Ritstjóri vekur athygli á að enn er hægt að senda efni í næsta tölublað CQ TF, eða til 15. september.
Allt efni um áhugamálið er vel þegið í blaðið, s.s. frásagnir, ljósmyndir, eða jafnvel aðeins punktar og ábendingar um efni sem vinna má úr.
Athygli er vakin á að félagsmönnum er boðið að auglýsa frítt í blaðinu notuð fjarskiptatæki og/eða búnað sem tilheyrir áhugamálinu.
Netfang ritstjóra: saemi@hi.is
Fyrirfram þakkir og 73,
TF3UA, ritstjóri CQ TF.
Ein af stóru keppnum ársins er Worked All Europe (WAE) keppnin. SSB hlutinn er haldinn nú um helgina 9.-10. september. Þetta er 48 klst. keppni, en þátttaka er leyfð í mest 36 klst.
Markmiðið er að hafa sambönd við stöðvar utan Evrópu, þ.e. sambönd innan Evrópu gilda ekki í keppninni. Skilaboð: RS+raðnúmer. Í keppninni gefa QTC skilaboð punkta aukalega.
Sambönd við hverja nýja DXCC einingu (e. entity) gilda sem margfaldarar, auk sambanda við hvert nýtt kallsvæði í Bandaríkjunum, Kanada, Ástralíu, Nýja Sjálandi, Suður-Afríku, Japan og Brasilíu, auk kallsvæðanna RA8 og RA9.
Margfaldarar hafa aukið vægi eftir böndum; á 80 metrum fjórir, á 7 MHz þrír og á 14/21/28 MHz tveir.
Með ósk um gott gengi.
Stjórn ÍRA.
Sjá nánar í reglum: https://www.darc.de/der-club/referate/conteste/wae-dx-contest/en/
.
UM QTC Í WAE KEPPNUM
Í WAE keppnunum má fá aukapunkta með því að skiptast á skilaboðum (QTC) við aðra keppendur. Gilt QTC þarf að innihalda tíma, kallmerki og raðnúmer. Dæmi: „1307 W1AW 431“. Það þýðir að haft hafi verið samband við W1AW kl. 13.07 GMT og að sent raðnúmer var 431.
Aðeins má nota QSO einu sinni sem QTC og ekki er heimilt að senda QSO sem QTC til stöðvar sem samband var haft við í keppninni. Sérhvert rétt móttekið QTC gefur sendanda og móttakanda 1 stig. Tvær stöðvar geta mest skipst á 10 QTC. Viðkomandi stöðvar mega hafa fleiri en eitt samband til að ná þeim QTC fjölda.
QTC eru send sem raðir (e. series). QTC er skilgreint sem runa (e. block) sem samanstendur að lágmarki af einu QTC en að hámarki 10. QTC raðir eru númeraðar á eftirfarandi hátt: Fyrri tölustafurinn er hækkandi raðnúmer og sá síðari táknar fjölda QTC í röð. Dæmi: „QTC 3/7“ táknar þriðju QTC röð sem inniheldur 7 QTC“. Sérhverja QTC röð sem er send eða móttekin þarf að færa í keppnisdagbók, þ.e. „QTC númer, tíma og band“ þess sambands sem er að baki QTC sendingarinnar.
(Ath. Að þessar upplýsingar eiga við mors- og talhluta WAE keppnanna).
Félagsaðstaða ÍRA í Skeljanesi verður opin fimmtudaginn 7. september kl. 20 til 22 fyrir félagsmenn og gesti.
Fundarsalur, fjarskiptaherbergi TF3IRA og QSL stofa á 2. hæð verða opin.
Nýjustu tímaritin liggja frammi. Kaffiveitingar.
Verið velkomin í Skeljanes!
Stjórn ÍRA.
.
Villi, TF3DX fór í SOTA ferð á Syðstusúlu (1093 m) í Botnssúlum 31. ágúst. Hann hafði 13 QSO. Þar með varð hann fyrstur manna til að virkja 100 íslenska SOTA tinda og alla 43 sem tilheyra Suðvesturlandi. Að auki 2 á Sikiley.
Þann 1. september voru liðin 7 ár síðan hann virkjaði Ísland í fyrsta sinn, af Helgafelli sunnan Hafnarfjarðar.
