CQ World-Wide SSB keppnin 2012 verður haldin um næstu helgi, dagana 27.-28. október. Keppnin er 48 klst. keppni og hefst kl. 00:00 á laugardag og lýkur kl. 23:59 á sunnudag. CQ World-Wide fer fram á öllum böndum, þ.e. 160, 80, 40, 20, 15 og 10 metrum. Í boði eru fjölmargir keppnisriðlar, bæði fyrir einmennings og fleirmenningsþáttöku (sjá reglur). Í keppninni eru skilaboðin: RS + CQ svæði (e. zone), t.d. 59-40.
Þátttaka var mjög góð frá TF í fyrra (2011) og sendu alls 11 stöðvar inn keppnisdagbækur. Sigurður R. Jakobsson, TF3CW, náði afburðaárangi í sínum keppnisflokki og varð í 1. sæti yfir Evrópu og handhafi Evrópubikarsins. Þessi niðurstaða tryggði honum jafnframt 3. sæti yfir heiminn; bronsverðlaunin. Keppnin er stærsta alþjóðlega keppni ársins á tali og eru þátttakendur tugir þúsunda um allan heim. Félagsmenn eru hvattir til að taka þátt í keppninni.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2012-10-24 23:30:252017-07-18 23:31:39CQ WW SSB keppnin 2012 er um helgina
Ágætt úrval var af 100W HF sendi-/móttökustöðvum á flóamarkaðnum, m.a. frá Kenwood og Yaesu.
Flóamarkaður Í.R.A. fór fram sunnudaginn 21. október í félagsaðstöðunni í Skeljanesi. Metaðsókn var, en alls komu 46 félagar og gestir á staðinn. Húsið var opið frá hádegi til kl. 16. Framboð var ágætt, m.a. Kenwood TS-140S HF stöð ásamt PS-430 aflgjafa, Yaesu FT-847 HF stöð ásamt FT-20 loftnetsaðlögunarrás, Yaesu FT-900 HF stöð, Yaesu FT-107M HF stöð með FV-107 VFO, FP-107E sambyggðum aflgjafa/hátalara og FC-107 sambyggðri loftnetsaðlögunarrás/loftnetaskipti, nokkrar Yaesu FT-180A stöðvar, Yaesu FRG-7000viðtæki, Alinco DM-330MVT 30A aflgjafi, mikið magn af eldri VHF og UHF stöðvum, smíðaefni, íhlutir, kassar til smíða, mælitæki og margs konar aukahlutir (m.a. frá MFJ og Yaesu), auk loftneta fyrir HF VHF og UHF böndin frá Diamond, M2, Cushcraft og WiMO. Þá var ágætt framboð af tölvum, lyklaborðum og LCD tölvuskjám. Hápunktur dagsins var uppboð á dýrari hlutum og búnaði sem haldið var stundvíslega kl. 14 og annaðist Vilhjálmur Í. Sigurjónsson, TF3VS, það af einskærri snilld. Alls voru 15 “númer” á uppboðinu og sala með ágætum. Óhætt er að fullyrða að þeir sem gerðu viðskipti á flóamarkaðnum hafi undantekningarlaust gert góð kaup. Hér á eftir fylgja nokkrar ljósmyndir.
Einar Ívar Eiríksson TF3ZE skoðar Yaesu FT-847 og Yaesu FC-20 loftnetsaðlögunarrás sem fylgdi með.
Uppboð í gangi. Frá vinstri: Guðmundur Ingi Hjálmtýsson TF3IG, Ægir Þór Ólafsson TF2CT, Ársæll Óskarsson TF3AO, Benedikt Guðnason TF3TNT, Guðmundur Sveinsson TF3SG og Stefán Arndal TF3SA.
Uppboð í gangi. Frá vinstri: Sigurður Óskar Óskarsson TF2WIN, Gunnar Svanur Hjálmarsson TF3FIN og Svanur yngri, Sveinn Bragi Sveinsson TF3SNN, Baldvin Þórarinsson TF3-Ø33, Garibaldi Sveinsson og Sæmundur E. Þorsteinsson TF3UA.
Sigurður Óskar Óskarsson TF2WIN gerði góð kaup á flóamarkaðnum í tölvu, lyklaborði, skjá og mús.
Margt áhugavert var í boði. Frá vinstri: Stefán Arndal TF3SA, Jón Ingvar Óskarsson TF1JI, Ari Þórólfur Jóhannesson TF3ARI og Benedikt Sveinsson TF3CY.
Piotr Brzozowski TF3PLN og Hans Konrad Kristjánsson TF3FG sögðust hafa gert mjög góð viðskpti.
Höskuldur Elíasson TF3RF og Stefán Þórhallsson TF3S voru ekki að leita að neinu sérstöku, en sögðu engu að síður margt áhugavert vera í boði á flóamarkaðnum þetta árið.
TF3ARI og TF3TNT leiðbeindu og voru með sýnikennslu á hraðnámskeiði í gervihnattafjarskiptum.
Laugardagurinn 20. október var afkastamikill í Skeljanesi. Eftirfarandi fór fram: Hraðnámskeið/sýnikennsla frá TF3IRA í fjarskiptum um gervitungl, uppsetning nýs stangarloftnets fyrir TF3IRA, undirbúningur fyrir flóamarkað Í.R.A. á sunnudag og tiltekt á lóðinni við húsið. Dagurinn leið fljótt og allt saman gekk skínandi vel.
Ari Þórólfur Jóhannesson, TF3ARI og Benedikt Guðnason, TF3TNT, leiðbeindu og voru með sýnikennslu á hraðnámskeiði í fjarskiptum um gervitungl radíóamatöra frá félagsstöðinni, TF3IRA. Viðburðurinn var afar fróðlegur og vel heppnaður þrátt fyrir nokkra byrjunarörðugleika. Félgsstöðin er mjög vel búin til þessara fjarskipta sem sýndi sig í þeim samböndum sem höfð voru. Menn tóku almennt undir umsögn eins viðstaddra sem sagði í lok námskeiðsins: „Ég hef lært mikið í dag”. Ekki reyndist unnt að keyra Nova „tracking” forritið sem keypt var fyrir stöðina nýlega, en fram kom hjá leiðbeinendum að menn þurfi meiri tíma til að kynna sér
eiginleika þess. Námskeiðið verður endurtekið þann 17. nóvember n.k.
Baldvin Þórarinsson TF3-Ø33 og Sigurður R. Jakobsson TF3CW ganga frá festingu nýja Butternut HF6V loftnetsins.
Sigurður R. Jakobsson, TF3CW, færði félaginu nýlega að gjöf Butternut HF6V stangarloftnet sem er 6 banda loftnet fyrir 80, 40, 30, 20, 15 og 10 metra böndin. Loftnetið var sett upp laugardaginn 20. október og annaðist Sigurður uppsetningu þess með aðstoð Baldvins Þórarinssonar, TF3-Ø33. Nýja loftnetið var þegar tekið í notkun fyrir TF3IRA í stað eldra stangarloftnets sem tekið var niður vegna bilunar.
Stjórn Í.R.A. þakkar Sigurði rausnarlega gjöf og þeim Baldvin fyrir vinnuna við uppsetningu loftnetsins.
Jón Óskarsson TF1JI aðstoðar við undirbúning flóamarkaðarins ásamt Benedikt Guðnasyni TF3TNT.
