OPIÐ VAR Í SKELJANESI 23. FEBRÚAR

Félagsaðstaðan í Skeljanesi var opin fimmtudaginn 23. febrúar.

Sérstakir gestir okkar voru þeir Arngrímur Jóhannsson, TF5AD frá Akureyri og James P. Kooistra, KB8VUC sem er búsettur Wayland í Michiganríki í Bandaríkjunum.

Góð mæting, umræður á báðum hæðum, menn hressir og TF3IRA var QRV á 20M SSB.

Mikið var rætt um HF stöðvar og nýjar VHF/UHF stöðvar. M.a. Elecraft K4D, FlexRadio 6600, Anan 8000DLE MK II og nýju Yaesu FTM-500DR bílstöðina. James, KB8VUC sagði okkur m.a. frá klúbbstarfsemi radíóamatöra á því svæði sem hann býr í Michigan.

Alls mættu 30 félagar og 2 gestir í Skeljanes þetta ágæta fimmtudagskvöld á Góu í mildu veðri í vesturbænum í Reykjavík.

Stjórn ÍRA.