Næsti viðburður verður í boði 5. nóvember kl. 11:00; svokallaður „sófasunnudagur á messutíma“. Yngvi Harðarson, TF3Y verður með umræðuþemað: „Kynning á Reverse Beacon Network (RBN)“.
Húsið opnar kl. 10:30 en viðburðurinn hefst kl. 11 stundvíslega og miðað er við að umræðum ljúki um kl. 12 á hádegi. Að venju verða vínarbrauð í boði með kaffinu frá Björnsbakaríi og rúnstykki með skinku og osti.
Sunnudagsopnanir (stundum nefndar „sófasunnudagar“) hafa verið skýrðar á þann veg að um sé að ræða fyrirkomulag menntandi umræðu á messutíma sem er hugsuð sem afslöppuð, þ.e. þar sem menn sitja með kaffibolla í stóra leðursófasettinu og ræða amatör radíó og tiltekinn leyfishafi sem hefur staðgóða þekkingu á viðkomandi umræðuefni leiðir umfjöllun og svarar spurningum.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2023-11-04 16:52:132023-11-04 16:52:15SKELJANES Á SUNNUDAG 5. NÓVEMBER
Benedikt Sveinsson, TF3T mætti í Skeljanes 2. nóvember með erindið: “Loftnetakvöld fyrir stuttbylgju, áhersla á virkni mismunandi loftneta og umhverfið í kring“.
Benedikt, sem hefur verið leyfishafi í yfir 30 ár og hefur mikla reynslu af að hanna, smíða og setja upp loftnet á HF tíðnum, flutti okkur frábært erindi sem hann skipti í nokkra kafla þar sem hann fjallaði um mikilvægustu þætti sem hafa áherslu á virkni loftneta.
Hann fjallaði m.a. um ávinning loftneta; velti fyrir sér hvaðan merkin koma (undir hvaða horni); skýrði vel hve umhverfi loftneta getur haft mikil áhrif, fjallaði síðan um hæð loftnets (yfir jörð) og pólun. Allt saman eru þetta verulegir áhrifaþáttar um hve vel loftnet koma út. En Benedikt er, eins og hann sagði sjálfur keppnisradíóamatör og þess vegna er mikilvægt að hámarka alla þætti sem skipta máli í útsendingu/móttöku merkja á HF böndunum.
Hann nefndi t.d. að stefnuvirk loftnet þurfi a.m.k. að vera í ½ λ hæð yfir jörð og tók dæmi af eigin loftnetum sem hann hefur reist á Stokkseyri. Hann sýndi einnig á mjög sannfærandi hátt myndir af jarðleiðni og hve miklu máli hún getur skipt – sem og byggingar og mannvirki sem er úr leiðandi efnum í nærumhverfi loftneta. Hann sýndi okkur einnig hve pólun getur skipt miklu máli með tilliti til lágs útgeislunarhorns og sagði það sína reynslu, að t.d. borgi það sig vart að tengja meira en 30-40 radíala við stangarloftnet þar sem allt umfram það bæti tiltölulega litlu við. Hann fjallaði einnig um eigin hlustunarloftnet (e. Beverage) sem hann lýsti vel og sagði okkur frá kostum þess og göllum.
Benedikt sagði að lokum frá reynslu af þátttöku í CQ World Wide DX SSB keppninni sem fram fór helgina 28.-29. október s.l. Hann hafði alls 3.860 QSO og tæplega 3,4 millj. punkta sem er nýtt íslandsmet í flokki einmenningsstöðva á öllum böndum, háafli. Hann leyfði viðstöddum að heyra upptökur úr keppninni, auk þess sem hann tengdist búnaðinum á Stökkseyri yfir netið og veitti okkur skemmtilega innsýn í viðtöku á böndunum fyrir austan fjall.
Sérstakar þakkir til Benedikts Sveinssonar, TF3T áhugavert, fróðlegt, hnyttið og einlægt erindi í máli og myndum. Þess má geta (sem dæmi um áhuga viðstaddra) að menn slepptu kaffihléi uns erindi og afgreiðslu fyrirspurna lauk kl. 22.15. Alls mættu 22 félagsmenn og 1 gestur í Skeljanes þetta ágæta fimmtudagskvöld í stilltu vetrarveðri í vesturbænum í Reykjavík.
Stjórn ÍRA.
