,

Umfjöllun um TF3DX í aprílblaði “CQ Ham Radio Japan”

Í aprílhefti tímaritsins “CQ Ham Radio Japan” 2010 er 4 blaðsíðna umfjöllun um Vilhjálm Þór Kjartansson, TF3DX og virkni hans á 160 metrunum, m.a. um virkni sem TF3DX/M og mynd af QSL korti til JA7FUJ sem Vilhjálmur sendi til staðfestingar sambandi þeirra sem hann hafði úr bílnum. Greinin er að stofni til lík þeirri sem birtist í 1. tbl. CQ TF 2010, en ljósmyndir eru fleiri ásamt mynd af XYL; Guðrúnu, TF3GD.

Þar á eftir fylgir samantekt (eftir Vilhjálm) sem skýrir hversu erfitt er í raun að hafa samband á milli TF og JA á 160 metrunum.

TF2JB

/by
,

Morsnámskeið með Axel í kvöld

Minni á morsnámskeið í kvöld klukkan 19.00 með Axel Sölvasyni, TF3AX. Áherslan er á að hlusta og taka á móti morsi og skrifa niður stafi. Námskeiði er hugsað fyrir þá sem eru að byrja að læra mors og fyrir þá sem vilja ná færni í að taka á móti morsi og skrifa niður. Námskeiðið er öllum opið.

73
Guðmundur, TF3SG

/by
,

CQ TF – Skilafrestur efnis sunnudaginn 28. marz Skip to end of metadata

Skilafrestur efnis í aprílhefti CQ TF er nk. sunnudag, 28. marz.  Lesendur blaðsins eru hvattir til að senda greinar, myndir eða ábendingar um áhugavert efni til ritstjóra.

73 – Kristinn Andersen, TF3KX – ritstjóri CQ TF
Austurgötu 42, 220 Hafnarfjörður

E-mail: tf3kx@simnet.is.  GSM: 825-8130.

/by
,

Morsnámskeið í mars og apríl

Í samráði við Axel Sölvason, TF3AX hefur verið ákveðið að framlengja og halda áfram með morsnámskeið.  Áherslan verður á að hlusta og skrifa niður stafina og hefst fyrsta kenslu-stundin næstkomandi fimmtudag 25. mars, klukkan 19.00.  Námskeiðið er öllum opið og verður sniðið að þeim sem mæta, fullt tillit verður tekið til byrjenda og þeim veitt kennsla og leiðsögn.  Þeir byrjendur sem þess óska geta fengið lánaða æfingalykla.  Gert er ráð fyrir að kennsla fari fram sunnudagsmorgna.

73

Guðmundur, TF3SG

/by
,

SteppIR loftnetið komið upp á ný og virkar vel.

Myndin er frá vinnu við SteppIR loftnet félagsins 1. nóvember s.l. Ljósm. TF2JB.

Laugardaginn 20. mars 2010 kl. 10 árdegis var mættur hópur félagsmanna í félagsaðstöðuna við Skeljanes. Verkefni dagsins var að koma upp á ný SteppIR Yagi loftneti félagsins eftir viðgerð, en eins og menn muna brotnuðu festingar loftnetsins og það féll til jarðar þann 20. janúar s.l. Þessir voru mættir: Ársæll TF3AO, Bjarni TF3BG, Óskar TF3DC, Benedikt TF3CY, Erling TF3EE, Halldór TF3GC, Guðlaugur TF8GX, Haraldur TF3HP, Guðmundur Ingi TF3IG, Jón Þóroddur TF3JA, Jónas TF2JB, Jón Gunnar TF3PPN, Guðmundur TF3SG og Sveinn Bragi TF3SNN. Vinnan við samsetningu loftnetsins og uppsetningu gekk að óskum (en alltaf eru náttúrlega einhver smáatriði sem tefja…). Það flýtti þó verulega fyrir að Gulli, TF8GX, fékk lánaðan lyftubíl. Loftnetið var komið upp, tengt og tilbúið til notkunar klukkan 12:50. Bestu þakkir til allra sem lögðu hönd á plóginn.

Frá vinstri: TF3CY, TF3SNN og TF3PPN.

Frá vinstri: TF3GC, TF3DC, TF3PPN og TF8GX auk TF3AO.

Frá vinstri: TF3DC, TF3GB, TF3GC, TF3CY, TF3PPN, TF3AO og TF3SNN.

loftnetið á leið á sinn stað upp á turninum.

TF3PPN og TF8GX veifa til marks um að allt sé í góðu gengi.

