,

CQ WW DX CW 2024, BRÁÐAB.NIÐURSTÖÐUR

CQ World Wide DX CW keppnin var haldin helgina 23.-24. október. Keppnisnefnd bárust alls 8.171 dagbækur. Þar af voru 9 TF kallmerki sem kepptu í  fjórum keppnisflokkum, en viðmiðunardagbækur voru sendar inn fyrir þrjú kallmerki (e. Check-Log).

Bráðabirgðaniðurstöður (e. raw scores) liggja fyrir frá keppnisnefnd samkvæmt áætlaðri stöðu í viðkomandi keppnisflokki yfir heiminn og yfir Evrópu. Lokaniðurstöður verða tilkynntar síðar.

EINMENNINGSFLOKKUR, ÖLL BÖND, HÁAFL.
TF3CW – 5,497,904 heildarpunktar / 6. sæti yfir Evrópu / 32. sæti yfir heiminn.
TF3SG – 3,422,464 heildarpunktar / 15. sæti yfir Evrópu / 55. sæti yfir heiminn.

EINMENNINGSFLOKKUIR, ÖLL BÖND, AÐSTOÐ, HÁAFL.
TF3W – 3,124,686 heildarpunktar / 58. sæti yfir Evrópu / 147. sæti yfir heiminn.

EINMENNINGSFLOKKUR, ÖLL BÖND, LÁGAFL.
TF3EO – 185.328 heildarpunktar / 185. sæti yfir Evrópu / 335. sæti yfir heiminn.
TF3MSN – 12.740 heildarpunktar / 577. sæti yfir Evrópu / 1058. sæti yfir heiminn.

EINMENNINGSFLOKKUR, ÖLL BÖND, AÐSTOÐ, LÁGAFL.
TF3DC – 418.328 heildarpunktar / 169. sæti yfir Evrópu / 307. sæti yfir heiminn.

VIÐMIÐUNARDAGBÆKUR.
TF3JB.
TF3VS.
TF4M.

Hamingjuóskir til viðkomandi.

Stjórn ÍRA.

Sigurður R. Jakobsson TF3CW náði frábærum árangri í keppninni. Hann hafði alls 5.385 QSO og 5,497,904 heildarpunkta sem er stórkostlega góður árangur, eða 6. sæti yfir Evrópu og 32. sæti yfir heiminn. Siggi keppti frá QTH Georgs Magnússonar TF2LL í Borgarfirði og var myndin tekin þar. Ljósmynd: TF3CW.

/by
,

QSL BUREAU HREINSAR ÚT 9. JANÚAR 2025

Áramótasending korta frá TF ÍRA QSL Bureau (kortastofu) fer að þessu sinni fram í janúar 2025. Þá verða öll kort sem borist hafa til stofunnar (þ.á.m. til smærri staða) póstlögð til kortastofa systurfélaganna um allan heim.

Síðasti skiladagur vegna áramótaútsendingar 2024/25 verður fimmtudagskvöldið 9. janúar 2025. Þau kort sem berast í QSL kassann í Skeljanesi það kvöld verða örugg með að komast í flokkun og til útsendingar. Gjaldskrá er óbreytt, 14 krónur á kort, sama hvert sem er í heiminum.

1. desember 2025,

73,
Mathías Hagvaag, TF3MH,
QSL stjóri ÍRA.

Mathías Hagvaag TF3MH QSL stjóri ÍRA.
/by
,

ALÞJÓÐLEGAR KEPPNIR 6.-8. NÓVEMBER

ARRL 160 METER CONTEST
Keppnin hefst föstudag 6. desember kl. 22:00 og lýkur sunnudag 8. desember kl. 16:00
Hún fer fram á morsi á 160 metrum.
Skilaboð W/VE stöðva: RST + ARRL/VE deild (e. section).
Skilaboð annarra: RST.
https://www.arrl.org/160-meter

KALBAR CONTEST
Keppnin stendur yfir laugardaginn 7. desember frá kl. 00:00 til kl. 11:59.
Hún fer fram á SSB (tali) á 80, 40, 20, 15 og 10 metrum.
Skilaboð: RS + raðnúmer.http://kalbarcontest.com/rule/

