Unnið er að uppfærslu efnis á heimasíðu ÍRA. Áhersla er lögð á efni á undirsíðum sem þarfnast viðhalds og leiðréttinga, en jafnframt eru uppi áform um innsetningu á nýju efni sem varðar áhugamálið.
Opnunarsíða (fréttasíða) var uppfærð 21. ágúst. Þegar síðan opnast birtast efnisdálkar til hægri með þessum fyrirsögnum:
SDR VIÐTÆKI YFIR NETIÐ
ÁRSSKÝRSLUR ÍRA
FÉLAGSBLAÐ ÍRA, CQ TF
FUNDARGERÐIR STJÓRNAR
Liðurinn „Fundargerðir stjórnar“ er nýr á þessum stað á heimasíðunni. Um er að ræða gerðir frá starfsárunum 2018/19, 2019/20, 2020/21, 2021/22 og 2022/23. Nýjustu fundargerðirnar eru efst.
Fleiri breytingar og uppfærslur verða kynntar á næstunni.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2022-08-22 10:35:172022-08-22 10:41:33HEIMASÍÐA FÉLAGSINS UPPFÆRÐ
Eftirfarandi erindi hefur borist til ÍRA sem hér með er komið á framfæri við félagsmenn. Áhugasamir eru beðnir um að hafa samband og senda tölvupóst á ira@ira.is
“Okkur í Orgelkvartettinum Apparat langaði að athuga hvort það væri áhugi hjá ykkar félögum að taka þátt í smá orgel-radíóamatörabræðingi.
Þegar hljómsveitin var að stíga sín fyrstu skref fyrir rúmum tuttugu árum héldum við tónleika ásamt TF3IRA í Hafnarhúsinu. Þar spiluðum við á stór orgel og fjórir meðlimir ykkar komu með sínar græjur, settu heljarinnar loftnet upp á þak ef ég man rétt og reyndu að ná sambandi á meðan tónleikunum stóð.
Þetta heppnaðist einstaklega vel og eitt lagið sem þarna var flutt, Charlie Tango #2 endaði á plötunni Apparat Organ Quartet sem er nú verið að endurútgefa á vinyl.
Þann 26. október ætlum við að halda tvenna tónleika, kl.18 og 21 og spila plötuna í heild sinni. Okkur langaði að vita hvort það væri áhugi fyrir því að endurtaka leikinn frá árinu 2000 og fá ykkur til að koma inn í þessu lagi á tónleikunum”.
Arngrímur Jóhannsson, TF5AD var sérstakur gestur ÍRA í Skeljanesi 18. ágúst. Hann sagði frá flutningi Sinfóníuhljómsveitar Norðurlands og hans á sinfóníunni SOS eftir Jón Hlöðver Áskelsson sem fram fór í menningarhúsinu Hofi á Akureyri í febrúar s.l.
Hann sýndi okkur mynd frá viðburðinum. Afar áhrifamikið var að sjá og heyra flutning verksins og hóflega háa tóna morsmerkjanna hljóma í bakgrunni – og í innskotsmynd – sást Arngrímur senda morsið og neðst birtust stafirnir á „rúllandi“ textaskrá.
Arngrímur sagðist vilja þakka þeim Sigurði Harðarsyni, TF3WS sem var honum til aðstoðar og lánaði m.a. M.P. Pedersen handmorslykilinn. Einnig, Hrafnkeli Sigurðssyni, TF8KY sem smíðaði tækið sem þýðir merkin frá morslyklinum og sendir áfram til birtingar. Arngrímur gat þess, að hann hafi í hyggju að færa ÍRA eintak af heimildarmynd frá tónleikunum sem er í vinnslu.
Arngrímur byrjaði þó erindi sitt mun framar í tíma, eða upp úr árinu 1961 þegar hann gekkst undir próf til amatörleyfis og sagði að sér væri sérstaklega minnisstætt smíðaprófið sem Ríkharður Sumarliðason, TF3RS annaðist á Sölvhólsgötunni fyrir hönd Landssímans. Hann sagði að amatörprófið hafi verið góður undirbúningur undir loftskeytaprófið sem hann tók árið 1968.
Hann sagði okkur einnig fá öðru áhugamáli sínu, sem er flugið. Hann tók flugmannspróf árið 1966 og sýndi okkur m.a. stutta mynd af flugi á svifflugvél sinni. Að lokum fengu viðstaddir að spreyta sig á að senda merki á morsi frá handlyklinum gegnum “morsvélina” frá TF8KY og birtust stafirnir samtímis á tjaldinu.