Benedikt Sveinsson TF3T hóf erindið stundvíslega kl. 20:30.Benedikt skipti erindinu niður í sjö kafla.Eitt af mörgum loftnetum sem Benedikt fjallaði um var HexBeam loftnetið sem er m.a. vinsælt hjá radíóamatörum hér á landi.Benedikt fjallaði m.a. um OptiBeam OB9-5 (9 staka Yagi loftnet fyrir 20, 17, 15, 12 og 10 metra böndin). Það er loftnet sem fær frábæra umsögn á Eham (97 umsagnir; allar upp á 5 í einkunn af 5). Hann sagði okkur m.a. af virkan þess í Álfsnesi þar sem það kom hörmulega út samanborið við á Stokkseyri þar sem það kemur frábærlega vel út. Hann fjallaði einnig um Mosley CL-33M (þriggja staka Yagi lofnet á 20, 15 og 10 metrum) sem notar gildrur til styttingar og sem kom strax glettilega vel út.Þetta er mynd af öðru af tveimur Beverage loftnetunum á Stokkseyri. Loftnetið er einvörðungu til hlustunar og er notað á lægri böndunum. Hér er sýndur einn festipunktur sem er ca. í tæplega tveggja metra hæð vegna hrossa sem ganga úti þar á svæðinu. Benedikt skýrði vel virkan loftnetsins og þegar hann var að prófa sig áfram með uppsetningu þess. Myndir: TF3JB.
Næsti viðburður verður í boði 5. nóvember kl. 11:00; svokallaður „sófasunnudagur á messutíma“. Yngvi Harðarson, TF3Y verður með umræðuþemað: „Kynning á Reverse Beacon Network (RBN)“.
Húsið opnar kl. 10:30 en viðburðurinn hefst kl. 11 stundvíslega og miðað er við að umræðum ljúki um kl. 12 á hádegi. Að venju verða vínarbrauð í boði með kaffinu frá Björnsbakaríi og rúnstykki með skinku og osti.
Sunnudagsopnanir (stundum nefndar „sófasunnudagar“) hafa verið skýrðar á þann veg að um sé að ræða fyrirkomulag menntandi umræðu á messutíma sem er hugsuð sem afslöppuð, þ.e. þar sem menn sitja með kaffibolla í stóra leðursófasettinu og ræða amatör radíó og tiltekinn leyfishafi sem hefur staðgóða þekkingu á viðkomandi umræðuefni leiðir umfjöllun og svarar spurningum.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2023-11-02 23:27:522023-11-02 23:33:42SKELJANES Á SUNNUDAG 5. NÓVEMBER
Á fimmtudag 2. nóvember mætir Benedikt Sveinsson, TF3T í Skeljanes með erindið: “Loftnetakvöld fyrir stuttbylgju, áhersla á virkni mismunandi loftneta og umhverfið í kring“.
Benedikt hefur mikla reynslu af að hanna, smíða og setja upp loftnet, m.a. stór Yagi loftnet á HF tíðnum. Þátttakendum á námskeiði ÍRA til amatörprófs er bent á að þetta er efni sem hentar fyrir þá.
Félagsmenn eru hvattir til að láta þetta efni ekki framhjá sér fara. Veglegar kaffiveitingar.
Stjórn ÍRA.
Benedikt Sveinsson TF3T var virkur í CQ World Wide DX SSB keppninni 2023 sem fram fór 28.-29. október. Hann hafði alls 3.860 QSO og tæplega 3,4 millj. punkta. Benedikt setti þar með nýtt íslandsmet í flokki einmenningsstöðva á öllum böndum háafli. Myndin var tekin í glæsilegri fjarskiptaaðstöðu þeirra bræðra Benedikts TF3T og Guðmundar TF3SG við Stokkseyri (TF3D). Ljósmynd: TF3T.
Sigurbjörn Þór Bjarnason, TF3SB og Reynir Björnsson, TF3JL stóðu fyrir viðburði á vegum félagsins í Skeljanesi laugardaginn 28. nóvember þar sem félagar mættu með morslykla sína í félagsaðstöðuna.
Gott úrval var af lyklum á staðnum. Meðal annars: Lyklar frá Vibroplex (böggar og pöllur); m.a. Champion, Lightning og Presentation, M.P. Pedersen (handlyklar), K8RA pöllur, Kent (handlyklar og pöllur), E.F. Johnson (handlyklar), W.M. Nye (handlyklar og pöllur), Samson (ETM-4C rafmagnslykill), Heathkit (HD-1410 rafmagnslykill), „commercial“ handlyklar og pöllur af mörgum tegundum, m.a. frá Bretlandi, Danmörku, Frakklandi, Suður-Kóreu og Rússlandi.
Frábær dagur. Skemmtilegt var að hlusta á sögur yfir kaffinu sem voru sagðar og tengjast hinum ýmsu lyklum, m.a. hvernig og hvar þeir höfðu verið keyptir og við hvaða verði – og hvers vegna menn telja að ákveðnir lyklar hafi gæði umfram aðra. Afar áhugavert að upplifa þá miklu þekkingu sem félagarnir búa yfir og tengjast búnaði til morsfjarskipta en morsið lifir góðu lífi á meðal radíóamatöra í dag um allan heim. Sérstakar þakkir til þeirra Sigurbjörns Þórs og Reynis fyrir frábæran dag.