PRO CW CONTEST
Keppnin hefst laugardag 7. desember kl. 12:00 og lýkur sunnudag 8. desember kl. 23:59.
Hún fer fram á morsi á 80, 40, 20, 15 og 10 metrum.
Skilaboð PRO Club félaga: RST + raðnúmer + „/M“.
Skilaboð annarra: RST + raðnúmer.
https://proradiocontestclub.com/PCC%20Rules.html

INORC CONTEST
Keppnin hefst laugardag 7. desember kl. 14:00 og lýkur sunnudag 8. desember kl. 13:59.
Hún fer fram á morsi á 80, 40, 20 og 15 metrum.
Skilaboð MM stöðva: RST + „club“ + félagsnúmer.
Skilaboð annarra: RST + raðnúmer.http://www.inorc.it/wp/2023/09/12/xlii-contest-i-n-o-r-c-memorial-sauro-tonelli-iz1cla/

FT CHALLENGE
Keppnin hefst laugardag 7. desember kl. 18:00 og lýkur sunnudag 8. desember kl. 23:59.
Hún fer fram á FT8/FT4 mótun á 80, 40, 20, 15 og 10 metrum.
Skilaboð:  Viðtökustyrkur + 4 stafa Maidenhead reitur (e. grid square).
http://www.rttycontesting.com/ft-challenge/

Með ósk um gott gengi.

Stjórn ÍRA.

Vilhjálmur Þór Kjartansson TF3DX horfir upp eftir 18 metra hárri glertrefjastönginni frá Spiderbeam. Hann hannaði aðlögum kóax fæðilínunnar við „L“ loftnetið „á hvolfi“ sem félagsstöðin TF3W notaði m.a. á 160 metrum í ARRL International DX keppninni á morsi árið 2012. Sigurður R. Jakobsson TF3CW var á lyklinum og hafði 2.621 QSO og 1,876.446 heildarpunkta. Ljósmynd. TF3JB.
/by
,

CQ WW DX MORSKEPPNIN 2024

CQ World Wide DX CW keppnin fór fram helgina 23.-24. nóvember. Keppnisgögn fyrir 8 TF kallmerki í fjórum keppnisflokkum hafa verið send inn, þar af eru 3 viðmiðunardagbækur.

EINMENNINGSFLOKKUR, ÖLL BÖND, HÁAFL.
Sigurður R. Jakobsson, TF3CW.

EINMENNINGSFLOKKUIR, ÖLL BÖND, AÐSTOÐ, HÁAFL.
Félagsstöð ÍRA, TF3W (Alex M. Senchurov, TF3UT keppandi).

EINMENNINGSFLOKKUR, ÖLL BÖND, LÁGAFL.
Óðinn Þór Hallgrímsson, TF2MSN.
Egill Ibsen, TF3EO.

EINMENNINGSFLOKKUR, ÖLL BÖND, AÐSTOÐ, LÁGAFL.
Óskar Sverrisson, TF3DC.

VIÐMIÐUNARDAGBÓK.
Jónas Bjarnason, TF3JB.
Vilhjálmur Í. Sigurjónsson, TF3VS.
Þorvaldur Stefánsson, TF4M.

Frestur til að skila inn keppnisgögnum rennur út föstudaginn 29. nóvember þannig að ekki er ólíklegt að fleiri kallmerki bætist við fram á föstudagskvöld.

Hamingjuóskir til viðkomandi.

Stjórn ÍRA.

–

Alex M. Senchurov, TF3UT virkjaði félagsstöðina TF3W í CQ WW DX CW keppninni 2024. Alex náði fráæbærum árangri og var með alls 3.180 QSO og 3,111,612 heildarpunkta. Sérstakar þakkir til Alex fyrir að virkja TF3W.

