Ólafur Engilbertsson, TF3SO hefur haft sitt síðasta QSO; merki hans er hljóðnað.
Samkvæmt upplýsingum í Mbl. lést hann þann 1. júní í Landspítalanum í Fossvogi eftir stutt veikindi. Útför hans fer fram frá Selfosskirkju 14. júní kl. 14:00.
Ólafur var á 81. aldursári og handhafi leyfisbréfs radíóamatöra nr. 135.
Um leið og við minnumst Ólafs með þökkum og virðingu færum við fjölskyldu hans innilegustu samúðarkveðjur.
Fyrir hönd stjórnar ÍRA,
Jónas Bjarnason, TF3JB
formaður
Teknar voru saman upplýsingar um TF kallmerki sem fengu skráningu á þyrpingu (e. cluster) vikuna 19. maí til 25. maí. Um var að ræða 16 einstök kallmerki. Flestir voru QRV á stafrænum mótunum (FT8 og/eða FT4), en einnig á morsi (CW), fjarritun (RTTY) og tali (SSB). Bönd: 6, 10, 12, 15, 17, 20, 30, 40 og 60 metrar.
Kallmerki fær skráningu þegar leyfishafi [eða hlustari] hefur haft samband við [eða heyrt í] TF kallmerki. Svokallað „self spotting“ er ekki tekið með. Upplýsingarnar eru fengnar á síðunni http://new.dxsummit.fi/#/ Sambærilegar síður eru í boði á netinu til samanburðar.
Fyrst er skráð kallmerki, þá tegund(ir) útgeislunar og band/bönd sem kallmerki fær skráningu á.
Til skoðunar er að taka reglulega saman upplýsingar af þessu tagi.
Stjórn ÍRA.
TF1EIN FT8 á 6, 15, 40 og 60 metrum.
TF1EM FT8 á 15 metrum.
TF2MSN FT8 á 15, 17 og 30 metrum; SSB á 17 metrum.
TF3AO RTTY á 20 metrum.
TF3EO CW á 20 og 30 metrum.
TF3DC CW á 15 og 17 metrum.
TF3PKN FT8 á 15 metrum.
TF3PPN FT8 á 15 metrum.
TF3VE FT4 og FT8 á 6, 17, og 20 metrum.
TF3VG FT8 á 80, 60 og 10 metrum.
TF3VS FT4 og FT8 á 12, 15 og 20 metrum.
TF3W CW á 20 og 40 metrum.
TF3Y CW á 20 metrum.
TF4WD FT4 á 20 metrum og SSB á 20 metrum.
TF5B FT8 á 6 metrum.
TF8SM FT4 á 15 og 40 metrum.
Félagsaðstaða ÍRA í Skeljanesi verður opin fimmtudaginn 6. júní fyrir félagsmenn og gesti frá kl. 20-22.
Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin.
QSL stjóri verður búinn að fara í pósthólfið og flokka kortasendingar. Kaffiveitingar.
Verið velkomin í Skeljanes!
Stjórn ÍRA.
BATAVIA DX CONTEST
Stendur yfir laugardag 8. júní frá kl. 00:00 og lýkur á sunnudag 9. júní kl. 17:00.
Keppnin fer fram á SSB á 80, 40 og 10 metrum.
Skilaboð stöðva í Indónesíu: RS + 2 stafa kóði fyrir hérað (e. dirstrict).
Skilaboð annarra: RS + DXCC eining.
http://batavia.orarilokaljakut.or.id/
VK SHIRES CONTEST
Stendur yfir á laugardag 8. júní frá kl. 00:00 og lýkur á sunnudag 9. júní kl. 23:59.
Keppnin fer fram á CW og SSB á 160, 80, 40, 15 og 10 metrum.
Skilaboð VK stöðva: RS(T) + 2 stafa kóði fyrir hérað (e. shire).
Skilaboð annarra: RS(T) + CQ svæðisnúmer.
https://www.wia.org.au/members/contests/wavks
SKCC WEEKEND SPRINTATON
Stendur yfir á laugardag 8. júní frá kl. 12:00 og lýkur á sunnudag 9. júní kl. 24:00.
Keppnin fer fram á CW á 160, 80, 40, 20, 15, 10 og 6 metrum.
Skilaboð: RST + ríki/fylki/hérað + nafn + SKCC númer (eða „None“ fyrir aðra).
https://www.skccgroup.com/operating_activities/weekend_sprintathon
PORTUGAL DAY CONTEST
Stendur yfir á laugardag 8. júní frá kl. 12:00 og lýkur á sunnudag 9. júní kl. 12:00.
Keppnin fer fram á CW og SSB á 80, 40, 20, 15 og 10 metrum.
