WS hafði fært í hús fyrir opnun, ýmislegt radíódót sem komið var fyrir í ganginum niðri. Þakkir til Sigga fyrir hlýhug til félagsins.

Alls mættu 16 félagar og 1 gestir í Skeljanes þetta ágæta fimmtudagskvöld á miðvetri í froststilltu veðri í vesturbænum í Reykjavík. Þakkir til Georgs Kulp, TF3GZ fyrir ljósmyndir.

Stjórn ÍRA.

Vegna fjölda fyrirspurna fylgja hér á eftir upplýsingar um stóru sýningarnar þrjár sem haldnar eru á árinu 2023 fyrir radíóamatöra.

Hamvention 2023 verður haldin helgina 19.-21. maí n.k. Sýningin er haldin á sýningarsvæði Greene County Fair and Expo Center í borginni Xenia í Ohio í Bandaríkjunum. Hægt er að kaupa aðgöngumiða fyrirfram yfir netið. Vefslóð: https://hamvention.org/

HAM RADIO 2023 verður haldin helgina 23.-25. júní n.k. á sýningarsvæði Neue Messe 1 í borginni Friedrichshafen í Þýskalandi. Hægt er að kaupa aðgöngumiða fyrirfram yfir netið. Vefslóð: https://www.hamradio-friedrichshafen.com/

TOKYO HAM FAIR 2023 verður haldið helgina 19.-20. ágúst n.k. á sýningarsvæði Tokyo Big Sight Convention Center í höfuðborginni Tokyo. Hægt er að kaupa aðgöngumiða fyrirfram yfir netið. Vefslóð: https://www.jarl.org/English/4_Library/A-4-6_ham-fair/Ham%20Fair%202023,%20Tokyo.htm

Til fróðleiks, má sjá upplýsingar um sýningarnar þrjár (CQ TF 4. tbl. 2018); bls. 33.
Vefslóð: http://www.ira.is/wp-content/uploads/2019/09/cqtf_33arg_2019_04tbl.pdf

Til fróðleiks, frásögn frá ferð á sýninguna í Friedrichshafen 2019 (CQ TF 4. tbl. 2019); bls. 35.
Vefslóð: http://www.ira.is/wp-content/uploads/2019/09/cqtf_33arg_2019_04tbl.pdf

Stjórn ÍRA.

CQ WPX RTTY keppnin verður haldin helgina 11.-12. febrúar n.k.

Þetta er tveggja sólarhringa keppni og er markmiðið að ná samböndum við eins margar aðrar stöðvar radíóamatöra um heiminn með eins mörgum mismunandi forskeytum og frekast er unnt. Tíðnisviðin eru 3,5, 7, 14, 21 og 28 MHz.

QSO punktar: Sambönd við sömu stöð einu sinni á hverju tíðnisviði telja.
Sambönd við stöðvar utan Evrópu gefa 3 punkta á 28, 21 og 14 MHz og 6 punkta á 7 og 3,5 MHz. Sambönd við stöðvar innan Evrópu (aðrar en TF) gefa 2 punkta á 18, 21 og 14 MHz og 4 punkta á 7 og 3,5 MHz. Sambönd við aðrar TF stöðvar gefa 1 punkt á 28, 21 og 14 MHz en 2 punkta á 7 og 3,5 MHz.

Margfaldarar: Fjöldi forskeyta sem haft er samband við.
Hvert forskeyti gildir aðeins einu sinni, burtséð frá bandi eða fjölda sambanda. Sjá nánar í keppnisreglum.

Í keppninni í fyrra (2022) var skilað inn gögnum fyrir 8 TF kallmerki: TF1AM, TF2CT, TF2MSN, TF3AO, TF3PPN, TF3VE, TF3VS og TF8KY.

Með ósk um gott gengi.

Stjórn ÍRA.

https://www.cqwpxrtty.com/rules.htm

Endurvarpinn TF1RPE á fjallinu Búrfelli (Búri) sem ekki hefur verið auðvelt að opna allsstaðar frá á höfuðborgarsvæðinu, var tengdur um hlekk frá félagsstöðinni TF3IRA í Skeljanesi í dag, sunnudaginn5. febrúar. Tengingin er gerð í tilraunaskyni og til bráðabirgða og verður virk a.m.k. til næsta fimmtudagskvölds, 9. febrúar.

Félagið fékk að láni HYS stöð af gerðinni TC-8900R, sem er FM stöð með krossbandsgetu, m.a. á VHF og UHF. Stöðin er forrituð þannig, að þegar sent er út á 439.925 MHz (á Reykjavíkursvæðinu) tekur stöðin í Skeljanesi á móti sendingunni og áframsendir á 145.100 MHz, sem er inngangstíðni Búra á 2 metrum. Búri svarar síðan á 145.700 MHz. (Ath. ekki þarf tónkóðun þegar farið er inn á 70cm linkinn í Skeljanesi).

Samband við Búra er mjög gott frá Skeljanesi þar sem notað er VHF/UHF húsloftnet frá Diamond af gerðinni X-700HN.

Aðgangur að endurvarpanum TF1RPE er að öðru leyti óbreyttur fyrir þá sem geta opnað hann á tíðninni 145.700 MHz (-0,6 MHz) með 88,5Hz tónkóðun. Þakkir til Ara Þórólfs Jóhannessonar, TF1A fyrir áhugaverða hugmynd og til Georgs Kulp, TF3GZ fyrir gott frumkvæði að lána stöð og forrita og fyrir uppsetningu í Skeljanesi.

Félagsmenn eru hvattir til að gera tilraunir.

Stjórn ÍRA.