Sæmundur E. Þorsteinsson, TF3UA.
Síðasta sunnudagsopnunin fyrir jól verður haldin sunnudaginn 11. desember í félagsaðstöðu Í.R.A. við Skeljanes. Sæmundur E. Þorsteinsson, TF3UA, mun leiða umræður í sófasettinu. Hann mun ræða fæðilínur og skylda hluti sem snerta aðlögun sendis og loftnets. Húsið verður opnað kl. 10 árdegis og er miðað við að dagskrá verði tæmd á hádegi. Í boði verður vandað kaffimeðlæti.
Stjórn Í.R.A. hvetur félagsmenn til að mæta tímanlega.
Bjarni Sigurðsson verkfræðingur hjá PFS fjallaði um hættu frá útgeislun loftneta í tíðnisviðum radíóamatöra.
Fimmtudagserindið þann 8. desember var í höndum Bjarna Sigurðssonar, sérfræðings hjá Póst- og fjarskipta-
stofnum (PFS). Umræðuefni kvöldsins var geislunarhætta í tíðnisviðum radíóamatöra. Bjarni fór yfir kröfur sem gerðar
eru til sendi- og loftnetabúnaðar í núgildandi reglugerð um starfsemi radíóamatöra og í alþjóðafjarskiptareglugerðinni og
kynnti m.a. tilmæli ITU nr. K.52, K.61 og K.70 (sjá umfjöllun neðar).
Hann útskýrði hættu sem getur stafað af notkun sendibúnaðar (ef ekki er gætt varkárni) svo og hvað varðar fjarlægð frá
loftnetum. Hann fór einnig vel yfir forsendur hvað varðar tíðni og sendiafl og benti m.a. á, að taka þurfi að auki tillit til tíma-
lengdar sendinga. Hann sýndi nokkur dæmi um þessi atriði út frá algengum loftnetum, þar sem hann notaði ICNIRPcalc
V1.01 forritið frá IARU Svæði 1 sem getur reiknað útgeislun frá loftnetum og öryggismörk og auðveldar útreikninga á út-
geislun frá loftnetum. Hann kynnti jafnframt um tilurð svipaðs forrits á heimasíðu ITU (sem þó tekur tillit til mun fleiri þátta).
Fram kom, að augun eru þau líffæri sem eru viðkvæmust, sérstaklega þegar unnið er á QRO afli á hærri tíðnum.
Erindið var fróðlegt, vel fram sett og áhugavert. Fyrirspurnir voru fjölmargar og leysti fyrirlesari vel úr þeim. Stefnt er að því
að Power Point skyggnur með erindinu verði settar á heimasíðu félagsins innan tíðar.
Stjórn Í.R.A. þakkar Bjarna áhugavert erindi og Póst- og fjarskiptastofnun fyrir þann stuðning sem félaginu er sýndur með
að gera þennan viðburð mögulegan.
Góð mæting var í Skeljanesið fimmtudagskvöldið 8. desember, eða um 30 félagsmenn.
Í umræðum kom m.a. fram hjá Sæmundi TF3UA að ákveðið hafi verið að stofna til sérstakrar EMC nefndar Í.R.A.
Kristján Benediktsson TF3KB ræddi m.a. um forrit sem geta reiknað út geislun frá loftnetum og öryggismörk.
Í kaffihléi. Kjartan H. Bjarnason TF3BJ varaformaður og Vilhjálmur Í. Sigurjónsson TF3VS prófnefndarmaður.
Í kaffihléi. Haraldur Þórðarson TF3HP, Óskar Sverrisson TF3DC og Gísli G. Ófeigsson TF3G.
Í kaffihléi. Óðinn Þór Hallgrímsson TF2MSN, Guðjón Helgi Egilsson TF3WO og Ólafur H. Ólafsson, TF3ML.
Helstu tilmæli ITU (sbr. umfjöllun að ofan):
ITU Recommendation K.52
Guidance on complying with limits for human exposure to electromagnetic fields. This Recommendation aims to help with compliance of telecommunication installations and mobile handsets or other radiating devices used against the head with safety limits for human exposure to electromagnetic fields (EMFs). It presents general guidance, a calculation method, and an installation assessment procedure. The assessment procedure for telecommunication installations, based on safety limits provided by ICNIRP, helps users determine the likelihood of installation compliance based on accessibility criteria, antenna properties and emitter power. The IEC Standard for the compliance measurement of mobile handsets is recommended.