Skilaboð CT stöðva: RS(T) + svæði (e. district).
Skilaboð annarra: RS(T) + raðnúmer.
https://portugaldaycontest.rep.pt/rules.php
GACW WWSA DX CONTEST
Stendur yfir á laugardag 8. júní frá kl. 15:00 og lýkur á sunnudag 9. júní kl. 15:00.
Keppnin fer fram á CW á 80, 40, 20, 15 og 10 metrum.
Skilaboð: RST + CQ svæðisnúmer.
https://gacw.ar
Með ósk um gott gengi!
Stjórn ÍRA.
Ari Þórólfur Jóhannesson, TF1A og Georg Kulp, TF3GZ hafa að undanförnu unnið að undirbúningi uppsetningar á svokölluðum „HT“ hugbúnaði í tengslum við 2 metra bandið. Kerfið vinnur nú snurðulaust samkvæmt prófunum við Kristján J. Gunnarsson, TF4WD á Sauðárkróki þann 31. maí.
Hugbúnaðurinn gefur félagsmönnum sem eru með búsetu þar sem ekki næst samband við VHF endurvarpa eða eru á ferðalagi og ná ekki sambandi við endurvarpa á 2 metrum – en hafa aðgang að netinu – aðgang í gegnum TF3RPB (QRG 145.650 MHz) endurvarpann í Bláfjöllum með því að sækja forrit á heimasíðu HT: https://play.google.com/store/apps/details?id=com.benshikj.ht&hl=en_US
Á heimasíðu HT er í boði frítt „HT DWP“ „app“ til að tengjast Bláfjöllum yfir netið – t.d. í gegnum heimilistölvu eða GSM síma. Félagsmenn um allt land geta þannig fengið afnot af 2 metra bandinu. Notaður er UHF hlekkur í Bláfjöllum (QRG 439.975).
Eins og er fara fjarskiptin fram í gegnum búnað á heimili Georgs Kulp, TF3GZ í Reykjavík en búnaðurinn verður fluttur á næstu dögum á endanlegt QTH. Það er félagssjóður ÍRA sem kostar verkefnið, samkvæmt samþykkt á fundi stjórnar ÍRA þan 19. október (2023).
Sérstakar þakkir til þeirra Ara og Georgs fyrir aðkomu þeirra að þessu mikilvæga verkefni.
Þakkir einnig til félagsmanna sem hafa gefið búnað til verkefnisins: TF1EIN aflgjafa; TF3GZ Diamond loftnet og TF3JB Samsung GSM síma.
Stjórn ÍRA.
TF útileikar: Einar Kjartansson, TF3EK, kynnti Útileikana.
Einar Kjartansson, TF3EK, fékk leyfið 2006. Hann var kosinn í stjórn ÍRA 2015 og varð gjaldkeri og starfaði fram að aðalfundi 2019. Þá voru Útileikarnir í nokkurri lægð og Einari var treyst fyrir að veita þeim forstöðu. Ýmsar reglur voru þá í gangi sem gerðu þátttökuna ekki einfalda, t.d. kallsvæði „Ø“ sem og útreikningur á margföldurum – og bæði þessi atriði ollu deilum. Eiginlega gaf best að taka bara þátt frá sinni heimastöð og sleppa því að vera á ferð.
Einar stokkaði þetta talsvert upp 2017 og aftur 2023 þegar gerðar voru mikilvægar breytingar, m.a. að fjarlægja takmörkun við 3 sambönd milli stöðva og tímabilið var stytt úr 3 sólarhringjum í 2 sólarhringa.
Þátttaka í Útileikunum hefur farið vaxandi og fjöldi sambanda aukist, bæði vegna meiri viðveru og eins hins að nú er almennari þátttaka á öllum böndum en áður voru 80m aðallega notaðir. Einar kynnti að þessu sinni komandi Útileika sem verða um Verslunarmannahelgina 3.-5. ágúst n.k. en þeir eru 10. útileikarnir sem Einar veitir forstöðu.
U/VHF leikar: Hrafnkell Sigurðsson, TF8KY, kynnti U/VHF leikana.
Hrafnkell, TF8KY, fékk leyfi 2015 og var kosinn í stjórn ÍRA og varð ritari. U/VHF leikarnir voru þá til sem TF3GL hafði komið á koppinn 2012. Hrafnkell sem var nýr sá tilkynningu um U/VHF leikana 2015 og kallaði á VHF og einn svaraði, Óðinn, TF2MSN. Svo reyndi hann á UHF og einn svaraði, Óðinn, TF2MSN. Ekkert meir. Sama gerðist á leikunum 2016. Stjórn ÍRA ræddi um að leggja leikana niður en svo fór að Hrafnkell tók þá að sér.