Ætíð er nokkur vinna við undirbúning árlegs flóamarkaðar félagins, sem að þessu sinni var haldinn sunnudaginn 21. október. Degi fyrr (laugardaginn 20. október) mætti vaskur hópur í Skeljanes til undirbúnings félagsaðstöðunnar. Uppröðun fór þannig fram, að í fundarsal voru sett upp söluborð fyrir dót á vegum félagsins og aðstaða fyrir félagsmenn sem komu með dót til sölu. Við gönguleið inn í húsið var þeim búnaði síðan komið fyrir (til beggja handa) sem var gefins til félagsmanna. Undirbúningi var að mestu lokið laust fyrir kl. 19 á laugardag.
Lóðin milli hússins og bárujárnsveggjarins sem snýr út að götunni hefur nú að mestu verið hreinsuð.
Guðmundur Sveinsson, TF3SG, hefur unnið stórvirki hvað varðar færslu turneininganna sem voru á milli hússins og bárujárnsveggjarins við götuna. Verkefnið tók rúma þrjá daga og var því lokið að mestu á laugardagsmorguninn þegar Baldvin Þórarinsson, TF3-Ø33, kom til aðstoðar.
Stjórn Í.R.A. þakkar Guðmundi Sveinssyni, TF3SG, fyrir þetta góða framlag.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2012-10-22 23:23:292017-07-18 23:26:24Námskeið, nýtt loftnet og margt fleira í Skeljanesi
Ólafur B. Ólafsson TF3ML flutti áhugavert erindi í félagsaðstöðunni í Skeljanesi þann 18. október.
Fimmtudagserindið þann 18. október var í höndum Ólafs Björns Ólafssonar, TF3ML og nefndist það: Að smíða færanlegt fjarskiptavirki. Erindi Ólafs var skilmerkilega flutt og fróðlegt og leiddi hann viðstadda í líflegri frásögn í gegnum það verkefni, að festa kaup á, innrétta og útbúa 12 tonna vöruflutningabifreið sem
færanlegt fjarskiptarými.
Ólafur skýrði jafnframt, hvernig hann náði að kaupa sérbúinn 4 tonna vagn sem er tengdur aftan í vörubifreiðina með áföstum turni sem hækka má í allt að 28 metra hæð yfir jörðu. Hönnun fjarskiptavirkisins, þ.m.t. innrétting kassa vörubifreiðarinnar og breytingar á loftnetsvagninum, tóku alls tæpt ár. Fjarskiptavirkið var síðan tekið í notkun um páskana í ár.
Á þeim tíma sem síðan er liðinn, hefur Ólafur farið í 10 leiðangra á bifreiðinni, á jafn ólíka staði og upp á Bolafjall við Bolungavík, til Stórhöfða í Vestmannaeyjum og Hafnar í Honafirði. Í erindinu kom fram, að fjárhagsáætlun fyrir verkefnið var 20 milljónir króna. Tæplega þrír tugir félagsmanna mættu í félagsaðstöðuna í Skeljanesi þetta fimmtudagskvöld og hlýddu á erindið.
Stjórn Í.R.A. þakkar Ólafi B. Ólafssyni, TF3ML, fyrir áhugavert og vel heppnað erindi.
Ólafur sýndi myndir frá ferðum sínum innanlands á árinu, m.a. frá ferð upp á Bolafjall við Bolungavík.
Glæsilegt fjarskiptavirki TF3ML var til sýnis fyrir félagsmenn Í.R.A. á Alþjóðlegu vita- og vitaskipahelginni á Garðskaga dagana 17.-19. ágúst s.l.
Verklegur turninn getur náð allt að 28 metra hæð. Turninn sjálfur er úr áli, en vagninn er úr stáli og vegur um 4 tonn. Í vagninum er 4 kW rafstöð sem knýr og hleður rafgeyma til stýringar á spili og rótorbúnaði. Vagninn var framleiddur árið 1999 fyrir þýska herinn.
TF3SA í loftinu á morsi sem TF8IRA í fjarskiptabifreið TF3ML. Stefán var mjög hrifinn af aðstöðunni.
Nýr starfshópur. Kristján Benediktsson TF3KB, Yngvi Harðarson TF3Y formaður starfshópsins, Jónas Bjarnason TF3JB (gestur á fundinum) og Vilhjálmur Þór Kjartansson TF3DX. Ljósmynd: Sölvi Tryggvason.
Fyrsti fundur starfshóps sem skipaður var af stjórn Í.R.A. þann 17. f.m. til að gera tillögur um stefnumótun félagsins hvað varðar fjaraðgang, að teknu tilliti til alþjóðlegrar leiðsagnar sem er til mótunar um þessar mundir, var haldinn í Reykjavík þann 16. október s.l.
Fundinn sátu: Yngvi Harðarson, TF3Y, formaður starfshópsins (kjörinn til embættis á fundinum); KristjánBenediktsson, TF3KB og Vilhjálmur Þór Kjartansson, TF3DX. Jónas Bjarnason, TF3JB, formaður Í.R.A. sat einnig fundinn og kom m.a. fram í inngangsræðu hans, að vegna eðlis verkefnisins, er starfshópnum ekki settar sérstakar tímaskorður í vinnu sinni, en jákvætt er að hópurinn annist kynningu á umfjöllunarefni sínu á aðalfundi félagsins sem haldinn verður í maí 2013. Formaður gat þess að lokum, að stjórn félagsins vænti mikils af störfum hópsins og óskaði hann viðstöddum góðs gengis í vinnu sinni.
Nánar er vísað í umfjöllun í 4. tbl. CQ TF 2012, sem væntanlegt er fyrir lok mánaðarins.
TF2WIN gerði góð kaup í þessu stuttbylgjuviðtæki á flóamarkaði félagsins.
Flóamarkaður Í.R.A. 2012 verður haldinn í félagsaðstöðunni sunnudaginn 21. október, á milli kl. 13-15. Vilhjálmur Ívar Sigurjónsson, TF3VS, mun stjórna sérstöku haustuppboði sem hefst kl. 14:00 stundvíslega.
Húsið verður opnað nokkru fyrr, eða kl. 12:00 fyrir þá félaga sem óska að selja/gefa stöðvar og/eða búnað, þannig að þeir hafi rúman tíma til að stilla dóti sínu upp.
Verulegt magn af dóti er í boði gefins fyrir félagsmenn Í.R.A. að þessu sinni og hefur því verið raðað upp við gönguleið í inngangssal á 1. hæð (sjá myndir). Þetta dót verður aukið að magni fyrir sunnudaginn.
Stjón Í.R.A. hvetur félagsmenn til að koma í Skeljanes á sunnudag og gera góð kaup.
Þessi fallega lína frá Yaesu, FT-107M, er meðal tækja sem boðin verða upp á sunnudag.
Nokkrar Yaesu FT-180A 100W stöðvar verða boðnar upp. Þær eru fyrir tíðnisviðið 1,6-18 MHz, SSB/AM.
Flóamarkaðurinn undirbúinn; dót fært úr geymslum félagsins. TF3TNT, TF3EE og TF3BJ.
Verulegur hluti dótsins var gefinn félaginu um s.l. páska og er nú gefins til félaganna. TF3SB skoðar.