Alls mættu 14 félagar og 2 gestir í Skeljanes þennan sólríka laugardag í vesturbænum í Reykjavík.
Stjórn ÍRA.
Viðburðurinn var auglýstur kl. 14:00 en flestir voru búnir að setja upp lykla og aukahluti upp úr kl. 13:30. Frá vinstri: Sigurbjörn Þór Bjarnason TF3SB, Þorgrímur Baldursson TF3PC, Jón G. Guðmundsson TF3LM, Hans Konrad Kristjánsson TF3FG, Reynir Björnsson TF3JL, Kristján Benediktsson TF3KB og Gísli G. Ófeigsson TF3G (snýr baki í myndavél).Margar skemmtilegar sögur voru sagðar. Kristján Benediktsson TF3KB sagði okkur m.a. frá iambic rafmagnsmorslykli sem hann hannaði og smíðaði árið 1972 úr fyrstu kynslóð rökrása.Frá vinstri: Sæmundur E. Þorsteinsson TF3UA, Þorgrímur Baldursson TF3PC, Jón G. Guðmundsson TF3LM, Hans Konrad Kristjánsson TF3FG, Kristján Benediktsson TF3KB, Sigurbjörn Þór Bjarnason TF3SB, Gísli G. Ófeigsson TF3G og Bernhard M. Svavarsson TF3BS og Þorvaldur Bjarnason TF3TB (sem snúa baki í myndavél). Þorgrímur Baldursson TF3PC sagði skemmtilega sögu frá því þegar hann keypti símritaralykil í Síle ásamt móttökutæki fyrir símritun. Til hægri: Jón G. Guðmundsson TF3LM sagði okkur líka skemmtilega sögu frá því þegar hann pantaði sér handlykil frá Suður-Kóreu sem hann endaði með að festa á þykka málmplötu (til að fá lykilinn stöðugan á borði). Hann sagðist líka hafa sett nýjan hnapp á lykilinn sem gerði hann mun betri.Jónas Bjarnason TF3JB sýndi þrjá lykla. Þ.á.m. þennan vandaða handlykil sem RSGB bauð félagsmönnum til sölu í tilefni 70 ára valdatíma hennar hátignar Elísabetar II árið 2022. RSGB lét framleiða 500 númeruð eintök í tilefni viðburðarins. Eintak TF3JB er nr. 65. Lykillinn kostaði £164.45 eða 35 þús. íslenskar krónur kominn til landsins. Aðrir á mynd: Sigurbjörn Þór Bjarnason TF3SB og Gísli G. Ófeigsson TF3G.Icom IC-7300 stöð félagsins og aflgjafi voru sótt upp í fjarskiptaherbergi til að nota sem hljóðgjafa (súmmer) til að geta prófað hina mismunandi lykla. Ofarlega á borðinu eru áletraðar morspöllur (af KBX-380 gerð) smíðaðar af þekktum finnskum radíóamatör, Tapio Hirvioski, OH1KB.Þær voru gjöf landsfélags finnskra radíóamatöra til ÍRA í tilefni 75 ára afmælisins. Neðst á borðinu til hægri eru annars vegar vandaðar iambic pöllur frá K8RA sem Gísli G. Ófeigsson TF3G sýndi okkar. Og hinsvegar (neðst í horninu) afar áhugaverðar smápöllur (e. mineature) sem er ótrúlega gott að lykla. Þær eru búnar sterkum segli sem heldur þeim föstum.Hans Konrad Kristjánsson TF3FG sýndi okkur tvo lykla frá Vibroflex, þ.á.m. iambic pöllur sem hann keypti í New York árið 1987. Þar fyrir neðan má sjá lyklana sem Þorgrímur Baldursson TF3PC sýndi okkur. M.a. lykilinn (sem er næst neðst) en hann keypti hann í forngripaverslun í Santiago í Síle fyrir nokkrum árum. Ljósmyndir: TF3JB og TF3KB.
Yfirvöld í Mexíkó standa í ströngu eftir að fimmta stigs fellibylurinn Otis gekk á land á sunnanverðri Kyrrahafsströnd Mexíkó í Guerrero nærri Acapulco. Fjöldi látinna er og ófremdarástand ríkir.