ITU Recommendation K.61
Guidance on measurement and numerical prediction of electromagnetic fields for compliance with human exposure limits for telecommunication installations. Recommendation ITU-T K.61 helps telecommunication operators to verify compliance with exposure standards promulgated by local or national authorities. This Recommendation gives guidance on measurement methods that can be used to achieve a compliance assessment. It also provides guidance on the selection of numerical methods suitable for exposure prediction in various situations.
ITU Recommendation K.70
Mitigation techniques to limit human exposure to EMFs in the vicinity of radio-communication stations. This Recommendation contains a software EMF-estimator that implements the methodology described in ITU-T K.70, and gives the possibility to calculate the cumulative exposure for the reference levels. It also contains the library of the radiation patterns of transmitting antennas for a wide range of radio communication and broadcast services. The EMF-estimator is not appropriate for the equipment certification in order to put it on the market. A new version v2.0.0 of EMF estimator is available in ITU-T K.70 (2007) Amend.2 (2011-05).
Bjarni Sigurðsson sérfræðingur hjá PFS.
Næsti viðburður á vetrardagskrá félagsins er í höndum Bjarna Sigurðssonar, verkfræðings hjá Póst- og fjarskiptastofnun (PFS).
Bjarni verður með erindi um geislunarhættu í tíðnisviðum radíóamatöra fimmtudaginn 8. desember kl. 20:30 í félagsaðstöðunni í Skeljanesi.
Stjórn Í.R.A. hvetur félagsmenn til að mæta stundvíslega. Kaffiveitingar verða í boði félagsins.
____________
Í tilefni erindis Bjarna, er vakin athygli á að á vegum IARU Svæðis 1 var nýlega tilkynnt um uppfærslu ICNIRPcalc forritsins sem reiknar geislun frá loftnetum og öryggismörk og getur auðveldað radíóamatörum útreikninga á geislun frá loftnetum þeirra. Nýja útgáfan nefnist ICNIRPcalc V1.01 og má velja um ensku eða frönsku (en eldri útgáfa var aðeins á þýsku). Sækja má nýju útgáfuna á eftirfarandi vefslóð:
Guðlaugur Kristinn Jónsson TF8GX í fjarskiptaherberginu ásamt dótturdóttur sinni Freyju.
Niðurstöður í Scandinavian Activity Contest (SAC) keppnini 2011, SSB hluta sem haldin var helgina 8.-9. október s.l.
liggja nú fyrir. Þrjár TF stöðvar sendu inn keppnisgögn, TF3AO, TF3W og TF8GX, auk TF3DC sem sendi inn saman-
burðardagbók (e. check log). Niðurstöður eru glæsilegar fyrir Guðlaug K. Jónsson, TF8GX, sem náði 1. sæti
og Norðurlandatitli í keppnisriðlinum Einmenningsstöðvar, öll bönd, lágafl. Guðlaugur varð langefstur í riðlinum
af 102 þátttakendum frá Norðurlöndunum með 220.313 heildarstig. Þess má geta, að þetta er fjórði Norðurlandatitillinn
sem Guðlaugur Kristinn landar í keppnisriðlinum frá árinu 1999.
Árangur TF3W var einnig mjög góður, en félagsstöðin lenti í 4. sæti í keppnisriðlinum Fleirmenningsstöðvar, einn sendir,
öll bönd, háafl af 35 þátttakendum frá Norðurlöndunum. Alls mönnuðu átta leyfishafar félagsstöðina í keppninni: TF3AO,
TF3CY, TF3FIN, TF3HP, TF3JA, TF3SA, TF3SG og TF3WIN.
|
Keppnisflokkur |
Kallmerki |
Árangur |
QSO |
QSO stig |
Margfaldarar |
|---|---|---|---|---|---|
| Einmenningsflokkur, öll bönd, lágafl |
TF8GX |
848 |
2.059 |
197 |
220.313 |
| Einmenningsflokkur, 10 metrar, háafl |
TF3AO |
5 |
11 |
5 |
55 |
| Fleirmenningsflokkur, öll bönd, háafl |
TF3W |
1.529 |
3.827 |
157 |
607.119 |
Stjórn Í.R.A. óskar hlutaðeigandi til hamingju með glæsilegan árangur.