Sérstakir þakkir til Arngríms fyrir að heimsækja okkur í Skeljanes. Erindið var mjög áhugavert, vel flutt og veitti góða innsýn í umfjöllunarefnið. Hann er hress og spaugsamur og segir afar skemmtilega frá. Það kunnu menn vel að meta og var lengi klappað þegar hann lauk máli sínu. Alls mættu 27 félagar í Skeljanes þetta milda síðsumarkvöld í vesturbænum í Reykjavík. Þakkir til TF3KB og TF3JON fyrir ljósmyndir.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2022-08-20 14:56:412022-08-20 15:27:08ARNGRÍMUR TF5AD FÓR Á KOSTUM
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2022-08-19 15:29:242022-08-19 15:29:27HEIMASÍÐA ÍRA ER KOMIN Í LAG
Tveir íslenskir vitar höfðu verið skráðir í dag, 19. ágúst. Það eru Knarrarósviti (IS-0001) austan við Stokkseyri og Garðskagaviti (IS-0002) á Reykjanesi.
Svanur Hjálmarsson, TF3AB mun virkja Knarrarósvita á HF og Ari Þórólfur Jóhannesson, TF1A um QO-100 gervihnöttinn.
Á sunnudag mun Ari Þórólfur flytja sig um set og virkja Garðskagavita (einnig um QO-100).
Bestu þakkir til þeirra Svans og Ara Þórólfs fyrir fyrir gott framtak.
Fundur Scandinavian Young Lady Radio Amateurs (SYLRA) 2022, fer fram í borginni Turku í Finnlandi dagana 18.-21. ágúst.
Búist var við um 30 YL‘s á fundinn, auk kvenamatöra frá öðrum Evrópulöndum. Íslensku fulltrúarnir eru þær Anna Henriksdóttir, TF3VB og Vala Dröfn Hauksdóttir, TF3VD.
Þátttakendur áforma að virkja kallmerkið OH1SYL dagana 21.-23. ágúst frá Katanpaa eyju, IOTA EU-096. QSL via OH1KIZ.
Arngrímur Jóhannsson, TF5AD verður sérstakur gestur ÍRA í Skeljanesi fimmtudaginn 18. ágúst.
Hann mun flytja stuttan inngang kl. 20:30 og kynna heimildarmynd sem er í vinnslu fyrir sjónvarp um flutning Sinfóníuhljómsveitar Norðurlands og hans á sinfóníunni SOS eftir Jón Hlöðver Áskelsson. Verkið var flutt í menningarhúsinu Hofi á Akureyri í febrúar s.l. Arngrímur hefur í hyggju að færa ÍRA eintak þegar myndin verður fullkláruð.
Þess má geta að Hrafnkell Sigurðsson, TF8KY smíðaði tækið sem þýðir morsmerkin sem Arngrímur sendi frá morslykli og birtust á “rúllandi” textaskjá samhliða flutningi verksins.
Þakkir til Arngríms Jóhannssonar, TF5AD og til Sigurðar Harðarsonar, TF3WS sem hefur verið í sambandi við Arngrím og hafði milligöngu við Hrafnkel Sigurðsson, TF8KY um smíði tækisins sem notað var við flutning verksins.
Alþjóðlega vita- og vitaskipahelgin er nú um helgina, 20.-21. ágúst. Einn íslenskur viti hafði verið skráður á heimasíðu viðburðarins í hádeginu í dag (15. ágúst). Það er Knarrarósviti (IS-0001) sem er staðsettur austan við Stokkseyri.
Svanur Hjálmarsson, TF3AB mun virkja kallmerkið TF1IRA um helgina.
Hann hlakkar til að sjá sem flesta félaga á staðnum og nefnir, að menn geti komið með eigin tæki og búnað og tengt við rafmagn og loftnet þar á staðnum. Svanur er með GSM númerið 837-9000 ef menn hafa fyrirspurnir.
Mathías Hagvaag, TF3MH QSL stjóri kortastofu ÍRA lauk við árlega uppfærslu á merkingum QSL hólfa stofunnar sunnudaginn 14. ágúst.
Mathías sagði, að nú væru 140 félagar með merkt hólf fyrir innkomin QSL kort. Þar sem nýlega hafi bæst við fjöldi nýrra leyfishafa kvaðst hann vilja benda á að nýtt kallmerki fái sérmerkt hólf um leið og kort byrja að berast. Eftir að samband er haft, megi gera ráð fyrir að fyrstu kortin taki að berast um bureau‘ið 6-18 mánuðum síðar.
Mathías nefndi, að félagsmenn geti gengið að því sem vísu þegar þeir koma í félagsaðstöðuna á fimmtudagskvöldi, að ný kort bíði á staðnum – að því gefnu að kort hafi borist daginn áður. En vitjað er um kortasendingar erlendis frá í pósthóf ÍRA sérhvern miðvikudag og eru sendingar flokkaðar sama dag.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2022-08-13 16:42:442022-08-13 16:46:22HEIMASÍÐA ÍRA ER Í ÓLAGI