Tengingarvinnan tók nokkurn tíma.

Loftnetið klárt, verkefninu lokið og karfan á leið niður. Þá var klukkan 12:50.

TF2JB

/by
,

SteppIR loftnetið verður sett upp á laugardag…

Fyrstu SteppIR elementin til lagfæringar. Elementið lengst til vinstri er mest skaddað af þessum. Ljósmynd: TF3SNN.

Það staðfestist hér með að farið verður í uppsetningu á SteppIR Yagi-loftneti félagsins laugardaginn, 20. mars, kl. 10 árdegis. Veðurspáin virðist vera nokkuð góð – við gætum átt von á skúrum – en á móti kemur verkið verður léttara en á horfðist vegna þess að við munum fá körfubíl á staðinn.

Sveinn Bragi Sveinsson, TF3SNN, hefur nú lokið við viðgerð loftnetsins og hann verður klár með nýjar festingar og það sem til þarf. Þeir félagsmenn sem áhuga hafa á að hjálpa til eru velkomnir. Heitt verður á könnunni og eins og áður hefur komið fram verða ný vínarbrauð frá Geirabakaríi í Borgarnesi á borðum.

TF2JB

/by
,

Vefhlustun á 3,637MHz

Af tilefni ferðar 4×4 klúbbsins þvert yfir hálendi Íslands hef ég sett upp vefhlustun á tíðninni 3,637MHz. Viðtækið er statt í Grímsnesinu og sendir móttekna hljóðið yfir 3G nettengingu út á Internetið.

Sjá nánar á síðunni Vefradíó

73 de TF3HRafnkell

/by
,

Uppsetning SteppIR Yagi-loftnets félagsins á laugardag

Myndin er frá vinnu við SteppIR loftnet félagsins 1. nóvember s.l. Ljósm. TF2JB.

Ákveðið hefur verið að setja aftur upp SteppIR Yagi-loftnet félagsins laugardaginn 20. mars og er miðað er við að hefjast handa kl. 10 árdegis. Sveinn Bragi Sveinsson, TF3SNN, hefur nú lokið við viðgerð loftnetsins og verður klár með það, nýjar festingar og það fleira sem til þarf fyrir þann tíma. Þeir félagsmenn sem áhuga hafa á að hjálpa til eru velkomnir. Heitt verður á könnunni og boðið verður upp á ný vínarbrauð frá Geirabakaríi í Borgarnesi.

Endanleg staðfesting þess efnis, að ráðist verði í verkefnið á laugardag verður birt hér á heimasíðunni á fimmtudagskvöld, þar sem halda þarf þeim möguleika opnum að geta frestað uppsetningu fram á sunnudag ef þörf er á vegna veðurs. Markmiðið er að loftnetið verði tilbúið til notkunar í CQ World-Wide WPX SSB keppnina sem fer fram helgina 27.-28. mars n.k.

Guðmundur Sveinsson, TF3SG, kynnti hér á heimasíðunni í fyrradag (13. mars) þá hugmynd, að félagsstöðin verði virkjuð til þátttöku í keppninni í ár undir kallmerkinu TF3W. Þeir félagsmenn sem áhuga hafa á að koma að undirbúningi eða þátttöku í keppninni hafi samband við TF3SG á dn@hive.is eða í GSM 896-0814.

TF2JB

/by
,

Flóamarkaður sunnudaginn 21. mars

Nú er stefnt að því að halda hinn árlega flóamarkað með gamalt rafmagnsdót og öllu öðru sem viðkemur amatörradíói sunnudaginn 21. mars og hefst hann kl. 10.00. Það var mikið fjör í fyrra og margt um manninn. Mikil var leitað að þéttum, spólum, einöngrurum, tengjum og þess háttar. Félagsmenn eru hvattir til þess að mæta með sem mest af dóti.

73 Guðmundur, TF3SG

/by
,

Digital mótun – fyrirlestur fimmtudag 11.mars

Halldór Guðmundsson, TF3HZ mun halda fyrirlestur sinn um digital mótun á morgun fimmtudag 11. mars kl. 20.15.  Halldór er hafsjór af fróðleik um stafrænar mótunaraðferðir og hefur frá mörgu að segja.  Fyrirlestrinum var frestað fyrir um hálfum mánuði vegna snjókomu sem spáð hafði verið.  Halldór mun m.a. fjalla um JT65a og taka við fyrirspurnum á eftir.  Mætum tímanlega.

73

Guðmundur, TF3SG

/by