Benedikt Sveinsson TF3CY í fjarskiptaherbergi TF3W í SAC SSB keppninni 8. október 2011.
Ársæll Óskarsson TF3AO í fjarskiptaherbergi TF3W í SAC SSB keppninni 8. október 2011.
Gunnar Svanur Hjálmarsson TF3FIN í fjarskiptaherbergi TF3W í SAC SSB keppninni 2011.
Jón Þóroddur Jónsson TF3JA í fjarskiptaherbergi TF3W í SAC SSB keppninni 8. október 2011.
Guðmundur Sveinsson TF3SG og Haraldur Þórðarson TF3HP í fjarskiptaherbergi TF3W í SAC keppninni 2011.
Stefán Arndal, TF3SA, við stjórnvölinn á TF3W í félagsaðstöðu Í.R.A. í Skeljanesi 17. september. Ljósm.: TF3JA.
Ársæll Óskarsson TF3AO og Sigurður Óskarson TF2WIN í fjarskiptaherbergi TF3W í SAC SSB keppninni 2011.
Talið frá vinstri: Bjarni Sverrisson, TF3GB; Guðmundur Löve, TF3GL; Guðjón Helgi Egilsson, TF3WO; Benedikt Guðnason, TF3TNT; Robert (Bob) Chandler, VE3SRE; Ari Þór Jóhannesson, TF3ARI; Bjarni Magnússon, TF3BM; og Sigurbjörn Þór Bjarnason, TF3SB.
Næsta sunnudagsopnunin á yfirstandandi vetrardagskrá verður haldin sunnudaginn 4. desember í félagsaðstöðu Í.R.A.
við Skeljanes. Sigurbjörn Þór Bjarnason, TF3SB, leiðir umræðurnar að þessu sinni og er umfjöllunarefnið hvernig best er
staðið að því að gera upp gömul tæki. Doddi hefur langa og yfirgripsmikla reynslu af að gera upp eldri lampatæki, þ.m.t.
RF magnara, sendi-/móttökustöðvar, viðtæki og fleira, enda sérlegur áhugamaður um umfjöllunarefnið.
Þess má geta, að Doddi var í hópi 6 félagsmanna Í.R.A. sem virkjuðu kallmerkið TF7V frá Stórhöfða í Vestmannaeyjum
árið 1975 (tveimur árum eftir gos) en þá hafði forskeytið TF7 verið QRT í aldarfjórðung. Hann tók jafnframt þátt í undir-
búningi DX-leiðangranna TF4F til Flateyjar á Breiðafirði (1977) og TF6M að Kirkjubæjarklaustri (1978).
Doddi mun meðal annars ræða nauðsyn þess að endurnýja tiltekna íhluti í algengum tækjum sem enn eru í notkun hérlendis,
svo sem FT-101B/E/F og FT-101Z/ZD. Sem dæmi, má nefna að þéttasett í FT-101Z/ZD sem samanstendur af 65 íhlutum
er fáanlegt fyrir tiltölulega lágt verð (en útskipting íhlutanna lengir verulega líftíma tækjanna). Sama á við um aðrar vinsælar
stöðvar, svo sem Kenwood TS-500 línuna (og upp úr). Hann mun jafnframt gefa góð ráð hvað varðar önnur tæki.
Umræður hefjast um kl. 10:30 árdegis og er miðað við að dagskrá verði tæmd á hádegi. Í boði verður vandað kaffimeðlæti.
Stjórn Í.R.A. hvetur félagsmenn til að mæta tímanlega.
Jón Þóroddur Jónsson TF3JA neyðarfjarskiptastjóri Í.R.A. flutti erindi um neyðarfjarskipti radíóamatöra.
Fimmtudagserindið þann 1. desember var í höndum Jóns Þórodds Jónssonar, TF3JA, neyðarfjarskiptastjóra félagsins.