Mikið af dótinu sem verður í boði gefins frá félaginu er vel nýtanlegt og heillegt.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2012-10-19 22:56:152017-07-18 22:58:26Flóamarkaður Í.R.A. verður á sunnudag
Næsti viðburður á vetrardagskrá félagsins fer fram í Skeljanesi laugardaginn 20. október kl. 16-19. Þá munu þeir Ari Þórólfur Jóhannesson, TF3ARI og Benedikt Guðnason, TF3TNT, verða með kynningu á því hvernig DX-sambönd um gervitungl fara fram.
Þetta er spennandi viðburður, m.a. í ljósi þess að TF3IRA er nú að fullu QRV til fjarskipta af þessu tagi, en á laugardag verður tekið í notkun nýtt “tracking” forrit frá Northern Lights Software Associates (NLSA),Nova for Windows; útgáfa 2.2c, sem er vinsælasta forritið af þessari tegund í heiminum í dag.
Stjórn Í.R.A. hvetur félagsmenn sem hafa í hyggju að koma sér upp búnaði til gervihnattafjarskipta eða hafa áhuga á fjarskiptum af þessu tagi, að láta þennan viðburð ekki fram hjá sér fara.
Myndin er af VHF og UHF loftnetum TF3IRA sem eru notuð til fjarskipta um gervihnetti ásamt öðrum búnaði stöðvarinnar. Formagnararnir eru í ljósa kassanum fyrir neðan rótorinn. Ljósmynd: Jón Svavarsson, TF3LMN.
Gervihnattabúnaður TF3IRA.
(1) VHF/UHF hringpóluð Yagi loftnet frá M2. VHF loftnetið er af 2MCP14 gerð; 14 staka með 10.2 dBdc ávinningi. UHF loftnetið er af 436CP30 gerð; 30 staka með 14.15 dBdc ávinningi. (2) Rótor er frá Yaesu af G-5400B gerð, sambyggður fyrir lóðréttar og láréttar stillingar. Með honum fylgir fjölstillikassi (e. Elevation Azimuth Dual Controller) stýranlegur frá tölvu. (3) VHF og UHF formagnarar eru frá SSB-Electronic GmbH. Mögnun er 20 dB/0,8 dB suðhlutfall á VHF og 20 dB/0,9 dB suðhlutfall á UHF. (4) Kenwood TS-2000 sendi-/móttökustöð félagsins er notuð til fjarskipta um gervitungl. Hún er 100W á 144-146 MHz og 50W á 430-440 MHz.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2012-10-17 22:52:542017-07-18 22:55:46Fjarskipti um gervitungl á laugardag
Næsta erindi á vetrardagskrá félagsins að þessu sinni, verður haldið fimmtudaginn 18. október n.k. Þá mætir Ólafur B. Ólafsson, TF3ML, í Skeljanes með erindi sitt: „Að smíða færanlegt fjarskiptavirki”.
Eins og kunnugt er, lauk Ólafur við smíði sérstakrar fjarskiptabifreiðar fyrr á þessu ári. Bifreiðinni fylgir sérhönnuð kerra með áföstum loftnetsturni sem reisa má í allt að 28 metra hæð. Búnaðurinn var til sýnis á árlegum viðburði Í.R.A. í tengslum við Alþjóðlegu vita- og vitaskipahelgina sem haldinn var við Garðskagavita,
18.-19. ágúst s.l. Þá veitti Ólafur félaginu liðsstyrk með láni á búnaðinum til félagsstöðvarinnar í SAC SSB keppninni um síðustu helgi.
Stjórn Í.R.A. hvetur félagsmenn að mæta tímalega. Erindið hefst stundvíslega kl. 20:30. Kaffiveitingar.
Mynd frá Alþjóðlegu vita- og vitaskipahelginni 2012 á Garðskaga. Fjarskiptabifreið TF3ML og loftnetsturn í forgrunni. Turninn var reistur í 25 metra hæð.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2012-10-16 22:48:062017-07-18 22:49:44Ólafur TF3ML verður með fimmtudagserindið
Sigurður R. Jakobsson TF3CW við stjórnvölinn á TF3W laugardaginn 13. október. Ljósmynd: TF3SA.
Sigurður R. Jakobsson, TF3CW, virkjaði félagsstöðina, TF3W, í Scandinavian Activity SSB keppninni helgina 13.-14. október. Vel var staðið að undirbúningi stöðvarinnar fyrir keppnina og komu margir að því verki. Þrátt fyrir afar erfið skilyrði náði Sigurður að hafa 1040 QSO; nánast einvörðungu á 14 MHz. Mestan hluta keppnistímans stóð “aurora” gildið í 10 og K-gildið í rúmlega 6, en vísun yfir 5 er flokkuð sem segulstormur.
Vel var staðið að undirbúningi keppninnar sem tók meira og minna alla síðustu viku. Auk SteppIR 3E Yagi loftnets félagsins á 14 MHz, 21 MHz og 28 MHz, munaði mest um færanlegt fjarskiptavirki Ólafs B. Ólafssonar, TF3ML, sem hann flutti á staðinn á fimmtudag. Ólafur setti upp OptiBeam OB-5 einsbandsloftnet á færanlega turninn, sem er 5 staka Yagi á 14 MHz með 15,7 dBi ávinning. Alvöru loftnet með 15,1 metra langri bómu og nær 90 kg að þyngd (eftir styrkingar). Á föstudagsmorgun var skotbómukrani síðan fluttur í Skeljanes. Hann var útbúinn með Cushcraft 2 staka Yagi loftneti á 7 MHz sem er í eigu Sigurðar. Síðar sama dag var sett upp Fritzel V-loftnet á hvolfi í eigu Ólafs fyrir 3,7 MHz. (Til skýringar: Ekki þurfti að hugsa um 160 metrana, þar sem SAC keppnirnar fara ekki fram á því bandi).
Stjórn Í.R.A. óskar Sigurði R. Jakobssyni, TF3CW, til hamingju með þann árangur sem þó náðist miðað afar erfið skilyrði. Sérstakar þakkir til Ólafs B. Ólafssonar, TF3ML, sem veitti félaginu ómetanlegan liðsstyrk með láni á búnaði og persónulegri aðkomu að undirbúningi stöðvarinnar. Það sama á við aðra félagsmenn sem veittu verkefninu aðstoð á einn eða annan hátt. Hér á eftir eru birtar nokkrar ljósmyndir til fróðleiks.
Skeljanes að morgni 14. október. Yagi loftnetin þrjú, frá OptiBeam, Cushcraft og SteppIR settu óneitanlega skemmtilegan svip á félagsaðstöðuna í Skeljanesi.
TF3IG, TF3CW og TF3ML koma færanlegum loftnetsturni Ólafs fyrir í rigningunni s.l. fimmtudag í portinu á bak við félagsaðstöðuna í Skeljanesi.
Turninn gerður klár fyrir fyrstu hífingu. TF3CW, TF3ML, og TF3IG tryggja að “fætur/stoðir” turnsins hafi viðunandi viðspyrnu.
TF3IG fer síðustu yfirferð yfir stillingar “fóta/stoða” turnsins fyrir hífingu.
Stóra OptiBeam Yagi loftnetið virkar næstum því viðráðanlegt komið í fulla hæð.
Skotbómukraninn kom í Skeljanes á flutningavagni á föstudagsmorgun. TF3CW fylgist með.
