Gervihnattafjarskipti frá TF3IRA á laugardegi
![](http://www.ira.is/wp-content/uploads/2017/07/17.-nóvember-2012-007.jpg)
Ari Þórólfur Jóhannesson TF3ARI í sambandi frá TF3IRA um VUsat Oscar 52 (Hamsat) gervitunglið.
Ari Þórólfur Jóhannesson, TF3ARI og Benedikt Guðnason, TF3TNT, leiðbeindu og voru með sýnikennslu á hraðnámskeiði í fjarskiptum um gervitungl radíóamatöra frá félagsstöðinni, TF3IRA, í Skeljanesi, laugardaginn 17. nóvember.
Sambönd náðust í gegnum AMSAT Oscar 7, Fuji Oscar 29 (Jas 2), VUsat Oscar 50 og Saudi Oscar 52. Af þessum fjórum gervihnöttum er sent á þá alla á 70 cm og hlustað á 2 metrum, nema AMSAT Oscar 7, þar sem sent er á 2 metrum ogh hlustað á 70 cm. Flest samböndin voru höfð á SSB, nema á Oscar 50, þar sem notuð var tíðnimótun (FM). Að þessu sinni náðust ekki sambönd á morsi. Viðburðurinn var afar fróðlegur og vel heppnaður. Alls mættu 11 félagar í Skeljanes þennan sólríka laugardag.
Stjórn Í.R.A. þakkar þeim Ara Þórólfi Jóhannessyni, TF3ARI og Benedikt Guðnasyni, TF3TNT, fyrir áhugavert og vel heppnað námskeið og TF3JB og TF3SB fyrir meðfylgjandi ljósmyndir.
![](http://www.ira.is/wp-content/uploads/2017/07/DSC02374_sml.jpg)
Slegið var á létta strengi á meðan beðið var næsta gervihnattar. Frá vinstri: Benedikt Guðnason TF3TNT, Ari Þórólfur Jóhannesson TF3ARI, Brynjólfur Jónsson TF5B og Mathías Hagvaag TF3-Ø35.
![](http://www.ira.is/wp-content/uploads/2017/07/17.-nóvember-2012-017.jpg)
Næsti gervihnöttur kominn. Frá vinstri: Benedikt Guðnason TF3TNT, Ari Þórólfur Jóhannesson TF3ARI, Jón Þ. Jónsson TF3JA, Vilhjálmur Ívar Sigurjónsson TF3VS og Sigurbjörn Þór Bjarnason TF3SB.
![](http://www.ira.is/wp-content/uploads/2017/07/17.-nóvember-2012-021.jpg)
Upplýsingar um gervihnetti í boði á milli kl. 16 og 19 laugardaginn 17. nóvember.
![](http://www.ira.is/wp-content/uploads/2017/07/DSC02381_smll.jpg)
Ari Þór Jóhannesson TF3ARI og Brynjólfur Jónsson TF5B skeggræða um gervihnattafjarskiptin.
Leave a Reply
Want to join the discussion?Feel free to contribute!