Umræðuefni kvöldisins var neyðarfjarskipti radíóamatöra. Sérstakur gestur fundarins var Víðir Reynisson, deildarstjóri
hjá Almannavarnadeild RLR og kynnti hann afstöðu embættisins til neyðarfjarskipta.
Víðir Reynisson deildarstjóri hjá Almannavarnadeild RLR flutti erindi um neyðarfjarskipti frá sjónarmiði embættisins.
Jón Þóroddur fjallaði almennt um þá auðlind sem radíóamatörar eru og vísaði m.a. til þeirra tíðnisviða sem þeir hafa til
afnota, leikni í fjarskiptum (á mismunandi tegundum útgeislunar), getu til að leysa tæknilega sem samskiptalega hnökra,
auk almennrar og víðtækrar þekkingar á fjarskiptum sem áhugamáli. Í ljósi þessa mætti hugsa sér aðkomu radíóamatöra
að neyðarfjarskiptum á breiðum grundvelli.
Víðir fjallaði um afstöðu almannavarnadeildar RLR til neyðarfjarskipta og flutti fróðlegt yfirlit í því sambandi. Hann skýrði
m.a. frá helstu hnökrum í kerfinu og sagði menn meðvitaða um að bæta megi neyðarfjarskipti á landinu enda þurfi þau
ætíð að vera til endurskoðunar. Í þessu sambandi ræddi hann m.a. hin þrjú kerfi sem neyðarfjarskiptum stæðu nú til boða,
þ.e. Tetra, VHF og GSM. Hann ræddi m.a. um reynsluna frá gosinu í Eyjafjallajökli. Hann sagðist telja radíóamatöra eiga
aðkomu að málaflokknum hvatti félagið til að skoða þau mál frekar.
Bæði erindin voru mjög fróðleg og spurðu félagsmenn margra spurninga. Í umræðum komu fram ýmsar hugmyndir um
aðkomu íslenskra leyfishafa að viðfangsefninu og gæti hún í raun verið allt frá því að annast sérhæfða fræðslu, til beinnar
þátttöku í aðgerðum. Alls sóttu 25 félagar erindið þrátt fyrir snjókomu og vetrarfærð.
Stjórn Í.R.A. þakkar þeim Jóni Þóroddi og Víði áhugaverð erindi, svo og Jóni Svavarssyni, TF3LMN, fyrir myndatökuna.
Flærur má finna undir ítarefni.
Í kaffihléi. Vilhjálmur Þór Kjartansson TF3DX sagðist lengi hafa haft áhuga á neyðarfjarskiptum.
Í kaffihléi. Heimir Konráðsson TF1EIN og Ársæll Óskarsson TF3AO sögðu umfjöllunarefni kvöldsins áhugavert.
Sveinn Guðmundsson verkfræðingur TF3T (sk).
Stjórn Í.R.A. samþykkti á stjórnarfundi nr. 5/2011 að stofna sérstakan sjóð til minningar um látna félagsmenn. Sjóðurinn verði notaður í þágu nýrra leyfishafa svo þeir komist í loftið. Á fundinum var samþykkt að ánafna 25 þúsund krónum úr félagssjóði í minningu Sveins Guðmundssonar, TF3T, sem lést í byrjun september s.l.
Sveinn Guðmundsson, TF3T, var handhafi leyfisbréfs nr. 24 og heiðursfélagi í Í.R.A.
Jón Þóroddur Jónsson, TF3JA.
Næsti viðburður á vetrardagskrá félagsins er erindi Jóns Þórodds Jónssonar TF3JA neyðarfjarskiptastjóra Í.R.A.
fimmtudaginn 1. desember n.k. kl. 20:30 í félagsaðstöðunni við Skeljanes. Erindið fjallar um neyðarfjarskipti
radíóamatöra. Sérstakir gestir Jóns Þórodds á fundinum verða Rögnvaldur Ólafsson lögreglufulltrúi og verkefna-
stjóri og Víðir Reynisson deildarstjóri, báðir starfsmenn Almannavarnadeildar Ríkislögreglustjóra (RLR).
Rögnvaldur Ólafsson
Víðir Reynisson
Rögnvaldur Ólafsson, verkefnastjóri og Víðir Reynisson, deildarstjóri hjá Almannavarnadeild RLR.