Þess má geta að Villi verður áttræður í desember á þessu ári.
Hamingjuóskir með þennan árangur!
Stjórn ÍRA.
.
SOTA verkefnið (Summits On The Air) var stofnað 2. mars 2002. Málið snýst um að fara á fjöll með fjarskiptatæki og búnað og hafa sambönd við aðra leyfishafa á amatörböndunum. Fjallatindar eru skilgreindir sérstaklega í hverju landi og hérlendis eru þeir 911.
TF3DX varð fyrstur til að „virkja“ fjallatind samkvæmt verkefninu, þann 1. september 2016 þegar Ísland gerist aðili að SOTA. Um 24 þúsund radíóamatörar eru með skráða þátttöku í verkefninu í yfir 100 þjóðlöndum. Þar af eru um 20 TF kallmerki.
Námskeið ÍRA til amatörprófs verður haldið 25. september til 7. nóvember í Háskólanum í Reykjavík, bæði í staðnámi og fjarnámi.
Hægt er að mæta í kennslustofu þegar það hentar eða vera yfir netið þegar það hentar. Námskeiðið er öllum opið og eru ekki gerðar kröfur um sérstaka menntun eða undirbúning. Kennt verður á mánudögum, þriðjudögum og miðvikudögum kl. 18:30-21:30.
Námskeiðsgjald er kr. 22.500. Greiðsla þarf að hafa borist til gjaldkera eigi síðar en 17. september. Í framhaldi verður námsefni á prenti póstlagt 19. september. Sjá greiðsluupplýsingar hér: http://www.ira.is/skraning-a-namskeid/ Bent á fræðslustyrki stéttarfélaga og Vinnumálastofnunar til þeirra sem sækja námskeiðið.
Skipulag: https://tinyurl.com/namsk-haust23
Vefslóðir á námsefni: https://tinyurl.com/namsefni-haust23
Kynningarefni: http://www.ira.is/wp-content/uploads/2021/12/Kynning-2022.pdf
Fyrirspurnir eru velkomnar á póstfang félagsins: ira@ira.is
Stjórn ÍRA.
Alls koma 10 leiðbeinendur að kennslu á námskeiðinu. Þeir eru: Kristinn Andersen TF3KX, Ágúst Úlfar Sigurðsson TF3AU, Henry Arnar Hálfdánarson TF3HRY, Haukur Konráðsson TF3HK, Njáll H. Hilmarsson TF3NH, Vilhjálmur Þór Kjartansson TF3DX, Hrafnkell Eiríksson TF3HR, Andrés Þórarinsson TF1AM, Sæmundur E. Þorsteinsson TF3UA og Óskar Sverrisson TF3DC.
Teknar voru saman upplýsingar um TF kallmerki sem fengu skráningu á þyrpingu (e. cluster) vikuna 24.-30. ágúst 2023.
Alls fengu 17 TF kallmerki skráningu. Flestir voru QRV á stafrænum mótunum (FT8 og FT4), en einnig á morsi (CW), fjarritun (RTTY) og tali (SSB). Bönd: 10, 12, 15, 17, 20, 40, 60, 80 metrar og um QO-100 gervitunglið.
Kallmerki fær skráningu þegar leyfishafi [eða hlustari] hefur haft samband við [eða heyrt í] TF kallmerki. Svokallað „self spotting“ er ekki tekið með. Upplýsingarnar eru fengnar á http://new.dxsummit.fi/#/ Sambærilegar síður eru í boði á netinu til samanburðar.
Fyrst er skráð kallmerki, þá tegund(ir) útgeislunar og band/bönd sem kallmerki fær skráningu á.
Til skoðunar er að taka reglulega saman upplýsingar af þessu tagi.
Stjórn ÍRA.
TF1A FT8 á 12 metrum.
TF1EIN FT8 á 60 metrum.
TF1EM FT8 á 12, 17 og 30 metrum.
TF2MSN FT8 á 10, 12, 15, 17, 20, 30 og 60 metrum.
TF3AO RTTY á 20 metrum.
TF3EK/P SSB á 17 metrum.
TF3DC CW á 12 metrum.
TF3MH FT8 á 12 metrum.
TF3VE FT4 á 20 metrum.
TF3VG FT8 á 10, 15 og 30 metrum.