/by
,

OPIÐ HÚS Í SKELJANESI 28. NÓVEMBER

Opið hús verður í félagsaðstöðu ÍRA í Skeljanesi fimmtudaginn 28. nóvember fyrir félagsmenn og gesti frá kl. 20:00 til kl. 22:00.

Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin. QSL stjóri verður búinn að fara í pósthólfið og flokka kortasendingar. Kaffiveitingar.

Verið velkomin í Skeljanes!

Stjórn ÍRA.

/by
,

ERINDI TF3WS VAR MEÐ ÁGÆTUM

Opið var í félagsaðstöðu ÍRA í Skeljanesi fimmtudaginn 21. nóvember. Sigurður Harðarson, TF3WS hélt fræðsluerindi kvöldsins, sem var: „Gufunes-loftnetin, fyrir 80m bandið, sagðar reynslusögur og útskýrt hvað þarf til og hvernig þetta er gert“.

Sigurður sagði frá ferli sínum, m.a. stofnun Radíóþjónustu Sigga Harðar, glímunni við Landsímann, nýju Yeasu FT-180A talstöðvunum sem leystu eldri Landsímastöðvar af hólmi, og svo loftnetinu sínu, bílaloftnetinu sem tók við 50 Ohm kóax-kapli og stóð sig með ágætum, sérlega traustbyggt og entist vel. Hann sýndi fjölda ljósmynda og var með sýnishorn af neðsta hluta loftnetsins, þ.e. aðlögunarspólunni, smá legg og efri spólunni.

Gerður var góður rómur að erindi Sigurðar og fjöldi fyrirspurna kom úr sal sem hann leysti vel úr. Sérstakar þakkir til Sigurðar Harðarsonar, TF3WS fyrir vel flutt erindi, fróðlegt og áhugavert.

Alls mættu 32 í hús (27 félagar og 5 gestir) þetta ágæta fimmtudagskvöld í hæglætis vetrarveðri í vesturbænum í Reykjavík.

Stjórn ÍRA.

(Þess má geta að erindið var tekið upp og verður það til niðurhals fljótlega).

Andrés Þórarinsson TF1AM varaformaður ÍRA kynnti fyrirlesara kvöldsins, Sigurð Harðarson TF3WS.
Sigurður byrjaði erindið stundvíslega kl. 20:30.
Umræður héldu afram yfir kaffi eftir að formlegu erindi lauk. Snorri Ingimarsson TF3IK, Árni Stefánsson (gestur), Ágúst Magni Þórólfsson TF3CAN og Sigurður Harðarson TF3WS.
Valdimar Óskar Jónasson TF1LT, Jón Svan Grétarsson TF3JS, Snorri Ingimarsson TF3IK og Örn Gunnarsson TF3-083. Fjær: Hrafnkell Sigurðsson TF8KY.
Jón Svan Grétarsson TF3JS,  Valdimar Óskar Jónasson TF1LT og Georg Kulp TF3GZ.
Kristján Eyfjörð (gestur) og Hjalti Magnússon, TF3IO.
Vilhjálmur Í. Sigurjónsson TF3VS, Andrés Þórarinsson TF1AM og Sveinn Goði Sveinsson TF3ID. Fjær: Guðjón Már Gíslason TF3GMG og Erling Guðnason TF3E.
Erling Guðnason TF3E og Sveinn Goði Sveinsson TF3ID.
Benedikt Sveinsson TF3T og Hrafnkell Sigurðsson TF8KY.
/by
,

VÍSBENDING UM VIRKNI

Teknar voru saman upplýsingar um TF kallmerki sem fengu skráningu á þyrpingu (e. cluster) dagana 1.-10. nóvember. Alls fengu 16 TF kallmerki skráningar. Flestir voru QRV á stafrænum mótunum (FT8 og/eða FT4), en einnig á morsi (CW), fjarritun (RTTY) og tali (SSB). Bönd: 6, 10, 12, 15, 17, 20, 30, 40 og 80 metrar.

Kallmerki fær skráningu þegar leyfishafi [eða hlustari] hefur haft samband við [eða heyrt í] TF kallmerki. Svokallað „self spotting“ er ekki tekið með. Upplýsingarnar eru fengnar á http://new.dxsummit.fi/#/  Sambærilegar síður eru í boði á netinu til samanburðar.

