Kristinn TF3KX verður með fimmtudagserindið

Kristinn Andersen, TF3KX.

Næsta erindi á vetrardagskrá félagsins verður haldið í félagsaðstöðunni fimmtudaginn 8. mars n.k. Þá kemur Kristinn Andersen, TF3KX í Skeljanesið og nefnist erindi hans: QRP kvöld; heimasmíði og notkun QRP senda.

Kristinn mun bæði hafa til sýnis heimasmíðaða QRP senda og keypta, m.a. frá Elecraft. Hann bendir á að það gæti verið skemmtilegt að félagsmenn sem eiga QRP tæki (heimasmíðuð og önnur) taki þau með sér á fimmtudagskvöld.

Erindið hefst stundvíslega kl. 20:30 og hvetur stjórn Í.R.A. félagsmenn til að mæta tímanlega. Kaffiveitingar verða í boði félagssjóðs.