,

TF Útileikar uppgjör

Uppgjör TF útileika fór fram í félagsheimili Í.R.A. 24. september s.l.  Kristinn Andersen, TF3KX kynnti úrslit og færði sigurvegara verðlaun og þátttökuviðurkenningu.  Allir þátttakendur sem skiluðu inn radíódagbók fengu afhenta viðurkenningu.  Sigurvegari TF útileikana í ár er Henry Arnar Hálfdansson, TF3HRY og færir stjórn Í.R.A. honum bestu hamingjuóskir fyrir frábæra frammistöðu. Kristinn Andersen varð annar þetta árið.

Stjórn Í.R.A. færir einnig öllum þeim sem komu að undirbúningi, úrvinnslu gagna og undirbúningi verðlaunaveitingar TF útileikanna 2009 bestu þakkir fyrir mikið og vel unnið starf.

Ljósmyndara, Jóni Svavarssyni, TF3LMN, eru færðar bestu þakkir fyrir ljósmyndir.

73 Guðmundur, TF3SG

Frá vinstri: Kristinn, TF3KX; Jónas, TF2JB; Ársæll, TF3AO; Sigurður, TF2WIN; Guðmundur, TF3SG; Henry, TF3HRY; og Jón Þóroddur, TF3JA. Ljósmynd: TF3LMN.

/by
,

Varaformaður NRRL heimsækir Í.R.A.

Varaformaður systurfélags okkar í Noregi (NRRL) Lennart, LA1BP, heimsótti Í.R.A. 24. september s.l. Hann er á ferð hér á landi á eigin vegum. Meðfylgjandi ljósmynd var tekið í félagsaðstöðunni við Skeljanes við það tækifæri.

Frá vinstri: TF3RF, LA1BP, TF3AO, TF3BG, TF3JA og TF3SA. Ljósmynd: TF3LMN.

Fjarskiptaherbergi TF3IRA. Frá vinstri (standandi): TF2JB og TF3HP. Sitjandi: TF3SG og LA1BP. Ljósmynd: TF3LMN.

/by
,

TF Útileikar 2009 afhending viðurkenninga

Stjórn ÍRA þakkar öllum sem þátt tóku í TF útileikum 2009 og færir jafnframt sigurvegara TF útileikanna í ár, Henry Arnari Hálfdanssyni, TF3HRY, heillaóskir fyrir frábæran árangur. Henry var með 755.200 stig, í flokki MF/HF-ER. Í öðru sæti var Kristinn Andersen, TF3KX með 638.115 stig, í flokki MF/HF-ER.  Benedikt Sveinsson, TF3BNT var efstur í flokki MF/HF-RA með 70.000 stig. Stjórn ÍRA vill senda þeim sem komu að undirbúningi
útileika, úrvinnslu gagna og gerð viðurkenningarskjala sérstakar þakkir. 73, Guðmundur, TF3SG

Frá vinstri: Kristinn, TF3KX; Jónas, TF2JB; Ársæll, TF3AO; Sigurður, TF2WIN; Guðmundur, TF3SG; Henry, TF3HRY; og Jón Þóroddur, TF3JA. Ljósmynd: TF3LMN.

TF2JB

/by
,

Afhending viðurkenninga fyrir TF útileikana 2009. Fimmtudaginn 24. september 2009.

Afhending viðurkenninga fyrir TF útileikana 2009. Fimmtudaginn 24. september 2009.

Fimmtudaginn 24. september nk. verða afhentar viðurkenningar fyrir þátttöku í TF útileikunum 2009.  Kristinn, TF3KX, mun fara yfir þátttöku og stigagjöf útileikanna. Stigahæstu mönnum verða afhentar viðurkenningar og að auki fá allir þátttakendur sem skiluðu inn radíódagbókum viðurkenningar fyrir þátttökuna.  Fundurinn verður í félagsheimili ÍRA og hefst kl. 20.00.