Rótorbúrið “monterað” á körfuna á skotbónukrananum. TF3CW og TF3-Ø33 við undirbúning.
TF3-Ø33, TF3CW og TF3ML við frágang á rótorbúrinu fyrir Cushcraft 7 MHz Yagi loftnetið.
Allt klárt. 7 MHz Yagi’nn kominn saman og kraninn kominn í fulla hæð (18 metra).
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2012-10-14 22:43:452017-07-18 22:47:52Erfið skilyrði í SAC SSB keppninni um helgina
Vilhjálmur Þór Kjartansson TF3DX með ágrafinn verðlaunaskjöld sem sigurvegari í TF útileikunum 2012 og tilheyrandi viðurkenningarskjal, ásamt viðurkenningarskjali fyrir Guðrúnu Hannesdóttur TF3GD (XYL TF3DX) sem einnig tók þátt í útileikunum. Ljósmynd: TF3LMN.
Guðmundur Löve, TF3GL, umsjónarmaður VHF leikanna og Bjarni Sverrisson, TF3GB,umsjónarmaður TF útileikanna, kynntu úrslit í hvorum viðburði fyrir sig í félagsaðstöðunni við Skeljanes fimmtudaginn 4. október s.l. Sigurvegarar voru afgerandi í báðum viðburðum, annars vegar Ólafur B. Ólafsson, TF3ML, í VHF leikunum og hins vegar Vilhjálmur Þór Vilhjálmsson, TF3DX, í TF útileikunum.
Fram kom hjá TF3GL, að þátttakan í VHF leikunum hafi farið fram á fimm mismunandi tíðnisviðum, þ.e. 50 MHz, 70 MHz, 144 MHz, 430 MHz og 1,2 GHz. Hann sýndi áhugaverðar Power Point glærur með upplýsingum úr leikunum, m.a. yfirlit yfir lengstu samböndin (sjá mynd neðar). Guðmundur sagði að þátttakan sýndi að VHF leikarnir væru komnir til að vera. TF3BG ræddi nokkuð reglur útileikanna og
ábendingar um hugsanlegar breytingar á þeim. Fram kom hjá þeim félögum, að hvora helgi fyrir sig hafi alls 16 leyfishafar verið QRV, þótt heldur færri hafi skilað inn dagbókum. Kvöldið var vel heppnað og mættu alls 26 félagsmenn á staðinn.
Stjórn Í.R.A. þakkar þeim Guðmundi Löve, TF3GL og Bjarna Sverrissyni, TF3GB, fyrir góð störf og óskar sigurvegurunum, þeim Ólafi B. Ólafssyni, TF3ML og Vilhjálmi Þór Kjartanssyni, TF3DX, innilega til hamingju með árangurinn. Bestu þakkir ennfremur til Brynjólfs Jónssonar, TF5B, sem útbjó viðurkenningaskjöl útileikanna og til Jóns Svavarssonar, TF3LMN, fyrir meðfylgjandi ljósmyndir.
Guðmundur Löve TF3GL kynnir úrslit fyrstu VHF leikanna sem haldnir voru í júlí s.l.
Bjarni Sverrisson TF3GB kynnti úrslit í 32. TF útileikunum sem haldnir voru í ágúst s.l. Á myndinni afhendir hann Vilhjálmi Þór Kjartanssyni TF3DX, sigurvegaranum 2012, ágrafinn verðlaunaskjöld
Áhugaverðar upplýsingar. Sjá m.a. upplýsingar um sambönd yfir 115 km vegalengd á 1,2 GHZ.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2012-10-10 22:36:592017-07-18 22:39:51Úrslit í VHF leikum og TF útileikunum 2012
Næsti viðburður á vetrardagskrá félagsins er stöðutaka í morsi, sem fram fer laugardaginn 13. október kl. 15:00-17:00 í félagsaðstöðu Í.R.A. í Skeljanesi. Stefán Arndal, TF3SA og Guðmundur Sveinsson, TF3SG, annast viðburðinn.
Þeir sem eiga eftir að skrá þátttöku geta sent töluvpóst á Guðmund. Tölvupóstfang
hans er: dn (hjá) hive.is eða hafa samband við hann í síma 896-0814. Líkt og áður
hefur komið fram, er stöðutakan fyrir alla leyfishafa, þ.e. jafnt fyrir þá sem eru rétt
að byrja sem og þá sem lengra eru komnir.
Stjórn Í.R.A. hvetur félagsmenn til að nýta sér þetta tækifæri.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2012-10-09 22:41:242017-07-18 22:43:27Stöðutaka í morsi fer fram á laugardag
Þetta var eins og besta einkakennsla sagði Guðmundur Ingi Hjálmtýsson TF3IG og var mjög ánægður.
Laugardaginn 6. október mætti Vilhjálmur Þór Kjartansson, TF3DX, með hraðnámskeið (sýnikennslu) í Skeljanes fyrir þá félagsmenn sem vildu læra á loftnetsgreininn MFJ-269. Alls mættu 10 félagar í félagsaðstöðuna stundvíslega kl. 10 árdegis. Vilhjálmur Þór hóf dagskrána á vel fram settum fræðilegum inngangi. Hann skeiðaði síðan léttilega í gegnum spurningar viðstaddra og þegar kom að því að sýna notkun MFJ-269 loftnetsgreinisins, voru allir með á getu tækisins.
Sumir höfðu með sér sína eigin loftnetsgreina (TF2WIN). Aðrir sögðust sjá eftir því að hafa ekki tekið sína með sér þegar á staðinn var komið. Fram kom, að það eru ótrúlega fjölbreyttar mælingar sem má gera með þessu tiltölulega ódýra mælitæki.
Áhugavert er að geta þess, að símtöl bárust til stjórnarmanna strax í eftirmiðdaginn í gær og áfram í dag (sunnudag) frá félagsmönnum sem ýmist sögðust hafa gleymt viðburðinum, sofið yfir sig eða verið uppteknir. Sama óskin kom fram hjá þeim öllum: „Hvenær verður þetta endurtekið hjá Villa?” Námskeiðinu lauk laust eftir kl. 13. Frábær dagur og skínandi vel heppnaður!
Taflan var mikið notuð hjá TF3DX og sagðist hann hlakka til þess dags þegar félagið hefði efni á að fjárfesta í 2-3 hvítum tússtöflum til viðbótar við þessa einu sem væri allt of lítil.
Vilhjálmur Þór TF3DX notaði m.a. þetta heimatilbúna 1/4-? GP metrabylgjuloftnet í kennslunni.
Sigurður Óskar Óskarsson TF2WIN sýndi fyrirhyggju og kom með sinn loftnetsgreini á staðinn og sagðist bara ánægður með að sitja aftarlega. Sagði að þar væri meiri ró og næði enda nóteraði hann hjá sér flest af því sem Vilhjálmur Þór sagði.7
Nýjar vínarbrauðslengjurnar frá Björnsbakaríi á Seltjarnarnesi voru heitar úr ofninum þegar þær komu í hús í Skeljanesi. Vart þarf að taka það fram að þær gengu vel út.
