Almennt

ÍRA hafa borist upplýsingar um tíðnir á 40 og 20 metrum sem hafa verið teknar til notkunar fyrir neyðarfjarskipti vegna fellibylsins Milton sem gengur nú yfir Yucatan í Mexíkó og stefnir m.a. á ríkið Florida í Bandaríkjunum, en radíóamatörar annast neyðarfjarskipti á þessum svæðum.

Tíðnirnar eru: 7.128 MHz og 14.225 MHz.

Þess er farið á leit að íslenskir radíóamatörar taki tillit til þessara forgangsfjarskipta, a.m.k. næstu daga.

Stjórn ÍRA.

Félagsaðstaða ÍRA í Skeljanesi verður opin fimmtudaginn 10. október frá kl. 20:00 til 22:00.

Fram fer afhending verðlaunagripa og viðurkenningaskjöl í Sumarleikum ÍRA 2024 sem fram fóru 5.-7. júlí s.l. og í TF útileikum ÍRA 2024 sem fram fóru 3.-5. ágúst s.l.

Hrafnkell Sigurðsson, TF8KY umsjónarmaður sumarleikana og Einar Kjartansson, TF3EK umsjónarmaður útileikana munu afhenda viðurkenningarnar og hefst dagskrá kl. 20:30 stundvíslega.

QSL stjóri verður búinn að fara í pósthólfið og raða innkomnum kortum.

Félagsmenn fjölmennið. Veglegar kaffiveitingar.

Stjórn ÍRA.

–

Mynd 1.  Verðlaunagripir fyrir fyrstu þrjú sætin í Sumarleikum ÍRA 2024: (1) Óðinn Þór Hallgrímsson, TF2MSN; (2) Eiður Kristinn Magnússon, TF1EM; og (3) Hrafnkell Sigurðsson, TF8KY.

Mynd 2.  Verðlaunagripur fyrir fyrsta sætið í TF útileikum ÍRA 2024: Hrafnkell Sigurðsson, TF8KY.

Mynd 3.  Viðurkenningarskjöl fyrir fyrstu fimm sætin í TF útileikum ÍRA 2024: (1) Hrafnkell Sigurðsson TF8KY; (2) Andrés Þórarinsson, TF1AM; (3) Einar Kjartansson, TF3EK, (4) Óðinn Þór Hallgrímsson, TF2MSN; og (5) Eiður Kristinn Magnússon, TF1EM.

Mynd 4. Viðurkenningarskjöl fyrir fjölda sambanda í Sumarleikum ÍRA 2024: (1) Óðinn Þór Hallgrímsson, TF2MSN; (2) Eiður Kristinn Magnússon, TF1EM; og (3) Pier Albert Kaspersma, TF3PKN. Ljósmyndir: TF3JB.

.

ÍRA hafa borist upplýsingar um tíðnir á 80 og 40 metrum sem hafa verið teknar til notkunar fyrir neyðarfjarskipti vegna flóða í Bosníu, hluta Króatíu og í nágrannaríkjum, en radíóamatörar halda uppi fjarskiptum á þessum svæðum.

Tíðnirnar eru: 3.612 og 7.150 MHz.

Þess er farið á leit að íslenskir radíóamatörar taki tillit til þessara forgangsfjarskipta, a.m.k. næstu daga.

Stjórn ÍRA.

Félagsaðstaðan í Skeljanesi var opin fimmtudaginn 3. október.

Góðar umræður og ágætt opnunarkvöld, enda næg umræðuefni þegar áhugamálið er annars vegar. Opið á báðum hæðum og kaffiveitingar. Félagsstöðin TF3IRA var virkjuð bæði á morsi og tali á 14 MHz í ágætum skilyrðum. Sérstakur gestur okkar var Elín Sigurðardóttir, TF2EQ/PA2EQ sem stundar háskólanám í Hollandi.

Rætt var m.a. um CQ WW RTTY keppnina sem fram fór 28.-29. september s.l. Þeir félagar, Ársæll Óskarsson, TF3AO, Georg Magnússon, TF2LL og Jón Gunnar Harðarson, TF3PPN virkjuðu kallmerkið TF2R frá QTH TF2LL í Borgarfirði. Fjöldi sambanda var um 2.500 og fjöldi stiga var nær 3 milljónir. Keppt var í „Multi-Op One, High, Assisted“ flokki. Ársæll sagði okkur m.a. frá áhugaverðum skilyrðunum í keppninni.

Einnig var rætt um HF stöðvar, m.a. nýju Icom IC-7760 200W HF stöðina, nýju FlexRadio 8000 línuna, Elecraft K4 línuna og nýju Yaesu QRP stöðina á HF, VHF og UHF, gerð FTX-1F (sem kemur í stað FT-818ND). Einnig var rætt um HF og VHF loftnet, m.a. stangarloftnet fyrir lægri böndin og „Beverage“ loftnet fyrir viðtöku á lægri böndunum.

Alls mættu 23 félagar og 3 gestir í Skeljanes þetta ágæta fimmtudagskvöld í mildu haustveðri í vesturbænum í Reykjavík.

Stjórn ÍRA.

Félagsaðstaða ÍRA í Skeljanesi verður opin fimmtudaginn 3. október fyrir félagsmenn og gesti frá kl. 20:00 til kl. 22:00.

Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin.

Mathías Hagvaag, TF3MH QSL stjóri félagsins verður búinn að fara í pósthólfið og flokka kortasendingar. Kaffiveitingar.

Verið velkomin í Skeljanes!

Stjórn ÍRA.

Opið hús var í félagsaðstöðu ÍRA í Skeljanesi fimmtudaginn 26. september.

Erlendir gestir okkar voru Patrick, NK7C og XYL Cyndi, N7NND ásamt tveimur barnabörnum. Þau eru búsett í Monroe í Utah og eru hér á stuttu ferðalagi. Þau voru mjög hrifin af aðstöðu félagsins og fannst mikið til koma með fjarskiptaaðstöðu TF3IRA. Pat hafði nokkur sambönd frá félagsstöðinni til Evrópu þar sem ekki voru skilyrði heim til Utah.

Mikið var rætt um fjarskiptin og skilyrðin á böndunum og tæki og búnað, m.a. nýju Icom IC-7760 200W HF stöðina og FlexRadio 8000 línuna. Ennfremur var rædd dreifing merkja á VHF og UHF tíðnisviðum innanlands og sú hugmynd kom fram, að áhugavert gæti verið að safna slíkum upplýsingum saman á einn stað.

Guðmundur Birgir Pálsson, TF3AK sýndi okkur nýja Yaesu FT-500DE VHF/UHF 2M/70CM bílstöð sem hann kom með á staðinn. Lárus Baldursson, TF3LB kom með radíódót. Bestu þakkir til Lárusar fyrir velvild í garð félagsins.

Alls mættu 18 félagar og 4 gestir í Skeljanes þetta ágæta fimmtudagskvöld í stilltu haustveðri í vesturbænum í Reykjavík.

Stjórn ÍRA.