Archive for category: Fréttir

Félagsaðstaða ÍRA í Skeljanesi verður opin fyrir félagsmenn og gesti fimmtudaginn 27. júní á milli kl. 20:00 og 22:00.

Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin.

Ralf Doerendahl, HB9GKR heimsækir okkur í Skeljanes og flytur erindi í máli og myndum um SOTA (Summits On The Air) virkni, m.a. frá hálendinu við Landmannalaugar og Þórsmörk. Erindi hans hefst kl. 20:30.

QSL stjóri verður búinn að fara í pósthólfið, flokka kortasendingar og raða í hólfin. Kaffiveitingar.

Verið velkomin í Skeljanes!

Stjórn ÍRA.

His Maj. King of Spain Contest, SSB
Keppnin hefst laugardag 22. júní kl. 12:00 og lýkur sunnudag 23. júní kl. 12:00.
Keppnin fer fram á SSB á 160, 80, 40, 20, 15 og 10 metrum.
Skilaboð stöðva á Spáni: RST + kóði fyrir hérað (e. province).
Skilaboð annarra: RST + raðnúmer.
https://concursos.ure.es/en/s-m-el-rey-de-espana-ssb/bases

ARRL FIELD-DAY
Keppnin hefst laugardag 22. júní kl. 18:00 og lýkur sunnudag 23. júní kl. 21:00.
Keppnin fer fram á 160, 80, 40, 20, 15 og  10 metrum. Allar teg. útgeislunar (mótunar) eru heimilaðar.
Skilaboð W/VE stöðva: Fjöldi senda + þátttökuflokkur + ARRL/RAC deild (e. section).
Skilaboð annarra: Fjöldi senda + þátttökuflokkur + „DX“.
https://www.arrl.org/field-day

Með ósk um gott gengi!

Stjórn ÍRA.

.

Opið hús var í Skeljanesi fimmtudag 13. júní. Góð mæting og menn hressir.

Allir tóku eftir glæsilegri vinnu þeirra Andrésar Þórarinssonar, TF1AM, Georgs Kulp, TF3GZ og Sveins Goða Sveinssonar, TF3ID sem fyrr í vikunni tóku sig til og fóru yfir gólfið í salnum með sérstökum vélbúnaði sem hreinsaði og bónaði gólfdúkinn sem nú er eins og nýr á að líta. Þakkir góðar til þeirra félaga.

Sérstakur gestur okkar var Erik Finskas, TF3EY/OH2LAK sem færði ÍRA Motorola DR300 UHF endurvarpa að gjöf frá klúbbi sínum í Finnlandi (OH2CH). Sérstakir þakkir til Erik og var hann beðinn fyrir góðar þakkir til félaganna heima í Finnlandi.

Mikið var rætt um böndin og DX‘inn, 6 metrana og VHF/UHF leikana sem verða haldnir 6.-7. júlí n.k. Mikið var rætt um 10 metra bandið sem hugmyndin er að verði bætt við í leikunum til.

Rætt um nýja búnaðinn sem Georg Kulp, TF3GZ er að setja upp til að gera félögum úti á landi kleift að nota 2 m. bandið. Pier Kaspersma, TF3PKN sem er áhugasamur um þessa tækni kemur einnig að málinu. Rætt um Ham Radio sýninguna í Friedrichshafen sem verður haldin 28.-30. júní n.k.

Frábært kaffi hjá Sveini Goða Sveinssyni, TF3ID og „Pound Cake“ & karamelluklossarnir frá Costco líkuðu vel. Alls voru 26 félagar og 3 gestir í Skeljanesi þetta ágæta fimmtudagskvöld.

Stjórn ÍRA.

Í tilkynningu sem sett var á heimsíðu félagsins og FB síður í gær, 10. maí – þar sem sagt var frá helstu alþjóðlegum keppnum helgina 15.-16. júní n.k. fylgdu með myndir og upplýsingar um þátttöku TF3IRA í CQ WW DX SSB keppninni árið 1979; „Multi One“ keppnisflokki.

Myndir voru birtar af TF3Y, TF3G og TF3UA í keppninni og þess getið að aðrir þátttakendur hafi verið TF3JB og TF3KX. Í þessari upptalningu láðist að geta um Sigurð R. Jakobsson, TF3CW sem einnig var með í að virkja félagsstöðina TF3IRA og var í raun hvatamaður að þátttöku í keppninni.

Hér með er beðist velvirðingar á þessum leiðu mistökum. Þátttakendur í keppninni voru sumsé:

TF3CW, TF3JB, TF3KX, TF3UA, TF3US (nú TF3G) og TF3YH (nú TF3Y).

Þátttaka sexmenningana í keppninni fyrir 45 árum gekk annars með ágætum og náðust 3,385 QSO, 87 CQ svæði og 281 DXCC eining sem gaf 2,310,310 heildarpunkta.

Stjórn ÍRA.

HAM RADIO 2024 sýningin nálgast, en hún verður haldin helgina 28.-20. júní n.k. á sýningarsvæði Neue Messe 1 í borginni Friedrichshafen í Þýskalandi.

Þetta er stærsta sýningin fyrir radíóamatöra í Evrópu og sá vettvangur sem jafnan er mest sóttur af íslenskum leyfishöfum. Hægt er að kaupa aðgöngumiða fyrirfram yfir netið. Vefslóð: https://www.hamradio-friedrichshafen.com/

Til fróðleiks, má lesa frásögn frá ferð á sýninguna í Friedrichshafen 2019 (CQ TF 4. tbl. 2019); bls. 25. Vefslóð: http://www.ira.is/wp-content/uploads/2019/09/cqtf_33arg_2019_04tbl.pdf

Stjórn ÍRA.