Fyrst er skráð kallmerki, þá tegund(ir) útgeislunar og band/bönd sem kallmerki fær skráningu á.

Til skoðunar er að taka reglulega saman upplýsingar af þessu tagi.

Stjórn ÍRA.

TF1EIN                  FT8 á 10, 12 og 15 metrum.
TF1PA                   SSB á 10 metrum.
TF2MSN               FT8 á 40 metrum.
TF3AK                   FT8 á 17 metrum.
TF3AO                  RTTY á 20 metrum.
TF3DC                   CW á 12 og 30 metrum.
TF3EK/P               FT8 á 10 metrum.
TF3EO                   CW á 30 og 40 metrum.
TF3JB                    FT8 á 6 metrum.
TF8KW                  FT8 á 6, 10, 17 og 20 metrum.
TF3PPN                FT8 á 10 metrum og RTTY á 15 metrum.
TF3VG                   FT8 á 80 metrum.
TF3WK                  CW ár 10, 12 og 17 metrum.
TF3SG                   CW á 12 og 30 metrum.
TF3XO                   SSB á 15 metrum.
TF5B                      FT8 á 12, 15, 20, 30 og 40 metrum.

–

Mynd úr fjarskiptaherbergi TF3IRA í félagsaðstöðnni í Skeljanesi.
/by
,

CQ WW DX MORS KEPPNIN 2024.

CQ World Wide DX CW keppnin fer fram helgina 23.-24. nóvember.

Þetta er stærsta alþjóðlega morskeppni ársins; 48 klst. og engin tímatakmörk og í boði eru yfir 60 mismunandi keppnisflokkar.

Markmiðið er að ná eins mörgum samböndum og hægt er við aðra radíóamatöra um allan heim – í eins mörgum löndum (DXCC einingum) og á eins mörgum CQ svæðum og frekast er unnt. Keppt er á 1.8, 3.5, 7, 14, 21 og 28 MHz.

Stjórn félagsins hvetur félagsmenn til þátttöku og að skila inn radíódagbókum að henni lokinni. Alls var skilað dagbókum fyrir fyrir 9 TF kallmerki til keppnisstjórnar í fyrra (2023). Þar af var 1 viðmiðunardagbók (e. check-log).

Með ósk um gott gengi!

Stjórn ÍRA.

Heimasíða keppninnar: https://cqww.com/
Keppnisreglur: https://cqww.com/rules.htm

Kort EI8IC sýnir svæðaskiptingu heimsins í 40 CQ svæði.
/by
,

TF3WS Í SKELJANESI 21. NÓVEMBER

Fræðsludagskrá ÍRA heldur áfram fimmtudaginn 21. nóvember og verður opið í félagsaðstöðunni í Skeljanesi fyrir félagsmenn og gesti frá kl. 20 til 22.

Að þessu sinni mætir Sigurður Harðarson, TF3WS með erindið: „„Gufunes bílnetin fyrir 80 metra bandið“. M.a. sagðar reynslusögur og útskýrt hvað þarf til og hvernig þetta er gert.

QSL stjóri verður búinn að fara í hólfið og flokka kort.

Félagsmenn hvattir til að mæta tímanlega. Kaffiveitingar.

Stjórn ÍRA.

/by
,

NEYÐARFJARSKIPTI Á 40 METRUM

ÍRA hafa borist upplýsingar um tíðnir á 40 metrum sem hafa verið teknar til notkunar fyrir neyðarfjarskipti vegna fellibylsins Söru sem gengur nú yfir Karabíska hafið og stefnir m.a. á Florida,  en radíóamatörar annast neyðarfjarskipti á þessum svæðum.

Tíðnirnar eru: 7080 kHz, 7143 kHz og 7198 kHz.

Þess er farið á leit að íslenskir radíóamatörar taki tillit til þessara forgangsfjarskipta, a.m.k. næstu daga.

Stjórn ÍRA.

/by