OPIÐ HÚS HJÁ ÍRA 11. NÓVEMBER

Opið hús verður í félagsaðstöðu ÍRA í Skeljanesi fimmtudaginn 11. nóvember fyrir félagsmenn og gesti kl. 20-22. Fjarskiptaherbergi TF3IRA og QSL stofa á 2. hæð verða opin.

Kaffiveitingar verða í fundarsal og nýjustu tímaritin liggja frammi. QSL stjóri verður búinn að flokka nýjustu kortasendingarnar.

Til stendur að prófa að koma á sambandi frá Skeljanesi gegnum samskiptaforrit fyrir þá sem ekki eiga heimangengt eða búa úti á landi. Nánari upplýsingar fljótlega.

Vegna Covid-19 er þess farið á leit, að félagar sem hafa hug á að mæta í Skeljanes fresti því ef þeir kenna lasleika af einhverju tagi, af virðingu við aðra.

Verið velkomin í Skeljanes!

Stjórn ÍRA.