Tekið verður á móti skráningum í próf Fjarskiptastofu (FST) til amatörleyfis til 8. mars n.k.
Prófið verður haldið í félagsaðstöðu ÍRA í Skeljanesi. Dagskrá: Kl. 10:00–12:00 Raffræði og radíótækni; kl. 13:00–14:00 Reglur og viðskipti; og kl. 14:30–Prófsýning.
Þátttaka í prófinu er án kostnaðar, er öllum opið og eru ekki gerðar kröfur um sérstaka menntun eða undirbúning.
Áhugasamir eru hvattir til að skrá sig með því að senda tölvupóst á ira@ira.is eigi síðar en 8. mars n.k.
Fyrirspurnir eru velkomnar á póstfang félagsins: ira@ira.is
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2024-03-03 10:47:562024-03-03 10:50:22SKRÁNINGU Í PRÓF FST LÝKUR 8. MARS
Snorri Ingimarsson, TF3IK mætti í Skeljanes 29. febrúar með erindið: „Radíóstarfsemi 4X4 ferðaklúbbsins á VHF endurvörpum og á 3815 kHz á 80 metra bandi”.
Snorri byrjaði erindið á að skýra að við eigum í raun tvö hálendi á sama landinu, þ.e. sumar- og vetrarhálendi sem eru ólíkir hlutir sem í raun skiptast í samgönguleiðir og upplifunarleiðir. Meðal almennings á Íslandi er til staðar þekking og færni til að ferðast á eigin vegum um hálendið allt árið um kring.
Fjarskipti eru grunnbúnaður í jeppaferðum á fjöllum. Um er að ræða samtöl á milli bíla og samskipti við umheiminn til að láta vita af sér og neyðarboð. Það sem menn hafa verið að nota á fjöllum er GSM, Tetra, CB, VHF, HF, Iridium og Starlink (sem að vísu er enn óprófað). 4X4 rekur fjölda endurvarpa um allt land og hefur uppbygging þeirra staðið allt frá stofnun klúbbsins árið 1983. Félagar geta einnig sótt um aðgang að tíðnum og endurvörpum björgunarsveitanna sem eykur öryggið.
Snorri fór síðan yfir loftnetsbúnað fyrir fjallabíla og sýndi loftnet bæði fyrir VHF og HF böndin. Hann fjallaði einnig um fjarskipti á HF, m.a. um tíðnirnar 2790, 3833, 2854 og 2761 kHz og tíðnir björgunarsveitanna, 2912, 3815, 3835, 4752, 5752 og 2771 kHz sem hafa komið vel út. U.þ.b. 20-30 manna hópur innan klúbbsins hefur áhuga á þessum tíðnum til að auka fjarskiptaöryggi. Hann sýndi lausnir sem menn nota til að geta farið á milli þessara tíðna, m.a. með sjálfvirkum loftnetsaðlögunarrásum. Vandinn er hins vegar, að lengd bílnetanna er afar lítill hluti úr bylgjulengd og því mikið um töp. Því hafi menn tekið upp á því að draga á eftir sér langa víra, bæði á jöklum og á þurru hrauni.
Að loknum flutningi erindisins var mikið um fyrirspurnir enda margir áhugasamir og svaraði Snorri fljótt og vel. Umræður héldu síðan áfram yfir kaffinu fram undir kl. 22:00. Sérstakar þakkir til Snorra Ingimarssonar, TF3IK fyrir vel flutt og áhugavert erindi sem veitti góða innsýn í störf Ferðaklúbbsins 4X4 og fjarskipti á fjöllum og hvað menn eru að gera til að auka fjarskiptaöryggi.
Sérstakar þakkir til Ágústar H. Bjarnasonar, TF3OM sem tók erindið upp og má skoða það í heild á FB síðu ÍRA á netinu. Vefslóð: https://www.facebook.com/agust.bjarnason.7/videos/7385984124774313?idorvanity=627545490616936 Ennfremur góðar þakkir til Georgs Kulp, TF3GZ og Kristjáns Benediktssonar, TF3KB fyrir ljósmyndir. Alls mættu 24 félagar og þrír gestir í félagsaðstöðuna í Skeljanesi þetta ágæta vetrarkvöld í vesturbænum í Reykjavík.
