Íslenskir radíóamatörar – allar fréttir

Benedikt Sveinsson TF3CY stöðvarstjóri við stjórnvölinn á TF3IRA. Jón Þóroddur Jónsson TF3JA og Vilhjálmur Ívar Sigurjónsson TF3VS fylgjast með. Á myndinn má sjá (fyrir neðan hljóðnemann) Dell 19″ LCD borðskjá sem félaginu barst nýlega að gjöf. Ljósmynd: Óskar Sverrisson, TF3DC.

Síðari kynningin á gervihnattafjarskiptum á yfirstandandi vetrardagskrá fór fram í dag, 12. nóvember. Að sögn Benedikts Sveinssonar, TF3CY, gekk ekki vel að komast í samband að þessu sinni, en hlustað var m.a. eftir AO-7, AO-27, AO-51 og FO-29. Af þeim var AO-7 t.d. í skugga og ekki náðist í FO-29 vegna truflana. Ánægja var engu að síður með kynninguna, samanber meðfylgjandi tölvupóst frá félagsmanni: “Mjög áhugaverð kynning hjá Benedikt. Hluti af metnaðarfullri uppbyggingu félagsstöðvarinnar sem virðist á góðri leið”.

Þess má geta, að hugmyndin er að félagið festi kaup á „tracking” hugbúnaði af gerðinni Nova (NfW version 2.2c) sem mun koma í stað hugbúnaðarins sem fylgir með Ham Radio Deluxe (og notaður hefur verið hingað til). Innkaupsverð er tæplega 7 þúsund krónur. Tilkoma nýs “tracking” hugbúnaðar mun auðvelda öll fjarskipti frá stöðinni um gervihnetti.

Myndin er af heimasmíðuðum 100W mors sendi André V. Kestleloot, N4ICK, sem vinnur í 500 kHz tíðnisviðinu.

Auknar líkur eru nú á að nýtt 600 metra amatörband í tíðnisviðinu 472-480 kHz verði að veruleika á WRC-12 tíðni-
ráðstefnunni sem haldin verður í Genf í byrjun næsta árs.

Skýrt var frá stöðu þessa máls (eins og það stóð þá) á þessum vettvangi þann 5. október s.l. Nú er því við að bæta,
að á fundi undirbúningsnefndar CEPT ríkjanna 48 sem haldinn var dagana 1.-4. nóvember s.l., var samþykkt samhljóða
að mæla með úthlutun þessa 8 kHz bands til radíóamatöra á WRC-12 ráðstefnunni samkvæmt svokallaðri “ECP sam-
þykkt” (European Common Proposal). Staða þessa máls í dag er því sú að tryggt hefur verið að tillagan um nýtt amatör-
band á 600 metrum verður tekin á dagskrá á WRC-12.

Það var Colin Thomas, G3PSM, sem var í forsvari fyrir málið f.h. IARU Svæðis 1 á undirbúningsfundinum sem lauk í gær
í Ungverjalandi. Þess má geta að Colin er jafnframt stjórnarmaður í framkvæmdanefnd Svæðis 1.

_______________

Rifja má upp, að íslenskir leyfishafar fengu fyrst heimild til að vinna á 600 metrum (á víkjandi grundvelli) 19. febrúar 2010,
út það ár. Heimildin var síðan endurnýjuð þann 13. desember 2010 og gildir hún út árið 2012. Heimilað tíðnisvið er 493-
510 kHz. Nánari umfjöllun um 600 metra bandið má sjá í 1. tbl. CQ TF 2011 (bls. 26).

Vefslóð með upplýsingum um 100W sendi André, N4ICK: http://www.500kc.com/N4ICK/index.htm

Guðmundur Löve TF3GL útskýrði vel hversu auðvelt er að gefa sér mismunandi forsendur í EZNEC forritinu.

Guðmundur Löve, TF3GL, flutti fróðlegt erindi í félagsaðstöðu Í.R.A. við Skeljanes fimmtudaginn 3. nóvember.
Hann sagði frá og útskýrði tölvuforritið EZNEC sem “hermir” eftir virkan loftneta. Hann fór vel yfir virkni forritsins með því
að taka dæmi um nokkrar grunngerðir loftneta, s.s. tvípóla, lóðréttra stangarneta, Windom neta o.fl.

Guðmundur sýndi m.a. áhrif fjarlægðar yfir mismunandi leiðandi jörð, áhrif staðsetningar (bæði fyrir lóðréttar stangir og
tvípóla) og ræddi m.a. mismunandi fjölda radíala samanborið við staðsetningu stangarnets á húsþaki.

Að sögn Guðmundar eru fleiri forrit eru aðgengileg radíóamatörum sem herma eftir virkni loftneta, en EZNEC hefur náð
hvað mestri útbreiðslu, sem er vel skiljanlegt eftir að hafa séð hversu aðgengilegt forritið er og þá möguleika sem það
býður. Höfundur EZNEC er Roy W. Lewallen, W7EL. Á þriðja tug félagsmanna hlýddu á erindið.

Stjórn Í.R.A. þakkar Guðmundi Löve, TF3GL, fyrir vel heppnaða og áhugaverða kvöldstund. Ennfremur Ara Þórólfi fyrir
heimabakaða kaffimeðlætið.

