Scandinavian Activity keppnin (SAC) – SSB hluti – verður haldin um næstu helgi, 10.-11. október.
Þetta er 24 klst. keppni sem hefst á laugardag á hádegi og lýkur á sunnudag á hádegi.
Norðurlöndin keppa á móti heiminum og innbyrðis. Sjá reglur í viðhengi. Mikilvægt er að sem flestar TF-stöðvar taki þátt!
Stjórn ÍRA.
Einar Kjartansson, TF3EK hefur náð 1001 stigi í SOTA verkefninu. Þessi frábæri árangur byggist á virkjun alls 186 íslenskra fjallatinda.
SOTA (Summits On The Air) verkefnið var stofnað árið 2002. Málið snýst um að fara á fjöll með fjarskiptatæki og búnað og hafa sambönd við aðra leyfishafa á amatörböndunum. Fjallatindar eru skilgreindir sérstaklega í hverju landi; hérlendis eru þeir alls 910.
Auk Einars, hafa eftirtaldir leyfishafar skráningu með stig á heimasíðu SOTA: TF3DX (212); TF3Y (38); TF3CW (14); TF3GD (8); TF3EO (5); TF3EE (4); TF3WJ (1) og TF8KY (1). Alls hafa 20 TF kallmerki skráningu í gagnagrunni SOTA. Heimasíða: https://www.sota.org.uk/
Egill Íbsen TF3EO, Einar Kjartansson TF3EK og Þórður Ívarsson TF5PX settu kerfið upp hér á landi. Vilhjálmur Þór Kjartansson TF3DX varð fyrstur til að „virkja“ fjallatind á Íslandi samkvæmt verkefninu, þann 1. september 2016 þegar Ísland gerist aðili.
Hamingjuóskir til Einars með árangurinn.
Stjórn ÍRA.
CQ World Wide RTTY DX keppnin fór fram helgina 26.-27. september. Sjö TF stöðvar skiluðu gögnum til keppnisstjórnar, þar af tvær viðmiðunardagbók (check-log). Stöðvarnar skiptast eftirfarandi á keppnisflokka:
TF1AM – einmenningsflokkur, háafl.
TF3AO – einmenningsflokkur, háafl.
TF3DT – einmenningsflokkur, háafl.
TF2MSN – einmenningsflokkur, lágafl.
TF/DJ7JC – einmenningsflokkur, lágafl, aðstoð.
TF3IRA (TF3DC op) – viðmiðunardagbók (check-log).
TF3VS – viðmiðunardagbók (check-log).
Niðurstöður verða kynntar í marshefti CQ tímaritsins 2021.
Scandinavian Activity Contrest (SAC) keppnin 2020 á morsi fór fram helgina 19.-20. september s.l. Tvær TF stöðvar skiluðu inn keppnisgögnum.
Samkvæmt bráðabirgðaniðurstöðum (claimed score) eru niðurstöður eftirfarandi:
3. sæti – TF3W (TF3CW op.); einmenningsflokkur, 14 MHz, háaafl.
9. sæti – TF3JB; einmenningsflokkur, 14 MHz, háafl, aðstoð.
SSB hluti keppninnar fer fram helgina 10.-11. október n.k. (nánar auglýst síðar).
Stjórn ÍRA hefur ákveðið að félagsaðstaðan í Skeljanesi verði áfram lokuð fimmtudaginn 1. október.
Ákvörðunin byggir á gildandi tilskipun heilbrigðisráðherra um takmörkun á samkomum vegna farsóttar, en sér í lagi vegna ríkjandi óvissu í ljósi þess að nú virðist hafin 3. bylgja Covid-19.
Ákvörðunin gildir fyrir n.k. opnunarkvöld. Fari allt á besta veg verður auglýst opnun á ný fimmtudaginn 8. október n.k.
Það er von okkar að þessari ákvörðun fylgi ríkur skilningur.
Stjórn ÍRA.
Ágætu félagsmenn!
Mér er ánægja að tilkynna um útkomu 4. tbl. CQ TF 2020 sem nú kemur út á stafrænu formi hér á heimasíðunni.
73 – TF3SB, ritstjóri CQ TF.
Hér fyrir neðan má finna hlekk á blaðið: http://www.ira.is/wp-content/uploads/2020/09/cqtf_34arg_2020_04tbl.pdf
Fram kemur í Morgunblaðinu í dag, 25. september, að Dr. Hannes Högni Vilhjálmsson, TF3VUN hefur hlotið stöðu prófessors við tölvunarfræðideild Háskólans í Reykjavík eftir mat alþjóðlegrar hæfnisnefndar.
Þess má geta að foreldrar hans eru bæði leyfishafar, þau Vilhjálmur Þór Kjartansson, TF3DX og Guðrún Hannesdóttir, TF3GD.
Hamingjuóskir til Hannesar Högna og fjölskyldu.
Stjórn ÍRA.
CQ World Wide RTTY DX keppnin 2020 fer fram um helgina.
Þetta er 48 klst. keppni, sem hefst kl. 00:01 laugardag 26. september og lýkur tveimur sólarhringum síðar, sunnudag 27. september kl. 23.59.
Keppnin er í nokkrum atriðum ólík öðrum WW keppnum CQ tímaritsins. Hún fer t.d. ekki fram á 160 metrum; einnig eru margfaldarar ólíkir sem og stigagjöf. Sjá nánar í keppnisreglum: http://www.cqwwrtty.com/rules.htm
CQ WW RTTY DX keppnin hefur verið í boði árlega frá árinu 1987. Þátttaka hefur yfirleitt verið góð frá TF. Geta má um frábæran árangur TF2R í fyrra (2019) þegar strákarnir náðu 9. sæti yfir Evrópu og 10. sæti yfir heiminn í fleirmenningsflokki. Ennfremur um frábæran árangur TF3AM (TF1AM) í einmenningsflokki árið 2017, þegar Andrés náði 10. sæti yfir Evrópu og 20. sæti yfir heiminn.
Bestu óskir um gott gengi!
Stjórn ÍRA.
Stjórn ÍRA hefur ákveðið að félagsaðstaðan í Skeljanesi verði lokuð fimmtudaginn 24. september.
Ákvörðunin byggir á gildandi tilskipun heilbrigðisráðherra um takmörkun á samkomum vegna farsóttar, en sér í lagi vegna ríkjandi óvissu í ljósi þess að nú virðist hafin 3. bylgja Covid-19.
Ákvörðunin gildir fyrir n.k. opnunarkvöld. Fari allt á besta veg verður auglýst opnun á ný fimmtudaginn 1. október n.k.
Það er von okkar að þessari ákvörðun fylgi ríkur skilningur.
Stjórn ÍRA.
Félagsstöðin TF3W var QRV í morshluta Scandinavian Activity Contest (SAC) sem haldin var 19.-20. september.
Sigurður R. Jakobsson, TF3CW virkjaði stöðina á 20 metrum. Siggi sagði að skilyrðin á bandinu hafi verið „upp og niður“; Evrópa hafi verið ríkjandi, en góð sambönd inn á milli niður í Indlandshaf, til Norður-Ameríku, Asíu og í Kyrrahafið.
Fjöldi sambanda var alls 1050. Reiknuð bráðabirgðaniðurstaða er 132.606 stig (53 margfaldarar og 2502 QSO stig). Miðað við skráningar á þyrpingu (e. cluster) var a.m.k. ein önnur TF stöð með sambönd í keppninni, TF3JB.