Stjórn ÍRA.
.
Snorri gaf gott yfirlit yfir hvaða fjarskipti hafa verið að nota úr bílum á fjöllum.Starlink er að vísu enn prófað, en menn eru spenntir.Mynd úr sal.Snorri fjallaði einnig um fjarskipti á HF, m.a. um tíðnirnar 2790, 3833, 2854 og 2761 kHz og tíðnir björgunarsveitanna, 2912, 3815, 3835, 4752, 5752 og 2771 kHz sem hafa komið vel út.Hann sýndi helstu bílloftnet fyrir HF tíðnisviðið og fyrir VHF fjarskipti og útskýrði vel veikleika og styrkleika netanna.Sýnishorn hvernig fá má sem mest út úr bílneti fyrir HF tíðnirnar. Þá er “tappað” inn á loftspólu og handskipt til að fá lofnet í resónans á nýrri tíðni. Snorri nefndi m.a. að hann skoði og tengja rafliða til að flýta fyrir skiptingu á milli tíðnanna.Haldið var áfram umræðum eftir erindið. Frá vinstri: Njáll H. Hilmarsson TF3NH, Jón G. Guðmundsson TF3LM, Pier Albert Kaspersma TF3PKN, Benedikt Sveinsson TF3T, Snorri Ingimarsson TF3IK og Mathías Hagvaag TF3MH.Þorvaldur Bjarnason TF3TB og Rúnar Þór Valdimarsson TF3RJ. Fjær: Sæmundur E. Þorsteinsson TF3UA.Ágúst H. Bjarnason TF3OM og Kristján Benediktsson TF3KB.Jón G. Guðmundsson TF3LM, Ómar Magnússon TF3WK / OZ1OM og Mathías Hagvaag TF3MH. Ómar er búsettur í Óðinsvéum í Danmörku en var í heimsókn í höfuðborginni þetta ágæta fimmtudagskvöld. Ljósmyndir: TF3GZ og TF3KB.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2024-03-01 20:33:242024-03-01 23:37:10ÁHUGAVERT ERINDI UM FJARSKIPTI Á FJÖLLUM
ARRL INTERNATIONAL DX CONTEST, SSB. Hefst laugardag 2. mars kl. 00:00 / lýkur kl. 24:00 sunnudag 4. mars. Keppnin fer fram á SSB á 160, 80, 40, 20, 15 og 10 metrum. Skilaboð: W/VE stöðva: RS + ríki í Bandaríkjunum / fylki í Kanada. Skilaboð annarra: RS + afl. http://www.arrl.org/arrl-dx
NOVICE RIG ROUNDUP CONTEST (NRR). Hefst laugardag 2. mars kl. 00:00 / lýkur kl. 23:59 sunnudag 10. mars. Keppnin fer fram á CW á 80, 40, 20, 15, 10 og 2 metrum. Skilaboð: RST + nafn + QTH. Einnig má gefa upp tegund og gerð stöðvar. https://www.novicerigroundup.org/nrrrules.html
NRR (Novice Rig Roundup) er 9 daga viðburður sem leggur áherslu á að nota eldri búnað í keppninni líkt og í boði var hjá bandarískum nýliðum fyrir meir en 60 árum þegar notaðir voru kristalstýrðir sendar með allt að 75W sendiafl þar í landi. Keppnin er opin fyrir þátttöku leyfishafa allsstaðar frá í heiminum.
UBA SPRING CONTEST, CW. Stendur yfir sunnudag 3. mars frá kl. 07:00 til 11:00. Keppnin fer fram á CW á 80 metrum. Skilaboð ON stöðva: RST + raðnúmer + staðsetning (e. section). Skilaboð annarra: RST + raðnúmer. https://www.uba.be/en/hf/contest-rules/spring-contest-dst
WAB 3.5 MHz PHONE CONTEST. Stendur yfir sunnudag 3. mars frá kl. 18:00-22:00. Keppnin fer fram á SSB á 80 metrum. Skilaboð breskra stöðva: RS + raðnúmer + Worked All Britain númer. Skilaboð annarra: RS + raðnúmer + DXCC eining. https://wab.intermip.net/Contests.php
Með ósk um gott gengi.
Stjórn ÍRA.