CQ WW SSB keppnin 2012 er um helgina
CQ World-Wide SSB keppnin 2012 verður haldin um næstu helgi, dagana 27.-28. október. Keppnin er 48 klst. keppni og hefst kl. 00:00 á laugardag og lýkur kl. 23:59 á sunnudag. CQ World-Wide fer fram á öllum böndum, þ.e. 160, 80, 40, 20, 15 og 10 metrum. Í boði eru fjölmargir keppnisriðlar, bæði fyrir einmennings og fleirmenningsþáttöku (sjá reglur). Í keppninni eru skilaboðin: RS + CQ svæði (e. zone), t.d. 59-40.
Þátttaka var mjög góð frá TF í fyrra (2011) og sendu alls 11 stöðvar inn keppnisdagbækur. Sigurður R. Jakobsson, TF3CW, náði afburðaárangi í sínum keppnisflokki og varð í 1. sæti yfir Evrópu og handhafi Evrópubikarsins. Þessi niðurstaða tryggði honum jafnframt 3. sæti yfir heiminn; bronsverðlaunin. Keppnin er stærsta alþjóðlega keppni ársins á tali og eru þátttakendur tugir þúsunda um allan heim. Félagsmenn eru hvattir til að taka þátt í keppninni.
Sjá keppnisreglur hér: http://www.cqww.com/rules.htm
Heimasíða keppninnar: http://www.cqww.com/
Sigurður R. Jakobsson, TF3CW
Vel heppnaður flóamarkaður í Skeljanesi
Ágætt úrval var af 100W HF sendi-/móttökustöðvum á flóamarkaðnum, m.a. frá Kenwood og Yaesu.
Flóamarkaður Í.R.A. fór fram sunnudaginn 21. október í félagsaðstöðunni í Skeljanesi. Metaðsókn var, en alls komu 46 félagar og gestir á staðinn. Húsið var opið frá hádegi til kl. 16. Framboð var ágætt, m.a. Kenwood TS-140S HF stöð ásamt PS-430 aflgjafa, Yaesu FT-847 HF stöð ásamt FT-20 loftnetsaðlögunarrás, Yaesu FT-900 HF stöð, Yaesu FT-107M HF stöð með FV-107 VFO, FP-107E sambyggðum aflgjafa/hátalara og FC-107 sambyggðri loftnetsaðlögunarrás/loftnetaskipti, nokkrar Yaesu FT-180A stöðvar, Yaesu FRG-7000viðtæki, Alinco DM-330MVT 30A aflgjafi, mikið magn af eldri VHF og UHF stöðvum, smíðaefni, íhlutir, kassar til smíða, mælitæki og margs konar aukahlutir (m.a. frá MFJ og Yaesu), auk loftneta fyrir HF VHF og UHF böndin frá Diamond, M2, Cushcraft og WiMO. Þá var ágætt framboð af tölvum, lyklaborðum og LCD tölvuskjám. Hápunktur dagsins var uppboð á dýrari hlutum og búnaði sem haldið var stundvíslega kl. 14 og annaðist Vilhjálmur Í. Sigurjónsson, TF3VS, það af einskærri snilld. Alls voru 15 “númer” á uppboðinu og sala með ágætum. Óhætt er að fullyrða að þeir sem gerðu viðskipti á flóamarkaðnum hafi undantekningarlaust gert góð kaup. Hér á eftir fylgja nokkrar ljósmyndir.
Einar Ívar Eiríksson TF3ZE skoðar Yaesu FT-847 og Yaesu FC-20 loftnetsaðlögunarrás sem fylgdi með.
Uppboð í gangi. Frá vinstri: Guðmundur Ingi Hjálmtýsson TF3IG, Ægir Þór Ólafsson TF2CT, Ársæll Óskarsson TF3AO, Benedikt Guðnason TF3TNT, Guðmundur Sveinsson TF3SG og Stefán Arndal TF3SA.
Uppboð í gangi. Frá vinstri: Sigurður Óskar Óskarsson TF2WIN, Gunnar Svanur Hjálmarsson TF3FIN og Svanur yngri, Sveinn Bragi Sveinsson TF3SNN, Baldvin Þórarinsson TF3-Ø33, Garibaldi Sveinsson og Sæmundur E. Þorsteinsson TF3UA.
Sigurður Óskar Óskarsson TF2WIN gerði góð kaup á flóamarkaðnum í tölvu, lyklaborði, skjá og mús.
Margt áhugavert var í boði. Frá vinstri: Stefán Arndal TF3SA, Jón Ingvar Óskarsson TF1JI, Ari Þórólfur Jóhannesson TF3ARI og Benedikt Sveinsson TF3CY.
Piotr Brzozowski TF3PLN og Hans Konrad Kristjánsson TF3FG sögðust hafa gert mjög góð viðskpti.
Höskuldur Elíasson TF3RF og Stefán Þórhallsson TF3S voru ekki að leita að neinu sérstöku, en sögðu engu að síður margt áhugavert vera í boði á flóamarkaðnum þetta árið.
Námskeið, nýtt loftnet og margt fleira í Skeljanesi
TF3ARI og TF3TNT leiðbeindu og voru með sýnikennslu á hraðnámskeiði í gervihnattafjarskiptum.
Laugardagurinn 20. október var afkastamikill í Skeljanesi. Eftirfarandi fór fram: Hraðnámskeið/sýnikennsla frá TF3IRA í fjarskiptum um gervitungl, uppsetning nýs stangarloftnets fyrir TF3IRA, undirbúningur fyrir flóamarkað Í.R.A. á sunnudag og tiltekt á lóðinni við húsið. Dagurinn leið fljótt og allt saman gekk skínandi vel.
Ari Þórólfur Jóhannesson, TF3ARI og Benedikt Guðnason, TF3TNT, leiðbeindu og voru með sýnikennslu á hraðnámskeiði í fjarskiptum um gervitungl radíóamatöra frá félagsstöðinni, TF3IRA. Viðburðurinn var afar fróðlegur og vel heppnaður þrátt fyrir nokkra byrjunarörðugleika. Félgsstöðin er mjög vel búin til þessara fjarskipta sem sýndi sig í þeim samböndum sem höfð voru. Menn tóku almennt undir umsögn eins viðstaddra sem sagði í lok námskeiðsins: „Ég hef lært mikið í dag”. Ekki reyndist unnt að keyra Nova „tracking” forritið sem keypt var fyrir stöðina nýlega, en fram kom hjá leiðbeinendum að menn þurfi meiri tíma til að kynna sér
eiginleika þess. Námskeiðið verður endurtekið þann 17. nóvember n.k.
Baldvin Þórarinsson TF3-Ø33 og Sigurður R. Jakobsson TF3CW
ganga frá festingu nýja Butternut HF6V loftnetsins.
Sigurður R. Jakobsson, TF3CW, færði félaginu nýlega að gjöf Butternut HF6V stangarloftnet sem er 6 banda loftnet fyrir 80, 40, 30, 20, 15 og 10 metra böndin. Loftnetið var sett upp laugardaginn 20. október og annaðist Sigurður uppsetningu þess með aðstoð Baldvins Þórarinssonar, TF3-Ø33. Nýja loftnetið var þegar tekið í notkun fyrir TF3IRA í stað eldra stangarloftnets sem tekið var niður vegna bilunar.
Stjórn Í.R.A. þakkar Sigurði rausnarlega gjöf og þeim Baldvin fyrir vinnuna við uppsetningu loftnetsins.