73

Guðmundur, TF3SG

/by
,

Móttaka á laugardag í Kiwanishúsinu Mosfellsbæ

Móttaka verður í Kiwanishúsinu Geysi í Mosfellsbæ fyrir alla radíóamatöra n.k. laugardag 12. september kl.14.00. Aðkoma að húsinu er við Köldukvísl. Ljóst er að þetta verður hið mesta gaman, boðið verður upp á kaffi og kökur. Í fyrra voru fyrirlestrar og sett upp loftnet. Stefnt er að því að endurtaka þá frábæru uppákomu sem skapaðist þá. Tilkynnt verður um dagskrá og væntanlega fyrirlestra síðar.

Tengiliðir eru Guðmundur Ingi, TF3IGN og Andrés TF3AM

73

Guðmundur, TF3SG

/by
,

Vinna utan- og innandyra í félagsaðstöðunni

Það var hress hópur sem hittist í félagsaðstöðu Í.R.A. s.l. sunnudag (30. ágúst). Hópur-1 tók að sér að skoða rótorinn við SteppIR loftnetið og var turninn m.a. felldur. Það voru þeir Sveinn Bragi, TF3SNN; Jón Gunnar, TF3PPN; Jón Ingvar, TF1JI; Yngvi, TF3Y; Bjarni, TF3GB; og Matthías, TF3-035. Hópur-2 tók að sér málningarvinnu innandyra. Það voru þeir Guðmundur, TF3SG; og Baldvin, TF3-033. (Jónas, TF2JB, fór út í bakarí og keypti sérbökuð vínarbrauð og tebollur með súkkulaðirönd til að hafa með kaffinu og tók nokkrar ljósmyndir).

Jón Gunnar, TF3PPN uppi í turninum.

Guðmundur, TF3SG með stóru rúlluna.

Baldvin, TF3-033 með litlu rúlluna.

Turninn felldur. Bjarni, TF3GB og Matthías, TF3-035 fylgjast með Sveini Braga, TF3SNN.

TF2JB

/by
,

Efni eða ábendingar fyrir næsta CQ TF

Nú fer að líða að útgáfu næsta heftis félagsblaðsins okkar, CQ TF. Kallað er eftir efni, ábendingum og hugmyndum að efni í blaðið. Vilja lesendur sjá aðrar áherzlur í efni eða í framsetningu? Ritstjóri þiggur með þökkum allar ábendingar og efni. Lokafrestur fyrir efni í næsta blað er sunnudagurinn 20. september.

Kveðjur frá ritstjóra…

Kristinn Andersen, TF3KX
Austurgötu 42, 220 Hafnarfjörður

Netfang: tf3kx@simnet.is
GSM: 825-8130

/by
,

Námskeið á næstunni

Stjórn og prófnefnd Í.R.A. héldu sameiginlegan fund þann 18. ágúst s.l. Til umræðu var m.a. núverandi fyrirkomulag námskeiða til amatörprófs og reynslan af námskeiðum undanfarinna ára. Margt kom til umræðu, svo sem lengd námskeiða, en að mati prófnefndar þurfa þau að vera a.m.k. 8 vikur. Menn voru ennfremur sammála um að stefnt verði að því að haldin verði a.m.k. 2 námskeið á ári, þ.e. vor og haust. Á fundinum var dreift bókinni Siðfræði og samskiptasiðir radíóamatörasem Vilhjálmur Sigurjónsson, TF3VS, þýddi. Í umræðum kom fram að prófnefnd fagnar framtakinu og styður heilshugar að bókin verði hluti af námsefni á námskeiði til amatörprófs. Fundurinn þótti takast mjög vel og er stefnt að því að hittast aftur innan tíðar.

Stjórn Í.R.A. er jafnframt ánægja að skýra frá því að Hrafnkell Eiríksson, TF3HR, hefur tekið að sér skólastjórn námskeiðs til amatörprófs sem haldið verður á næstunni (þ.e. nú í haust). Hrafnkell hefur mikla reynslu af skipulagningu á námskeiðum félagsins og hlotið góða umsögn nemenda. Félaginu er því mikill akkur af liðsinni hans. Nánar verður skýrt frá dagsetningum og öðrum upplýsingum um námskeiðið hér á heimasíðunni á næstunni.