Myndin er af Kenwood TS-940S 100W AM/FM/SSB/CW/FSK sendi-/móttökustöð með innbyggðri loftnetsaðlögunarrás sem vinnur á 160-10 metrum. Stöðin kom á markað árið 1985 og varð strax vinsæl meðal radíóamatöra sem tóku þátt í alþjóðlegum keppnum.
CQ World Wide DX CW keppnin 2023 fór fram 25. og 26. nóvember (2023). Keppnisgögn fyrir 9 TF kallmerki voru send inn, þar af 1 viðmiðunardagbók (e. check-log). Lokaniðurstöður liggja nú fyrir frá keppnisnefnd.
Snorri Ingimarsson, TF3IK mætir í Skeljanes fimmtudaginn 29. febrúar með erindið: „Radíóstarfsemi 4X4 ferðaklúbbsins á VHF endurvörpum og á 3815 kHz á 80 metra bandi”. Þess má geta, að á árinu 2023 fagnaði Ferðaklúbburinn 4×4 40 ára afmæli, en hann var stofnaður 10. mars 1983.
Snorri hefur tekið þátt í starfi klúbbsin um árabil og hefur m.a. unnið að því (ásamt fleirum) að settir hafa verið upp VHF endurvarpar til að tryggja fjarskipti á fjöllum. Þar sem svo háttar til, hefur hann unnið að því að treysta frekar fjarskipti á hálendinu með því að endurvekja fjarskipti á HF sviði, m.a. 3815 kHz og fleiri tíðnum björgunarsveitanna.
Félagsmenn eru hvattir til að láta þetta áhugaverða erindi ekki framhjá sér fara. QSL stjóri verður búinn að tæma pósthólfið og raða kortum í hólfin. Kaffiveitingar.
Verið velkomin í Skeljanes!
Stjórn ÍRA.
.
Farartæki Snorra á fjöllum er þessi glæsilega F-350 Ford bifreið, vel búin fjarskiptabúnaði. Ljósmynd: TF3IK.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2024-02-26 19:55:142024-02-26 21:47:35SNORRI TF3IK Í SKELJANESI 29. FEBRÚAR
Jákvætt svar hefur borist frá Fjarskiptastofu (FST) við ósk stjórnar ÍRA um að næsta próf til amatörleyfis verði haldið í félagsaðstöðu ÍRA í Skeljanesi, laugardaginn 16. mars n.k. kl. 10:00–12:00 Raffræði og radíótækni; kl. 13:00–14:00 Reglur og viðskipti; og kl. 14:30–Prófsýning.
Eftir að námskeiði félagsins til amatörprófs lauk í haust var um að ræða nokkurn fjölda þátttakenda sem ekki höfðu möguleika á að mæta til prófs 11. nóvember s.l. Hugmyndin er, að gera þessum aðilum kleift að sitja nú próf til amatörleyfis.
Þar sem um er að ræða einskonar sjúkrapróf/upptökupróf verður ekki í boði námskeið eða annar undirbúningur á vegum félagsins. Prófið er án kostnaðar, er öllum opið og eru ekki gerðar kröfur um sérstaka menntun eða undirbúning. Alls höfðu sjö aðilar staðfest skráningu þann 25. febrúar.
Áhugasamir eru hvattir til að skrá sig til prófs með því að senda tölvupóst á ira@ira.is eigi síðar en 8. mars n.k.
Fyrirspurnir eru velkomnar á póstfang félagsins: ira@ira.is
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2024-02-25 09:19:542024-02-25 09:22:34PRÓF FST TIL AMATÖRLEYFIS 16. MARS
ARRL International DX CW keppnin fór fram um síðustu helgi (17.-18. febrúar) og a.m.k. 7 TF kallmerki tóku þátt.
Keppnisdagbók hafði verið skilað til keppnisstjórnar í dag (22. febrúar) fyrir fimm kallmerki: TF2R, TF3EO, TF3SG, TF3V og TF3W.
Þetta er afar jákvæð þróun, þar sem undanfarin þrjú ár (2021-2023) hefur gögnum aðeins verið skilað inn fyrir 2 TF kallmerki á hverju ári.