ÍRA hefur borist nýtt erindi frá neyðarfjarskiptastjóra IARU svæðis 2 um fjórðu tíðnina sem hefur verið tekin í notkun fyrir neyðarfjarskipti radíóamatöra á 14 MHz á svæðinu. Tíðnirnar fjórar eru:
Fræðsludagskrá ÍRA heldur áfram. Á laugardag 28. október kl. 14:00 verður viðburðurinn: „Félagar koma með morslykla sína í Skeljanes“.
Sigurbjörn Þór Bjarnason TF3SB, Reynir Björnsson TF3JL og Stefán Arndal, TF3SA mæta á staðinn. Húsið opnar kl. 13:00 og viðburðurinn hefst stundvíslega kl. 14:00.
Hugmyndin er að menn komi með sem flestar gerðir lykla á staðinn og segi frá tegund og gerð yfir kaffibolla og segi frá ef einhver saga fylgir. Hægt verður að tengja lyklana við hljóðgjafa (súmmer) á staðnum.
Þegar talað er um lykla er átt við allar gerðir morslykla, þ.e. handlykla, pöllur (spaðalykla), bögga (Vibroplex) og allar gerðir sem hægt er að nota til að senda með mors. Kaffiveitingar verða í sérflokki.
Verið velkomin á laugardagsopnun í Skeljanesi.
Stjórn ÍRA.
Mynd frá morslykladeginum í fyrra (2022). Góð mæting.Menn raða upp lyklum og aukalutum í fyrra.Sumir af lyklunum í fyrra komu í “original” pakkningum og höfðu jafnvel lítið eða aldrei verið notaðir.Sýnishorn af lyklum, pöllum, morstæki og hljóðgjafa (súmmer).Ljósmyndir: TF3JB.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2023-10-27 09:08:052023-10-27 09:12:59SKELJANES Á MORGUN, 28. OKTÓBER
Vilhjálmur Þór Kjartansson, TF3DX fór í SOTA ferð á Syðstusúlu (1093 m) í Botnssúlum 31. ágúst. Hann hafði 13 QSO. Þar með varð hann fyrstur manna til að virkja 100 íslenska SOTA tinda og alla 43 sem tilheyra Suðvesturlandi. Að auki 2 á Sikiley. Þann 1. september voru liðin 7 ár síðan hann virkjaði Ísland í fyrsta sinn, af Helgafelli sunnan Hafnarfjarðar. Þess má geta að Villi verður áttræður í desember á þessu ári.
Meðfylgjandi frásögn af ferð hans á 100. SOTA tindinn birtist á baksíðu Morgunblaðsins í dag, 26. október. Sjá einnig: Syðstasúla (TF/SV-002) – SOTLAS
Yfirvöld í Mexíkó eru í viðbragðsstöðu þar sem fimmta stigs fellibylurinn Otis gekk á land á sunnanverðri Kyrrahafsströnd Mexíkó í gærmorgun, í Guerrero nærri Acapulco. Fjölmiðlar skýra frá því að vindur hafi náð yfir 70 metrum á sekúndu og von sé á gríðarlegri úrkomu, frá 120 allt upp í 380 millimetra.
ÍRA hefur borist erindi frá neyðarfjarskiptastjóra IARU svæðis 2 um þrjár tíðnir á HF sem hafa verið teknar til notkunar fyrir neyðarfjarskipti radíóamatöra á svæðinu. Þær eru:
Fræðsludagskrá ÍRA heldur áfram. Á laugardag 28. október kl. 14:00 verður viðburðurinn: „Félagar koma með morslykla sína í Skeljanes“.
Þeir Sigurbjörn Þór Bjarnason TF3SB, Reynir Björnsson TF3JL og Stefán Arndal, TF3SA mæta á staðinn. Húsið opnar kl. 13:00 og viðburðurinn hefst stundvíslega kl. 14:00.
Hugmyndin er að menn komi með sem flestar gerðir lykla á staðinn og segi frá tegund og gerð yfir kaffibolla – og gjarnan ef einhver saga fylgir. Hægt verður að tengja lyklana við hljóðgjafa (súmmer) á staðnum.
Þegar talað er um lykla er átt við allar gerðir morslykla, þ.e. handlykla, pöllur (spaðalykla), bögga (Vibroplex) og allar gerðir sem hægt er að nota til að senda með mors. Kaffiveitingar í sérflokki.
Verið velkomin á laugardagsopnun í Skeljanesi.
Stjórn ÍRA.
Mynd frá morslykla deginum í Skeljanesi í fyrra (2022). Nánast allar tegundir af lyklum voru þá á staðnum, nema „sagarblöð“ eins og Stefán Arndal, TF3SA orðaði það.Unnið að uppstillingu lykla og búnaðar áður en dagskráin hófst í fyrra (2022). Ljósmyndir: TF3JB.
