Fjarskiptahópur Björgunarsveitar Hafnarfjarðar

Núna á fimmtudaginn fimmtánda maí ætlar Ingólfur Haraldsson radíóamatör og starfsmaður Neyðarlínunnar að koma í Skeljanes og segja frá Fjarskiptahópi Björgunarsveitar Hafnarfjarðar. Hópurinn hefur verið til í um áratug og er útbúinn til að sinna með stuttum fyrirvara beiðnum um að koma upp fjarskiptum með ýmsu móti hvar sem er á jarðarkringlunni. Hópurinn hefur tekið þátt í nokkrum slíkum atburðum á undanförnum árum og er virkilega áhugavert og aðdáunarvert hversu færir þeir eru. Flestir ef ekki allir í hópnum eru radíóamatörar og eru með búnað til HF fjarskipta á öllum amatörböndum. Ingólfur ætlar að mæta klukkan átta á fimmtudagskvöld og kynningin hefst klukkan 8:15. Ef þið hafið áhuga á sjá og heyra hvernig á að gera hlutina þá er tilvalið að koma og fræðast af Ingólfi.

heimasíða sveitarinnar er: http://www.spori.is/

http://www.wirelesscommunication.nl/