Sjá meðfylgjandi töflu með upplýsingum um QSO eftir böndum. Ekki liggur fyrir viðvera í keppninni – nema hjá TF3W, alls 33 klst. Árangur Guðmundar, TF3SG er framúrskarandi góður og ekki ólíklegt að hann hafi verið QRV allar 48 klukkustundirnar sem keppnin stóð yfir sem og Henning, hjá TF2LL. Bent er á að samanburður þarf að taka tillit til viðveru og sendiafls.
Stjórn ÍRA.
.
.
Þrír góðir sem allir tóku þátt í ARRL CW keppninni um helgina. TF3DC, TF/UT4EK og OZ2I. Myndin var tekin í Skeljanesi s.l. fimmtudag (15. febrúar).
Jákvætt svar hefur borist frá Fjarskiptastofu (FST) við ósk stjórnar ÍRA um að næsta próf til amatörleyfis verði haldið í félagsaðstöðu ÍRA í Skeljanesi, laugardaginn 16. mars n.k. kl. 10:00–12:00 Raffræði og radíótækni; kl. 13:00–14:00 Reglur og viðskipti; og kl. 14:30–Prófsýning.
Eftir að námskeiði félagsins til amatörprófs lauk í haust var um að ræða nokkurn fjölda þátttakenda sem ekki höfðu möguleika á að mæta til prófs 11. nóvember s.l. Hugmyndin er, að gera þessum aðilum kleift að sitja nú próf til amatörleyfis.
Þar sem um er að ræða einskonar sjúkrapróf/upptökupróf verður ekki í boði námskeið eða annar undirbúningur á vegum félagsins. Prófið er án kostnaðar, er öllum opið og eru ekki gerðar kröfur um sérstaka menntun eða undirbúning. Alls höfðu sjö aðilar staðfest skráningu þann 21. febrúar.
Áhugasamir eru hvattir til að skrá sig til prófs með því að senda tölvupóst á ira@ira.is eigi síðar en 8. mars n.k.
Fyrirspurnir eru velkomnar á póstfang félagsins: ira@ira.is
CQ 160-METER CONTEST, SSB. Hefst kl. 22:00 á föstudag 23. febrúar / lýkur kl. 22:00 á sunnudag 25. febrúar. Keppnin fer fram á SSB á 160 metrum. Skilaboð: W/VE stöðva: RS + ríki í Bandaríkjunum / fylki í Kanada. Skilaboð annarra: RS + CQ svæði. http://www.cq160.com/rules.htm
LABRE-RS DIGI CONTEST. Hefst kl. 00:00 á laugardag 24. febrúar / lýkur kl. 20:59 á sunnudag 25. febrúar. Keppnin fer fram á FT4/8 á 80, 40, 20, 15, 10 og 6 metrum. Skilaboð: Fjögurra stafa Maidenhead reitur (e. grid square). http://labre-rs.org.br/labre-rs-digi-contest/
REF CONTEST, SSB. Hefst kl. 06:00 á laugardag 24. febrúar / lýkur kl. 18:00 á sunnudag 25. febrúar. Keppnin fer fram á SSB á 80, 40, 20, 15 og 10 metrum. Skilaboð franskra stöðva: RS + sýsla / forskeyti stöðva í frönskum nýlendum. Skilaboð annarra: RS + raðnúmer. https://concours.r-e-f.org/reglements/actuels/reg_cdfhfdx.pdf
UBA DX CONTEST, CW. Hefst kl. 13:00 á laugardag 24. febrúar / lýkur kl. 13:00 á sunnudag 25. febrúar. Keppnin fer fram á CW á 80, 40, 20, 15 og 10 metrum. Skilaboð belgískra stöðva: RST + raðnúmer + staðsetning (e. section). Skilaboð annarra: RST + raðnúmer. https://concours.r-e-f.org/reglements/actuels/reg_cdfhfdx.pdf
WORLD WIDE PATAGONIA DX CONTEST. Fer fram kl. 00:00 til kl. 23:59 á sunnudag 25. febrúar. Keppnin fer fram á CW og SSB á 80, 40, 20, 15 og 10 metrum. Skilaboð: RS(T) + Fjögurra stafa Maidenhead reitur (e. grid square). http://wwpatagonia-arg-dx.com.ar/
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2024-02-20 09:37:362024-02-20 09:39:07OPIÐ HÚS Í SKELJANESI 22. FEBRÚAR