Jón Óskarsson TF1JI aðstoðar við undirbúning flóamarkaðarins ásamt Benedikt Guðnasyni TF3TNT.
Ætíð er nokkur vinna við undirbúning árlegs flóamarkaðar félagins, sem að þessu sinni var haldinn sunnudaginn 21. október. Degi fyrr (laugardaginn 20. október) mætti vaskur hópur í Skeljanes til undirbúnings félagsaðstöðunnar. Uppröðun fór þannig fram, að í fundarsal voru sett upp söluborð fyrir dót á vegum félagsins og aðstaða fyrir félagsmenn sem komu með dót til sölu. Við gönguleið inn í húsið var þeim búnaði síðan komið fyrir (til beggja handa) sem var gefins til félagsmanna. Undirbúningi var að mestu lokið laust fyrir kl. 19 á laugardag.
Lóðin milli hússins og bárujárnsveggjarins sem snýr út að götunni hefur nú að mestu verið hreinsuð.
Guðmundur Sveinsson, TF3SG, hefur unnið stórvirki hvað varðar færslu turneininganna sem voru á milli hússins og bárujárnsveggjarins við götuna. Verkefnið tók rúma þrjá daga og var því lokið að mestu á laugardagsmorguninn þegar Baldvin Þórarinsson, TF3-Ø33, kom til aðstoðar.
Stjórn Í.R.A. þakkar Guðmundi Sveinssyni, TF3SG, fyrir þetta góða framlag.
Ljósmyndir 1, 3 og 4: TF3JB.
Ljósmynd 2: TF3SB.
Vel heppnað fimmtudagserindi TF3ML
Ólafur B. Ólafsson TF3ML flutti áhugavert erindi í félagsaðstöðunni í Skeljanesi þann 18. október.
Fimmtudagserindið þann 18. október var í höndum Ólafs Björns Ólafssonar, TF3ML og nefndist það: Að smíða færanlegt fjarskiptavirki. Erindi Ólafs var skilmerkilega flutt og fróðlegt og leiddi hann viðstadda í líflegri frásögn í gegnum það verkefni, að festa kaup á, innrétta og útbúa 12 tonna vöruflutningabifreið sem
færanlegt fjarskiptarými.
Ólafur skýrði jafnframt, hvernig hann náði að kaupa sérbúinn 4 tonna vagn sem er tengdur aftan í vörubifreiðina með áföstum turni sem hækka má í allt að 28 metra hæð yfir jörðu. Hönnun fjarskiptavirkisins, þ.m.t. innrétting kassa vörubifreiðarinnar og breytingar á loftnetsvagninum, tóku alls tæpt ár. Fjarskiptavirkið var síðan tekið í notkun um páskana í ár.
Á þeim tíma sem síðan er liðinn, hefur Ólafur farið í 10 leiðangra á bifreiðinni, á jafn ólíka staði og upp á Bolafjall við Bolungavík, til Stórhöfða í Vestmannaeyjum og Hafnar í Honafirði. Í erindinu kom fram, að fjárhagsáætlun fyrir verkefnið var 20 milljónir króna. Tæplega þrír tugir félagsmanna mættu í félagsaðstöðuna í Skeljanesi þetta fimmtudagskvöld og hlýddu á erindið.
Stjórn Í.R.A. þakkar Ólafi B. Ólafssyni, TF3ML, fyrir áhugavert og vel heppnað erindi.
Ólafur sýndi myndir frá ferðum sínum innanlands á árinu, m.a. frá ferð upp á Bolafjall við Bolungavík.
Glæsilegt fjarskiptavirki TF3ML var til sýnis fyrir félagsmenn Í.R.A. á Alþjóðlegu vita- og vitaskipahelginni á Garðskaga dagana 17.-19. ágúst s.l.
Verklegur turninn getur náð allt að 28 metra hæð. Turninn sjálfur er úr áli, en vagninn er úr stáli og vegur um 4 tonn. Í vagninum er 4 kW rafstöð sem knýr og hleður rafgeyma til stýringar á spili og rótorbúnaði. Vagninn var framleiddur árið 1999 fyrir þýska herinn.
TF3SA í loftinu á morsi sem TF8IRA í fjarskiptabifreið TF3ML. Stefán var mjög hrifinn af aðstöðunni.
1. fundur starfshóps Í.R.A. um fjaraðgang
Nýr starfshópur. Kristján Benediktsson TF3KB, Yngvi Harðarson TF3Y formaður starfshópsins, Jónas Bjarnason TF3JB (gestur á fundinum) og Vilhjálmur Þór Kjartansson TF3DX. Ljósmynd: Sölvi Tryggvason.
Fyrsti fundur starfshóps sem skipaður var af stjórn Í.R.A. þann 17. f.m. til að gera tillögur um stefnumótun félagsins hvað varðar fjaraðgang, að teknu tilliti til alþjóðlegrar leiðsagnar sem er til mótunar um þessar mundir, var haldinn í Reykjavík þann 16. október s.l.
Fundinn sátu: Yngvi Harðarson, TF3Y, formaður starfshópsins (kjörinn til embættis á fundinum); Kristján Benediktsson, TF3KB og Vilhjálmur Þór Kjartansson, TF3DX. Jónas Bjarnason, TF3JB, formaður Í.R.A. sat einnig fundinn og kom m.a. fram í inngangsræðu hans, að vegna eðlis verkefnisins, er starfshópnum ekki settar sérstakar tímaskorður í vinnu sinni, en jákvætt er að hópurinn annist kynningu á umfjöllunarefni sínu á aðalfundi félagsins sem haldinn verður í maí 2013. Formaður gat þess að lokum, að stjórn félagsins vænti mikils af störfum hópsins og óskaði hann viðstöddum góðs gengis í vinnu sinni.
Nánar er vísað í umfjöllun í 4. tbl. CQ TF 2012, sem væntanlegt er fyrir lok mánaðarins.
Flóamarkaður Í.R.A. verður á sunnudag
TF2WIN gerði góð kaup í þessu stuttbylgjuviðtæki á flóamarkaði félagsins.
Flóamarkaður Í.R.A. 2012 verður haldinn í félagsaðstöðunni sunnudaginn 21. október, á milli kl. 13-15. Vilhjálmur Ívar Sigurjónsson, TF3VS, mun stjórna sérstöku haustuppboði sem hefst kl. 14:00 stundvíslega.
Húsið verður opnað nokkru fyrr, eða kl. 12:00 fyrir þá félaga sem óska að selja/gefa stöðvar og/eða búnað, þannig að þeir hafi rúman tíma til að stilla dóti sínu upp.
Verulegt magn af dóti er í boði gefins fyrir félagsmenn Í.R.A. að þessu sinni og hefur því verið raðað upp við gönguleið í inngangssal á 1. hæð (sjá myndir). Þetta dót verður aukið að magni fyrir sunnudaginn.
Stjón Í.R.A. hvetur félagsmenn til að koma í Skeljanes á sunnudag og gera góð kaup.
Þessi fallega lína frá Yaesu, FT-107M, er meðal tækja sem boðin verða upp á sunnudag.
Nokkrar Yaesu FT-180A 100W stöðvar verða boðnar upp. Þær eru fyrir tíðnisviðið 1,6-18 MHz, SSB/AM.