Myndatexti:
Frá vinstri: Kristján Benediktsson, TF3KB, prófnefnd; Vilhjálmur Sigurjónsson, TF3VS, prófnefnd; Sigurður Smári Hreinsson, TF8SM, prófnefnd (standandi); Kristinn Andersen, TF3KX, prófnefnd (standandi); Vilhjálmur Þór Kjartansson, TF3DX, prófnefnd; Jónas Bjarnason, TF2JB, formaður; Sveinn Bragi Sveinsson, TF3SNN, meðstjórnandi (standandi); Guðmundur Sveinsson, TF3SG, varaformaður; og Erling Guðnason, TF3EE, gjaldkeri. Ljósmynd: Jón Svavarsson, TF3LMN.

/by
,

Skil á útileikaloggum fyrir lok mánudags 31. ágúst

Lokafrestur fyrir skil radíódagbóka úr útileikunum 2009 er fyrir lok morgundagsins, mánudaginn 31. ágúst.

Eftir það hefst stigagjöf fyrir þátttökuna og stefnt er að því að niðurstöður liggi fyrir fljótlega í september.  Nú þegar hafa 19 þátttakendur sent inn logga, með allt frá nokkrum tugum sambanda niður í eitt, en allir sem senda inn logga – hversu fá sem samböndin kunna að vera – fá viðurkenningu fyrir þátttöku í ár.

Nóg er að senda logga á hefðbundnu formi, þar sem eitt QSO er í hverri línu (vinsamlegast ekki ADIF skrár).  Ekki er nauðsynlegt að reikna stig, frekar en menn vilja – þau verða hvort eð er reiknuð aftur í stigagjöfinni.

Sendið loggana fyrir lok morgundagsins, 31. ágúst á undirritaðan:

Kristinn Andersen, TF3KX
Austurgötu 42
220 Hafnarfjörður
Netfang: tf3kx@simnet.is
GSM:  825-8130.

Undirritaður veitir einnig upplýsingar, ef þarf.

73 de TF3KX

/by
,

Námskeið í október

Stjórn og prófnefnd Í.R.A. héldu sameiginlegan fund þann 18. ágúst s.l. Til umræðu var m.a. núverandi fyrirkomulag námskeiða til amatörprófs og reynslan af námskeiðum undanfarinna ára. Margt kom til umræðu, svo sem lengd námskeiða, en að mati prófnefndar þurfa þau að vera a.m.k. 8 vikur. Menn voru ennfremur sammála um að stefnt verði að því að haldin verði a.m.k. 2 námskeið á ári, þ.e. vor og haust. Á fundinum var dreift bókinni Siðfræði og samskiptasiðir radíóamatöra sem Vilhjálmur Sigurjónsson, TF3VS, þýddi. Í umræðum kom fram að prófnefnd fagnar framtakinu og styður heilshugar að bókin verði hluti af námsefni á námskeiði til amatörprófs. Fundurinn þótti takast mjög vel og er stefnt að því að hittast aftur innan tíðar.

Frá vinstri: Kristján Benediktsson, TF3KB, prófnefnd; Vilhjálmur Sigurjónsson, TF3VS, prófnefnd; Sigurður Smári Hreinsson, TF8SM, prófnefnd (standandi); Kristinn Andersen, TF3KX, prófnefnd (standandi); Vilhjálmur Þór Kjartansson, TF3DX, prófnefnd; Jónas Bjarnason, TF2JB, formaður; Sveinn Bragi Sveinsson, TF3SNN, meðstjórnandi (standandi); Guðmundur Sveinsson, TF3SG, varaformaður; og Erling Guðnason, TF3EE, gjaldkeri. Ljósmynd: Jón Svavarsson, TF3LMN.

Í framhaldi fundarins með prófnefnd, hefur stjórn félagsins haft til umfjöllunar tímasetningu næsta námskeiðs og virðist allt benda til þess að við getum farið af stað í byrjun október n.k. Nánari upplýsingar verða birtar hér á heimasíðunni mjög fljótlega og eigi síðar en í næstu viku.

TF2JB

/by