Opið hús verður í félagsaðstöðu ÍRA í Skeljanesi fimmtudaginn 13. febrúar fyrir félagsmenn og gesti frá kl. 20:00 til kl. 22:00.
Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin. Kaffiveitingar.
Verið velkomin í Skeljanes!
Stjórn ÍRA.
ARRL International DX Contest, CW.
Keppnin fer fram laugardag 15. febrúar kl. 00:00 til sunnudags 16. febrúar kl. 24:00.
Hún fer fram á CW á 160, 80, 40, 20, 15 og 10 metrum.
Skilaboð W/VE stöðva: RST + (ríki í USA/fylki í Kanada).
Skilaboð annarra: RST + afl sendis.
https://www.arrl.org/arrl-dx
Russian PSK WW Contest.
Keppnin fer fram laugardag 15. febrúar kl. 12:00 til sunnudags 16. febrúar kl. 11:59.
Hún fer fram á BPSK31, BPSK63, BPSK125 á 160, 80, 40, 20, 15 og 10 metrum.
Skilaboð RU stöðva: RST + 2 bókstafir fyrir landssvæði (e. oblast).
https://www.rdrclub.ru/russian-ww-psk-contest/49-rus-ww-psk-rules
Feld Hell Sprint CONTEST.
Keppnin fer fram laugardaginn 15. febrúar kl. 19:00 til kl. 20:59.
Hún fer fram á Feld Hell á 160, 80, 40, 20, 15 og 10 metrum.
Skilaboð: Sjá reglur.
https://sites.google.com/site/feldhellclub/Home/contests/sprints/bingo-sprint
Með ósk um gott gengi!
Stjórn ÍRA.
Opið var í félagsaðstöðu ÍRA í Skeljanesi fimmtudaginn 6. febrúar. Kristján Benediktsson, TF3KB mætti með erindi kvöldsins, um „Alþjóðastarf radíóamatöra, m.a. IARU, NRAU og ITU“. Þetta var fyrsta erindið á nýrri vordagskrá ÍRA fyrir tímabilið febrúar-maí 2025.
Kristján sagði í upphafi að ekki gerðu sér allir grein fyrir því hversu mikið árangur radíóamatöra í tíðnimálum byggir á þeim grunngildum sem framsýnir forystumenn þeirra mótuðu í upphafi. Fram kom m.a. að tíðnisvið [til ráðstöfunar] er takmarkað og það eru margir um hituna. Skipulag amatörfélaganna og landssamtaka þeirra sem og mikil vinna í alþjóðaráðum, hefur skilað þeim árangri í gegnum áratugina þannig að síður hefur verið þrengt að radíóamatörum, heldur hafa tíðniheimildir jafnvel rýmkast.
Kristján sagði, að árangri hafi verið náð fyrir ötult starf innan alþjóðasamtaka radíóamatörfélaga, IARU sem og í starfi landsfélaganna þar sem málin eru rædd vandlega, sameinast um tillögur og talað fyrir breytingum hjá fjarskiptayfirvöldum hvers lands, og þannig undirbúin frumvörp sem náðst hafa í gegn á alþjóðlegum tíðniákvörðunarráðstefnum ITU, “World Radio Conferences, WRC“ sem eru skuldbindandi fyrir aðildarríkin (e. plenipotentiary).
Einungis fyrir faglegt og vandað undirbúningsstarf hafa fjarskiptayfirvöld samþykkt margar tillögur radíóamatöra og fært inn í alþjóðareglugerðir. Hér á landi er það Fjarskiptastofa sem er stjórnvald fjarskipta og er tengiliður okkar við stofnunina formaður ÍRA, Jónas Bjarnason TF3JB, sem hefur unnið vel að þessum málum í mörg ár. Radíóamatörar eiga IARU sem og landsfélögunum mikið að þakka. Gerður var góður rómur að erindi Kristjáns sem svaraði mörgum fyrirspurnum.
Sérstakar þakkir til Kristjáns Benediktssonar, TF3KB fyrir vel flutt erindi, fróðlegt og áhugavert. Þess má geta að erindið var tekið upp og verður til niðurhals fljótlega. Sjá má glærur frá erindi Kristjáns á heimasíðu ÍRA: https://www.ira.is/erindi-tf3kb-i-skeljanesi-6-februar-2025/
Alls mættu 19 félagar þetta ágæta fimmtudagskvöld í stilltu vetrarveðri í vesturbænum í Reykjavík.