Stjórn Í.R.A. undirbýr um þessar mundir mótun stefnu félagsins í málaflokknum. Grundvöllur þeirrar vinnu er að Í.R.A.
viðurkennir mikilvægi neyðarfjarskipta. Um árabil hefur málaflokkurinn þó ekki verið sérstaklega til umfjöllunar innan
félagsins. Samkvæmt því þarfnast hann kynningar og tíma til umræðu og mótunar á meðal félagsmanna.
Undirstaða þess að hægt sé að fara út í kynningu á málaflokknum út fyrir raðir félagsmanna, er að fyrir liggi hugsan-
leg aðkoma íslenskra radíóamatöra að neyðarfjarskiptum í landinu. Í annan stað, er mikilvægt að fyrir liggi (að stærst-
um hluta) hvað það er sem félagið telur sig hafa fram að færa í þessum efnum. Jón Þóroddur mun m.a. ræða þessa
þætti og skýra frá hugmyndum sínum hvað varðar málaflokkinn í heild.
Félagar, mætum stundvíslega! Kaffiveitingar verða í boði félagsins.
Jónas Bjarnason TF2JB “á lyklinum”. Myndin var tekin við vígslu samgönguminjasafnsins að Skógum 8. júní 2009. Ljósmynd: Sigurður Harðarson, TF3WS.
Áður auglýst sunnudagsopnun á morgun, sunnudaginn 27. nóvember kl. 10:30-12:00, fellur niður. Umræður, undir stjórn Jónasar Bjarnasonar, TF2JB, um reglugerðarmál, frestast því um óákveðinn tíma.
Beðist er velvirðingar á þessari breytingu sem kemur til vegna þátttöku í CQ WW DX CW keppninni 2011 sem fram fer um helgina.
Fimmtudaginn 24. nóvember var vígt nýtt húsnæði félagsins á 2. hæð í félagsaðstöðunni í Skeljanesi. Um er að ræða flutning á sameiginlegri aðstöðu QSL Bureau’sins og smíðaaðstöðunnar í hornherbergi á hæðinni (þar sem fjarskiptaherbergi félagsins var til ársins 2008). Það sem gerst hefur í millitíðinni er, að nýlega náðust samningar um makaskipti á herbergjunum á milli Í.R.A. og ORG Ættfræðiþjónustunnar.
Myndin sýnir innlit í nýja herbergið frá hurðaropi við gang (sjá má í hurðarhúninn sem er lengst niður til hægri á myndinni).
Ávinningur félagsins af þessum skiptum er hentugra herbergi fyrir QSL Bureau félagsins og smíðaaðstöðuna, auk þess sem rými fæst til ráðstöfunar fyrir aðstöðu sérhæfðs búnaðar fyrir fyrirhugaðan fjarskiptahóp innan félagsins um svokölluð “veik fjarskipti” (e. weak signal communications).
Stjórn Í.R.A. óskar félagsmönnum með hamingju með aukna húsnæðisaðstöðu félagsins. Bestu þakkir til Jóns Svavarssonar, TF3LMN, fyrir myndatökuna.
Rúmgott er um smíðaaðstöðuna í nýja herberginu. Þrátt fyrir að lofthæð sé nokkru minni þar sem veggurinn er tekinn inn (vegna kvistarins) finnst ekkert fyrir því þegar sest er niður við 180 cm langt vinnuborðið. Stöðin á smíðaborðinu er Heathkit HW-101 sendi-/móttökustöð fyrir 10-80 metra böndin.
QSL skápurinn á nýja staðnum. QSL skilagreinarnar og tilheyrandi umslög eru vel staðsett vinstra megin við skápinn. Hægra megin, neðarlega, má sjá nýjan kassa fyrir móttöku á QSL kortum til útsendingar. Eftir er að setja uppleiðbeiningar fyrir ofan hann.
Nýja bókahillan kemur vel út. Bæði er, að hún rúmar fleiri bækur en sú eldri (þ.e. hillur ná niður í gólfhæð) og að hún er fyrirferðarminni (nettari) en sú eldri, sem er mikilvægt þegar komið er inn í herbergið, þar sem inngangur er nokkuð mjór (sbr. fyrstu mynd).