Archive for category: Almennt

FELD HELL CONTEST
Keppnin stendur yfir laugardaginn 21. desember frá kl. 00:00 til kl. 23:59.
Hún fer fram á Feld Hell á 160, 80, 40, 20, 15, 10 og 6 metrum.
Skilaboð: Sjá reglur.
https://sites.google.com/site/feldhellclub/Home/contests/sprints/Happy-Birthday-Rudolph-Sprint

OK DX RTTY CONTEST
Keppnin stendur yfir laugardaginn 21. desember frá kl. 00:00 til kl. 24:00.
Hún fer fram á RTTY á 80, 40, 20, 15 og 10 metrum.
kilaboð: RST + CQ svæði.
http://okrtty.crk.cz/index.php?page=english

CROATIAN DX CONTEST.
Keppnin hefst á laugardag 21. desember kl. 14:00 og lýkur á sunnudag 22. desember kl. 14:00.
Hún fer fram á morsi og tali á 160, 80, 40, 20, 15 og 10 metrum.
Skilaboð 9A stöðva: RS(T) + 2 bókstafir fyrir sýslu í 9A.
Skilaboð aðrir: RS(T) + ITU svæði.
http://www.hamradio.hr/9a-dx-contest/

RAEM CONTEST
Keppnin stendur yfir sunnudaginn 22. desember frá kl. 00:00 til kl. 23:59.
Hún fer fram á morsi á 80, 40, 20, 15 og 10 metrum.
Skilaboð: Sjá reglur.
http://raem.srr.ru/rules/

ARRL ROOKIE ROUNDUP, CW.
Keppnin stendur yfir sunnudaginn 22. desember frá kl. 08:00 til kl. 23:59.
Hún fer fram á morsi á 80, 40, 20, 15 og 10 metrum.
Skilaboð: Nafn + 2 tölustafir árs sem leyfi var gefið út + (ríki í USA/fylki í Kanada/fylki í Mexíkó/DXCC eining).
https://www.arrl.org/rookie-roundup

Með ósk um gott gengi!

Stjórn ÍRA.

ARRL 10 metra keppnin 2024 fór fram helgina 14.-15. desember. A.m.k. fjögur TF kallmerki voru meðal þátttakenda: TF3EO, TF3VS, TF3W og TF8KY. Keppt var á morsi og/eða á tali.

Alls höfðu keppnisgögn fyrir 4895 kallmerki borist til ARRL í dag, þriðjudag 17. desember, en frestur til að skila inn gögnum rennur út á miðnætti á sunnudag.

Stjórn ÍRA.

Opið hús verður í félagsaðstöðu ÍRA í Skeljanesi fimmtudaginn 12. desember fyrir félagsmenn og gesti frá kl. 20:00 til kl. 22:00.

Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin.

QSL stjóri verður búinn að fara í pósthólfið og flokka kortasendingar. Kaffiveitingar.

Verið velkomin í Skeljanes!

Stjórn ÍRA.

Opið var í félagsaðstöðu ÍRA í Skeljanesi fimmtudaginn 5. desember. Georg Kulp, TF3GZ og Ari Þórólfur Jóhannesson, TF1A héldu sameiginlega erindi kvöldsins, sem fjallaði um nettengdu viðtækin KiwiSDR sem eru 4 hér á landi.  Þeir félagar voru ágætlega undirbúnir. 

Georg sagði frá tilurð KiwiSDR viðtækjanna sem eru nýsjálensk að uppruna og eru nú notuð um allan heim og hafa m.a. opnað nýja heima fyrir radíóamatöra. Ari opnaði vefskoðara og tengdi sig inn á nokkur KiwiSDR viðtæki hérlendis og sýndi hversu auðvelt er að nota tækin. Alls geta 8 verið tengdir inn á hvert viðtæki hverju sinni og verið í 30 mínútur og verið lengur með því að endurskrá sig inn. Það má hlusta með flestum mótunarháttum og þrengja og víkka hlustunarsviðið. Það má t.d. lesa FT8 merki, allt bandið eða þrengja sviðið svo einungis sé verið að hlusta á eina tiltekna tíði. Allt er þetta með miklum ólíkindum og frábær tækni. 

Flest KiwiSDR viðtækin eru fyrir 30 kHz til 30 MHZ en eitt tækið hérlendis er með tíðniumbreyti til að hlusta á 2m bandið. En það getur í reynd hlustað langt út fyrir það, t.d. á veðurtungl á 137MHz og á flugbandið á 120MHz. Ekki nóg með það heldur má í gegnum tæki í Bretlandi hlusta á QO-100 amatörgervihnöttinn.

Gerður var góður rómur að erindi þeirra félaga og kom fjöldi fyrirspurna úr sal sem þeir leystu vel úr. Og eftir erindið var áfram spjallað yfir kaffinu. Sérstakar þakkir til þeirra Georg Kulp, TF3GZ og Ara Þórólfs Jóhannessonar, TF1A fyrir vel flutt erindi, fróðlegt og áhugavert. Þess má geta að erindið var tekið upp og verður það til niðurhals fljótlega.

Þakkir ennfremur til Sigurðar Harðarsonar, TF3WS sem færði félaginu mikið af áhugaverðu radíódóti þetta fimmtudagskvöld.

Alls mættu 19 félagar í hús þetta ágæta fimmtudagskvöld í stilltu vetrarveðri í vesturbænum í Reykjavík.

Stjórn ÍRA.

(Texti og ljósmyndir: Andrés Þórarinsson, TF1AM varaformaður ÍRA).