Hann hafði tvennt í huga: Fá upp eitthvert gagnvirkt kerfi, og svo ætlaði hann sér ekki að fá alla loggana til að fara yfir – samböndin yrðu einfaldlega tekin góð og gild. Ölvir, TF3WZ fékk lénið og Hrafnkell skrifaði fyrstu útgáfu leikjavefkerfisins sem keyrt var á fartölvu úti í bílskúr hjá honum.
Upphaflega var staðsetning stöðva gefin upp sem hnit í lengd og breidd en svo tóku „Maidenhead“ reitirnir yfir. Stigagjöfin var upphaflega óbreytt, t.d. var til stigagjafar notuð vegalengd í öðru veldi sem var auðvitað afar hagstætt þeim sem voru á ferðinni.
Fyrsta árið, 2017, gekk frábærlega, nýi gagnvirki vefurinn var afar vel lukkaður og Óli, TF3ML hreifst og sótti turninn sinn og fór á flakk og fékk aðra með sér – og þetta var virkilega flott og allir voru kátir á eftir. Óðinn og Óli ræddu um að gera þetta sem fyrst aftur og hví ekki um páskana næstu. Þannig fæddust páskaleikarnir sem Hrafnkell tók einnig að sér.
Hrafnkell hefur því annast þessa leika alla tíð, fyrst 2017 og tvenna leika á ári eftir það eða 15 leika alls eftir þetta sumar. Stigareikningur hefur aðeins breyst í gegnum tíðina sem og viðmótið á vefnum og allt hefur það gert leiknum til góða. Þátttakan hefur farið vaxandi og fjöldi sambanda aukist. Hrafnkell kynnti komandi U/VHF leika sem verða helgina 5.-7. júlí nk.
Sérstakar þakkir til þeirra Einars Kjartanssonar, TF3EK og Hrafnkels Sigurðssonar, TF8KY fyrir vönduð og fróðleg erindi. Einnig þakkir til Njáls H. Hilmarssonar, TF3NH fyrir að taka erindin upp.
Alls mættu 29 félagar og 3 gestir í Skeljanes þetta ágæta fimmtudagskvöld.
F.h. stjórnar,
Andrés Þórarinsson, TF1AM
varaformaður ÍRA
.
Félagsaðstaða ÍRA í Skeljanesi verður opin fimmtudaginn 30. maí fyrir félagsmenn og gesti frá kl. 20:00-22:00.
Hrafnkell Sigurðsson, TF8KY og Einar Kjartansson, TF3EK mæta með erindin: „VHF/UHF leikar ÍRA 2024“ og „TF útileikar ÍRA 2024“. Flutningur erinda hefst kl. 20:30 stundvíslega.
Mathías Hagvaag, TF3MH QSL stjóri verður búinn að fara í pósthólf ÍRA, sækja kort og raða í hólfin. Nýjustu tímaritin liggja frammi. Kaffiveitingar.
Verið velkomin í Skeljanes!
Stjórn ÍRA.
Félagsstöðin TF3W er virkjuð í CQ World Wide WPX CW keppninni, sem hófst í gær (25.5.) og lýkur á miðnætti í kvöld (26.5.). Keppt er í “Two-Transmitter (Multi-Two)” keppnisflokki.
Klukkan 14 í dag (sunnudag) var alls búið að hafa alls 3,464 QSO og þá stóð fjöldi margfaldara í alls 1,177. Skilyrði hafa misjöfn/sæmileg á 15, 20 og 40 metrum, en 160, 80 og 10 metra böndin hafa nánast verið úti. Þessir koma að því að virkja stöðina í keppninni:
Sigurður R. Jakobsson, TF3CW.
Alex M. Senchurov, TF/UT4EK).
Yngvi Harðarson, TF3Y.
Sæmundur E. Þorsteinsson, TF3UA.
Kristinn Andersen, TF3KX.
Óskar Sverrisson, TF3DC.
Egill Ibsen, TF3EO.
Guðmundur Sveinsson, TF3SG.
Að auki veitti Benedikt Sveinsson, TF3T dýrmæta aðstoð við undirbúning og lánaði búnað, auk þeirra Guðmundur Sveinsson, TF3SG sem lánaði Yaesu FTdx10 HF stöð og Jónasar Bjarnasonar, TF3JB sem lánaði Amp Supply LK500-ZC 1kW RF magnara.
Sérstakar þakkir til Sigurðar R. Jakobssonar, TF3CW fyrir að hvetja til verkefnisins og fyrir alla vinnu við undirbúning, lán á búnaði og faglegt utanumhald.
Með ósk um gott gengi og þakkir til allra sem komu að verkefninu!
Stjórn ÍRA.
SVIPMYNDIR ÚR KEPPNINNI.