Stjórn ÍRA.
(Texti: Andrés Þórarinsson, TF1AM varaformaður ÍRA).
Ágæti félagsmaður!
Minnt er á að aðalfundur ÍRA verður haldinn sunnudaginn 16. febrúar 2025.
Fundurinn verður haldinn í safnaðarheimili Neskirkju við Hagatorg í Reykjavík og hefst stundvíslega kl. 14:00.
Dagskrá er samkvæmt 19. gr. félagslaga.
f.h. stjórnar ÍRA,
Jónas Bjarnason, TF3JB
formaður
Laugardaginn 25. janúar var ÍRA með móttöku í Skeljanesi fyrir nýja leyfishafa sem sem tóku þátt í námskeiði félagsins til amatörprófs haustið 2024 og náðu prófi Fjarskiptastofu til amatörleyfis 2. nóvember s.l.
Meðal efnis sem nýjum leyfishöfum var bent á að gæti verið nytsamlegt, var samantekt greina sem birtust [einkum] í félagsblaðinu CQ TF á árunum 2028-2024.
Mikil ánægja var með þessa samantekt og hefur verið ákveðið að bjóða öllum félagsmönnum að nýta sér þessar upplýsingar ef áhugi er fyrir hendi, sbr. meðfylgjandi vefslóð á heimasíðu ÍRA.
Fyrst er smellt á vefslóðina: https://www.ira.is/valid-efni-ur-cq-tf-2018-2024/
Síðan má smella á slóðina sem er allra neðst til vinstri: „new.laugard.25.1.2025“ og kalla fram skjalið í heild.
Stjórn ÍRA.
ÍRA hefur borist jákvætt svar frá Fjarskiptastofu við ósk félagsins um rýmkun tíðni- og aflheimilda á 5 MHz (60 metra bandi).
Íslenskum leyfishöfum stendur til boða [frá og með deginum í dag], að sækja um tímabundna undanþágu til notkunar á tíðnisviðinu 5260-5410 kHz í tilraunaskyni með eftirfarandi skilyrðum:
(1) Leyfilegar eru allar mótunaraðferðir og hámarksbandbreidd er 8 kHz; (2) hámarks útgeislað afl er 1000 w fyrir G-leyfishafa og 100 w fyrir N-leyfishafa; (3) heimildin er með þeim fyrirvara að komi til truflana á annarri fjarskiptastarfsemi verður að hætta sendingum strax; (4) heimildin gildir til 2 ára, þ.e. til 31.12.2026; og (5) kallmerki skal notast í upphafi og lok fjarskiptasambands og með viðeigandi reglulegu millibili á meðan fjarskiptasamband varir.
Leyfishafar sem hug hafa á að starfa á tilgreindu tíðnisviði, skulu sækja um það sérstaklega til Fjarskiptastofu (hrh@fst.is og fst@fst.is) á sama hátt og undanþágur á 1.8 MHz og 70 MHz.
Stjórn ÍRA fagnar heimild Fjarskiptastofu, sem mun gera íslenskum leyfishöfum kleyft að gera tilraunir á mun rýmra tíðnisviði (150 kHz) og auknu afli. Núverandi heimild á 60 metrum er í tíðnisviðinu 5351.5–5366.5 kHz (15 kHz bandbreidd) og er hámarksafl 15W (EIRP).
Stjórn ÍRA.
Vordagskrá ÍRA fyrir tímabilið febrúar-maí 2025 hefst fimmtudaginn 6. febrúar í Skeljanesi.
Þá mætir Kristján Benediktsson, TF3KB með erindi um „Alþjóðastarf radíóamatöra, m.a. IARU, NRAU og ITU“. Húsið opnar kl. 20:00 en Kristján byrjar stundvíslega kl. 20:30.
Fundarsalur, fjarskiptaherbergi og QSL stofa á 2. hæð verða opin. QSL stjóri verður búinn að fara í pósthólfið og flokka kortasendingar. Sveinn Goði Sveinsson, TF3ID lagar kaffið og tekur fram meðlæti.
Félagsmönnum er bent á að láta erindið ekki framhjá sér fara.
Verið velkomin í Skeljanes!
Stjórn ÍRA.