TF3VS FT8 á 15, 17 og 80 metrum.
TF3XO SSB á 20 metrum.
TF4WD SSB á 20 metrum.
TF5B FT8 á 12, 17, 20 og 30 metrum.
TF8KY RTTY á 20 metrum.
TF/PF3X FT8 á 40 metrum.
TF/DL2GRC SSB um QO-100 gervitunglið.
.
Næsta tölublað CQ TF, 4. tölublað ársins 2023, kemur út 1. október n.k.
Allt efni um áhugamálið er vel þegið í blaðið, s.s. frásagnir, ljósmyndir, eða jafnvel aðeins punktar og ábendingar um efni sem vinna má úr.
Félagsmönnum er boðið að auglýsa frítt í blaðinu notuð fjarskiptatæki og/eða búnað sem tilheyrir áhugamálinu.
Skilafrestur efnis er til 15. september. Netfang: saemi@hi.is
Félagskveðjur og 73,
Sæmundur E. Þorsteinsson, TF3UA
ritstjóri CQ TF
Félagsaðstaða ÍRA í Skeljanesi verður opin fimmtudaginn 31. ágúst kl. 20 til 22 fyrir félagsmenn og gesti.
Fundarsalur, fjarskiptaherbergi TF3IRA og QSL stofa á 2. hæð verða opin.
Nýjustu tímaritin liggja frammi. Kaffiveitingar.
Verið velkomin í Skeljanes!
Stjórn ÍRA.
Á opnunarsíðu ÍRA – í dálki hægra megin, hafa flýtileiðir nýlega verið uppfærðar.
Fyrsta efnislína er ný: NÆSTA NÁMSKEIÐ TIL AMATÖRPRÓFS. Þar má smella á dagskrá (fyrir neðan) og kalla fram skipulag námskeiðsins sem hefst 25. september n.k.
Efnislínan FRÆÐSLUDAGSKRÁ ÍRA OKT-DES 2023 er ný. Þegar dagskráin verður tilbúin má smella á Hefst 5. október (fyrir neðan) til að kalla fram alla dagskrána.
Neðsta efnislínan er FUNDARGERÐIR STJÓRNAR. Þar er efsta línan ný Starfsárið 2023/24 og má smella á þá línu til að kalla fram nýjustu fundargerðirnar.
Loks má benda á undirsíðuna TF KALLMERKI sem hefur verið uppfærð. Til þess að kalla hana fram – er farið næst efst á opnunarsíðuna þar sem fram koma efnisorðin: FRÉTTIR-FÉLAGIÐ-UPPLÝSINGAR-FRÆÐSLA-TENGLAR-Q. Þar er fyrst smellt á FÉLAGIÐ og í framhaldi á TF KALLMERKI.
Stjórn ÍRA.
Nýtt New-Tronics Hustler 6BTV stangarloftnet fyrir TF3IRA var sett upp í Skeljanesi í gær, 24. ágúst. Loftnetið vinnur á 80, 40, 30, 20, 15 og 10 metrum.
Sigurður R. Jakobsson, TF3CW og Sæmundur E. Þorsteinsson, TF3UA önnuðust verkefnið. Undirbúningur (þ.á.m. samsetning) fór fram 15. og 16. ágúst s.l., auk þess sem eldra net var tekið niður síðari daginn.
Eftir að verkefninu lauk í gær í sól og sumaryl var farið upp í fjarskiptaherbergi TF3IRA og standbylgja prófuð. Hún reyndist í takt við handbók, þ.e. 1.1-1.2 í resónans á 10, 15, 20 og 40 metrum, en of há á 30 metrum (2.5) og alltof há á 80 metrum. Stefnt er að því að ljúka stillingu á þessum tveimur böndum næstu daga.
Loftnetið var keypt frá DX Engineering í Bandaríkjunum. Festing sem Georg Magnússon, TF2LL smíðaði árið 2019 var í góðu lagi og var notuð áfram. Einnig fæðilína og stagefni sem allt var í lagi, en settir voru strekkjarar úr ryðfríu stáli á hvert stag.
Sérstakar þakkir til þeirra Sigurðar R. Jakobssonar, TF3CW og Sæmundar E. Þorsteinssonar, TF3UA fyrir frábært vinnuframlag.
Stjórn ÍRA.