Flóamarkaðurinn undirbúinn; dót fært úr geymslum félagsins. TF3TNT, TF3EE og TF3BJ.
Verulegur hluti dótsins var gefinn félaginu um s.l. páska og er nú gefins til félaganna. TF3SB skoðar.
Mikið af dótinu sem verður í boði gefins frá félaginu er vel nýtanlegt og heillegt.
Fjarskipti um gervitungl á laugardag
Ari Þ. Jóhannesson, TF3ARI
Benedikt Guðnason, TF3TNT
Næsti viðburður á vetrardagskrá félagsins fer fram í Skeljanesi laugardaginn 20. október kl. 16-19. Þá munu þeir Ari Þórólfur Jóhannesson, TF3ARI og Benedikt Guðnason, TF3TNT, verða með kynningu á því hvernig DX-sambönd um gervitungl fara fram.
Þetta er spennandi viðburður, m.a. í ljósi þess að TF3IRA er nú að fullu QRV til fjarskipta af þessu tagi, en á laugardag verður tekið í notkun nýtt “tracking” forrit frá Northern Lights Software Associates (NLSA), Nova for Windows; útgáfa 2.2c, sem er vinsælasta forritið af þessari tegund í heiminum í dag.
Stjórn Í.R.A. hvetur félagsmenn sem hafa í hyggju að koma sér upp búnaði til gervihnattafjarskipta eða hafa áhuga á fjarskiptum af þessu tagi, að láta þennan viðburð ekki fram hjá sér fara.
Myndin er af VHF og UHF loftnetum TF3IRA sem eru notuð til fjarskipta um gervihnetti ásamt öðrum búnaði stöðvarinnar. Formagnararnir eru í ljósa kassanum fyrir neðan rótorinn. Ljósmynd: Jón Svavarsson, TF3LMN.
Gervihnattabúnaður TF3IRA.
(1) VHF/UHF hringpóluð Yagi loftnet frá M2. VHF loftnetið er af 2MCP14 gerð; 14 staka með 10.2 dBdc ávinningi. UHF loftnetið er af 436CP30 gerð; 30 staka með 14.15 dBdc ávinningi. (2) Rótor er frá Yaesu af G-5400B gerð, sambyggður fyrir lóðréttar og láréttar stillingar. Með honum fylgir fjölstillikassi (e. Elevation Azimuth Dual Controller) stýranlegur frá tölvu. (3) VHF og UHF formagnarar eru frá SSB-Electronic GmbH. Mögnun er 20 dB/0,8 dB suðhlutfall á VHF og 20 dB/0,9 dB suðhlutfall á UHF. (4) Kenwood TS-2000 sendi-/móttökustöð félagsins er notuð til fjarskipta um gervitungl. Hún er 100W á 144-146 MHz og 50W á 430-440 MHz.
Ólafur TF3ML verður með fimmtudagserindið
Ólafur Björn Ólafsson, TF3ML
Næsta erindi á vetrardagskrá félagsins að þessu sinni, verður haldið fimmtudaginn 18. október n.k. Þá mætir Ólafur B. Ólafsson, TF3ML, í Skeljanes með erindi sitt: „Að smíða færanlegt fjarskiptavirki”.
Eins og kunnugt er, lauk Ólafur við smíði sérstakrar fjarskiptabifreiðar fyrr á þessu ári. Bifreiðinni fylgir sérhönnuð kerra með áföstum loftnetsturni sem reisa má í allt að 28 metra hæð. Búnaðurinn var til sýnis á árlegum viðburði Í.R.A. í tengslum við Alþjóðlegu vita- og vitaskipahelgina sem haldinn var við Garðskagavita,
18.-19. ágúst s.l. Þá veitti Ólafur félaginu liðsstyrk með láni á búnaðinum til félagsstöðvarinnar í SAC SSB keppninni um síðustu helgi.
Stjórn Í.R.A. hvetur félagsmenn að mæta tímalega. Erindið hefst stundvíslega kl. 20:30. Kaffiveitingar.
Mynd frá Alþjóðlegu vita- og vitaskipahelginni 2012 á Garðskaga. Fjarskiptabifreið TF3ML og loftnetsturn í forgrunni. Turninn var reistur í 25 metra hæð.
Erfið skilyrði í SAC SSB keppninni um helgina
Sigurður R. Jakobsson TF3CW við stjórnvölinn á TF3W laugardaginn 13. október. Ljósmynd: TF3SA.
Sigurður R. Jakobsson, TF3CW, virkjaði félagsstöðina, TF3W, í Scandinavian Activity SSB keppninni helgina 13.-14. október. Vel var staðið að undirbúningi stöðvarinnar fyrir keppnina og komu margir að því verki. Þrátt fyrir afar erfið skilyrði náði Sigurður að hafa 1040 QSO; nánast einvörðungu á 14 MHz. Mestan hluta keppnistímans stóð “aurora” gildið í 10 og K-gildið í rúmlega 6, en vísun yfir 5 er flokkuð sem segulstormur.
Vel var staðið að undirbúningi keppninnar sem tók meira og minna alla síðustu viku. Auk SteppIR 3E Yagi loftnets félagsins á 14 MHz, 21 MHz og 28 MHz, munaði mest um færanlegt fjarskiptavirki Ólafs B. Ólafssonar, TF3ML, sem hann flutti á staðinn á fimmtudag. Ólafur setti upp OptiBeam OB-5 einsbandsloftnet á færanlega turninn, sem er 5 staka Yagi á 14 MHz með 15,7 dBi ávinning. Alvöru loftnet með 15,1 metra langri bómu og nær 90 kg að þyngd (eftir styrkingar). Á föstudagsmorgun var skotbómukrani síðan fluttur í Skeljanes. Hann var útbúinn með Cushcraft 2 staka Yagi loftneti á 7 MHz sem er í eigu Sigurðar. Síðar sama dag var sett upp Fritzel V-loftnet á hvolfi í eigu Ólafs fyrir 3,7 MHz. (Til skýringar: Ekki þurfti að hugsa um 160 metrana, þar sem SAC keppnirnar fara ekki fram á því bandi).
Stjórn Í.R.A. óskar Sigurði R. Jakobssyni, TF3CW, til hamingju með þann árangur sem þó náðist miðað afar erfið skilyrði. Sérstakar þakkir til Ólafs B. Ólafssonar, TF3ML, sem veitti félaginu ómetanlegan liðsstyrk með láni á búnaði og persónulegri aðkomu að undirbúningi stöðvarinnar. Það sama á við aðra félagsmenn sem veittu verkefninu aðstoð á einn eða annan hátt. Hér á eftir eru birtar nokkrar ljósmyndir til fróðleiks.
Skeljanes að morgni 14. október. Yagi loftnetin þrjú, frá OptiBeam, Cushcraft og SteppIR settu óneitanlega skemmtilegan svip á félagsaðstöðuna í Skeljanesi.
TF3IG, TF3CW og TF3ML koma færanlegum loftnetsturni Ólafs fyrir í rigningunni s.l. fimmtudag í portinu á bak við félagsaðstöðuna í Skeljanesi.
Turninn gerður klár fyrir fyrstu hífingu. TF3CW, TF3ML, og TF3IG tryggja að “fætur/stoðir” turnsins hafi viðunandi viðspyrnu.
TF3IG fer síðustu yfirferð yfir stillingar “fóta/stoða” turnsins fyrir hífingu.