CQ WW RTTY WPX CONTEST.
Keppnin stendur yfir laugardag 8. febrúar kl. 00:00 til sunnudags 9. febrúar kl. 23:59.
Hún fer fram á RTTY á 80, 40, 20, 15 og 10 metrum.
Skilaboð: RST + raðnúmer.
https://cqwpxrtty.com/rules.htm
FISTS SATURDAY SPRINT CW CONTEST.
Keppnin stendur yfir laugardag 8. febrúar kl. 00:00 til kl. 23:59.
Hún fer fram á CW á 80, 40, 20, 15 og 10 metrum.
Skilaboð FISTS félaga: RST + nafn + FISTS nr. + (ríki í USA/fylki í Kanada/DXCC eining).
Skilaboð annarra: RST + nafn + „0“ + (ríki í USA/fylki í Kanada/DXCC eining).
https://fistsna.org/operating.php#sprints
SKCC WEEKEND SPRINTATHON CW CONTEST.
Keppnin stendur yfir laugardag 8. febrúar kl. 12:00 til sunnudags 9. febrúar kl. 24:00.
Hún fer fram á CW á 160, 80, 40. 20, 15, 10 og 6 metrum.
Skilaboð: RST + (ríki í USA/fylki í Kanada/DXCC eining) + nafn + (SKCC nr./“NONE“)
https://www.skccgroup.com/operating_activities/weekend_sprintathon
KCJ TOPBAND CONTEST, CW.
Keppnin stendur yfir laugardag 8. febrúar kl. 12:00 til sunnudags 9. febrúar kl. 12:00.
Hún fer fram á CW á 160 metrum.
Skilaboð JA stöðva: RST + 2 bókstafir fyrir stjórnsýslusvæði.
Skilaboð annarra: RST + CQ svæði.
https://kcj-cw.com/j_index.htm
DUTCH PACC CONTEST.
Keppnin stendur yfir laugardag 8. febrúar kl. 12:00 til sunnudags 9. febrúar kl. 12:00.
Hún fer fram á CW og SSB á 160, 80, 40. 20, 15 og 10.
Skilaboð PA stöðva: RS(T) + 2 bókstafir fyrir landssvæði í Hollandi.
Skilaboð annarra: RS(T) + raðnúmer.
https://www.veron.nl/vereniging/commissies-en-werkgroepen/traffic-bureau/hf-contesten/pacc-contest
F9AA CUP CONTEST.
Keppnin stendur yfir laugardag 8. febrúar kl. 12:00 til sunnudags 9. febrúar kl. 12:00.
Hún fer fram á CW á 80, 40. 20, 15, 10 og 2 metrum.
Skilaboð: RST + raðnúmer.
https://www.site.urc.asso.fr/index.php/om-yl/concours/trophee-f9aa
Ágæti félagsmaður!
Með tilvísan til 17. gr. félagslaga, er hér með boðað til aðalfundar ÍRA sunnudaginn 16. febrúar 2025.
Fundurinn verður haldinn í safnaðarheimili Neskirkju við Hagatorg í Reykjavík og hefst stundvíslega kl. 14:00.
Dagskrá er samkvæmt 19. gr. félagslaga.
Nánar er vísað í fundarboð sem birt var í 1. tbl. CQ TF 2025 og sent var í tölvupósti til allra félagsmanna 26. janúar s.l.
Reykjavík 1. febrúar 2025,
f.h. stjórnar ÍRA,
Jónas Bjarnason, TF3JB
formaður
Eftir samráð innan stjórnar, hefur verið ákveðið að félagsaðstaða ÍRA í Skeljanesi verði lokuð í kvöld, fimmtudag 30. janúar.
Ákvörðunin er tekin í ljósi mikillar ófærðar á svæðinu og áframhaldandi óvissu um veður og færð þegar líða tekur nær kvöldi.
Félagsaðstaðan í Skeljanesi verður næst opin fimmtudag 6. febrúar n.k.
Stjórn ÍRA.
Suðaustanhríðarveður (Gult ástand). 30 jan. kl. 10:00 – 18:00. Suðaustan 15-23 m/s með snjókomu, skafrenningi og lélegu skyggni á fjallvegum, t.d. á Hellis- og Mosfellsheiði. Einnig búist við talsverðri hálku. Varasamt ferðaveður.