Stóra OptiBeam Yagi loftnetið virkar næstum því viðráðanlegt komið í fulla hæð.
Skotbómukraninn kom í Skeljanes á flutningavagni á föstudagsmorgun. TF3CW fylgist með.
Rótorbúrið “monterað” á körfuna á skotbónukrananum. TF3CW og TF3-Ø33 við undirbúning.
TF3-Ø33, TF3CW og TF3ML við frágang á rótorbúrinu fyrir Cushcraft 7 MHz Yagi loftnetið.
Allt klárt. 7 MHz Yagi’nn kominn saman og kraninn kominn í fulla hæð (18 metra).
Úrslit í VHF leikum og TF útileikunum 2012
Vilhjálmur Þór Kjartansson TF3DX með ágrafinn verðlaunaskjöld sem sigurvegari í TF útileikunum 2012 og tilheyrandi viðurkenningarskjal, ásamt viðurkenningarskjali fyrir Guðrúnu Hannesdóttur TF3GD (XYL TF3DX) sem einnig tók þátt í útileikunum. Ljósmynd: TF3LMN.
Guðmundur Löve, TF3GL, umsjónarmaður VHF leikanna og Bjarni Sverrisson, TF3GB,umsjónarmaður TF útileikanna, kynntu úrslit í hvorum viðburði fyrir sig í félagsaðstöðunni við Skeljanes fimmtudaginn 4. október s.l. Sigurvegarar voru afgerandi í báðum viðburðum, annars vegar Ólafur B. Ólafsson, TF3ML, í VHF leikunum og hins vegar Vilhjálmur Þór Vilhjálmsson, TF3DX, í TF útileikunum.
Fram kom hjá TF3GL, að þátttakan í VHF leikunum hafi farið fram á fimm mismunandi tíðnisviðum, þ.e. 50 MHz, 70 MHz, 144 MHz, 430 MHz og 1,2 GHz. Hann sýndi áhugaverðar Power Point glærur með upplýsingum úr leikunum, m.a. yfirlit yfir lengstu samböndin (sjá mynd neðar). Guðmundur sagði að þátttakan sýndi að VHF leikarnir væru komnir til að vera. TF3BG ræddi nokkuð reglur útileikanna og
ábendingar um hugsanlegar breytingar á þeim. Fram kom hjá þeim félögum, að hvora helgi fyrir sig hafi alls 16 leyfishafar verið QRV, þótt heldur færri hafi skilað inn dagbókum. Kvöldið var vel heppnað og mættu alls 26 félagsmenn á staðinn.
Stjórn Í.R.A. þakkar þeim Guðmundi Löve, TF3GL og Bjarna Sverrissyni, TF3GB, fyrir góð störf og óskar sigurvegurunum, þeim Ólafi B. Ólafssyni, TF3ML og Vilhjálmi Þór Kjartanssyni, TF3DX, innilega til hamingju með árangurinn. Bestu þakkir ennfremur til Brynjólfs Jónssonar, TF5B, sem útbjó viðurkenningaskjöl útileikanna og til Jóns Svavarssonar, TF3LMN, fyrir meðfylgjandi ljósmyndir.
Guðmundur Löve TF3GL kynnir úrslit fyrstu VHF leikanna sem haldnir voru í júlí s.l.
Bjarni Sverrisson TF3GB kynnti úrslit í 32. TF útileikunum sem haldnir voru í ágúst s.l. Á myndinni afhendir hann Vilhjálmi Þór Kjartanssyni TF3DX, sigurvegaranum 2012, ágrafinn verðlaunaskjöld
Áhugaverðar upplýsingar. Sjá m.a. upplýsingar um sambönd yfir 115 km vegalengd á 1,2 GHZ.
(Ljósmyndir: Jón Svavarsson, TF3LMN.)
Stöðutaka í morsi fer fram á laugardag
Guðmundur Sveinsson, TF3SG
Stefán Arndal, TF3SA
Næsti viðburður á vetrardagskrá félagsins er stöðutaka í morsi, sem fram fer
laugardaginn 13. október kl. 15:00-17:00 í félagsaðstöðu Í.R.A. í Skeljanesi.
Stefán Arndal, TF3SA og Guðmundur Sveinsson, TF3SG, annast viðburðinn.
Þeir sem eiga eftir að skrá þátttöku geta sent töluvpóst á Guðmund. Tölvupóstfang
hans er: dn (hjá) hive.is eða hafa samband við hann í síma 896-0814. Líkt og áður
hefur komið fram, er stöðutakan fyrir alla leyfishafa, þ.e. jafnt fyrir þá sem eru rétt
að byrja sem og þá sem lengra eru komnir.
Stjórn Í.R.A. hvetur félagsmenn til að nýta sér þetta tækifæri.
Skínandi góður laugardagur í Skeljanesi
Þetta var eins og besta einkakennsla sagði Guðmundur Ingi Hjálmtýsson TF3IG og var mjög ánægður.
Laugardaginn 6. október mætti Vilhjálmur Þór Kjartansson, TF3DX, með hraðnámskeið (sýnikennslu) í Skeljanes fyrir þá félagsmenn sem vildu læra á loftnetsgreininn MFJ-269. Alls mættu 10 félagar í félagsaðstöðuna stundvíslega kl. 10 árdegis. Vilhjálmur Þór hóf dagskrána á vel fram settum fræðilegum inngangi. Hann skeiðaði síðan léttilega í gegnum spurningar viðstaddra og þegar kom að því að sýna notkun MFJ-269 loftnetsgreinisins, voru allir með á getu tækisins.
Sumir höfðu með sér sína eigin loftnetsgreina (TF2WIN). Aðrir sögðust sjá eftir því að hafa ekki tekið sína með sér þegar á staðinn var komið. Fram kom, að það eru ótrúlega fjölbreyttar mælingar sem má gera með þessu tiltölulega ódýra mælitæki.
Áhugavert er að geta þess, að símtöl bárust til stjórnarmanna strax í eftirmiðdaginn í gær og áfram í dag (sunnudag) frá félagsmönnum sem ýmist sögðust hafa gleymt viðburðinum, sofið yfir sig eða verið uppteknir. Sama óskin kom fram hjá þeim öllum: „Hvenær verður þetta endurtekið hjá Villa?” Námskeiðinu lauk laust eftir kl. 13. Frábær dagur og skínandi vel heppnaður!
Taflan var mikið notuð hjá TF3DX og sagðist hann hlakka til þess dags þegar félagið hefði efni á að fjárfesta í 2-3 hvítum tússtöflum til viðbótar við þessa einu sem væri allt of lítil.
Vilhjálmur Þór TF3DX notaði m.a. þetta heimatilbúna 1/4-? GP metrabylgjuloftnet í kennslunni.
Sigurður Óskar Óskarsson TF2WIN sýndi fyrirhyggju og kom með sinn loftnetsgreini á staðinn og sagðist bara ánægður með að sitja aftarlega. Sagði að þar væri meiri ró og næði enda nóteraði hann hjá sér flest af því sem Vilhjálmur Þór sagði.7
Nýjar vínarbrauðslengjurnar frá Björnsbakaríi á Seltjarnarnesi voru heitar úr ofninum þegar þær komu í hús í Skeljanesi. Vart þarf að taka það fram að þær gengu vel út.