Guðmundur sýndi m.a. niðurstöðu EZNEC fyrir ýmis stangarloftnet og útskýrði niðurstöðurnar síðan nánar á töflu.

Baldvin Þórarinsson TF3-033 og Bjarni Sverrisson TF3GB. Bjarni spurði Guðmund m.a. um “V” loftnet á hvolfi.

Smári TF8SM og Guðjón Helgi TF3WO voru áhugasamir um mismunandi útfærslur loftneta fyrir TF8SDR.

Í kaffihléi. Haraldur Þórðarson TF3HP Jón Gunnar Harðarson TF3PPN og Guðmundur Ingi Hjálmtýsson TF3IG.

Ari Þór Jóhannesson TF3ARI og Kjartan H. Bjarnason TF3BJ skoða nýjar VHF/UHF handstöðvar í fundarhléi.

Guðmundur Löve, TF3GL.

Guðmundur Löve, TF3GL, flytur fimmtudagserindið á vetrardagskrá félagsins í þessari viku, þann 3. nóvember n.k.
Hann mun segja frá og halda fræðsluerindi um EZNEC forritið. Nokkur forrit eru til sem herma eftir loftnetum, en óhætt er að segja
að EZNEC hefur í seinni tíð náð töluverðri útbreiðslu. Erindi Guðmundar hefst kl. 20:30 í félagsaðstöðu Í.R.A. við Skeljanes.
Virkni EZNEC verður kynnt með því að fara gegnum nokkrar grunngerðir loftneta, en áhugasamir geta sent óskir eða ábendingar
um tiltekin viðfangsefni til Guðmundar í tölvupósti.

Stjórn Í.R.A. hvetur félagsmenn til að fjölmenna. Kaffiveitingar verða í boði félagssjóðs.

_____________

EZNEC loftnetaforritið var hannað af Roy W. Lewallen, W7EL. Hann var viðtakandi „Technical Excellence Award” á Dayton
sýningunni í Ohio í Bandaríkjunum í maí 2011. Hér á eftir fylgir umsögn dómnefndar:

Technical Excellence – Our Technical Achievement Award winner is Roy W. Lewallen, W7EL. Roy has been an amateur radio
operator since 1957. He is now best known for developing EZNEC antenna analysis software, introducing its predecessor
ELNEC in 1990. EZNEC and EZNEC+ are powerful but very easy-to-use programs for modeling and analyzing nearly any kind
of antenna in its actual operating environment. Continually sharing his expertise with the amateur community, Roy has written
numerous articles for QST, and contributed to other ARRL publications including the ARRL Antenna Book. These articles touch
on just all subject matter on antennas, feed lines and related subjects. Roy works as an electronics engineering consultant and
enjoys Field Day, backpacking, cross country skiing, and flying his Cessna 150.

Vefsíða til upplýsingar um EZNEC forritið: http://www.eznec.com/

Vilhjálmur Þór Kjartansson TF3DX var með afar vel heppnað fimmtudagserindi 27. október.

Vilhjálmur Þór Kjartansson, TF3DX, flutti áhugavert og vel heppnað fimmtudagserindi í Skeljanesi í gær, 27. október, sem hann nefndi “Merki og mótun”. Erindið byggir á fyrirlestrum sem hann flutti vorið 2011 fyrir nemendur á námskeiði félagsins til amatörprófs.

Vilhjálmur kynnti erindið þannig: “…að hugmyndin væri að leggja grunn hjá þeim sem skemmra væru komnir um leið og efnið væri hugsað til að gagnast þeim sem væru farnir að pæla dýpra”. Þetta gekk eftir enda efnið vel fram sett og skemmtilega flutt.

Minnst var á bandbeidd morsmerkja út frá AM með kassabylgju (..didididi..) þar sem grunntíðnin er jöfn sendihraðanum í stöfum á mínútu deilt með 12. Í lokin var lauslega drepið á stillingu SSB senda og nauðsyn þess að skoða merkið í góðri bandbreidd, ekki eftir að það hefur farið um þrönga síu í “góðu” viðtæki. Miklar umræður urðu á eftir og var fundi ekki slitið fyrr en kl. 22:30. Alls sóttu á þriðja tug félagsmanna erindið.

Stjórn Í.R.A. þakkar Vilhjálmi Þór Kjartanssyni, TF3DX, fyrir framlag hans, Jóni Svavarssyni, TF3LMN, fyrir myndatöku og Ara Þórólfi Jóhannessyni, TF3ARI, fyrir kaffimeðlætið.

Vilhjálmur fjallaði m.a. um mikilvægi þess að stilla sendi rétt út á SSB”.

Ari Þór Jóhannesson, TF3ARI.

Í samtali við Ara Þórólf Jóhannesson, TF3ARI, á þriðjudag (25. október) kom m.a. fram, að þeir Sigurður Smári Hreinsson, TF8SM, hafi sett upp Windom loftnet (í stað eldra LW loftnets) til viðtöku merkja suður á Garðskaga um s.l. helgi. Truflanir í viðtöku eru þó enn í ca. S5 á mæli og á eftir að finna upptök þeirra. Ari sagði, að búið væri að skipta um viðskiptaaðila fyrir nettengingu en nýlega var gerður samningur við Nova. Þá hefur verið sett upp loftnet fyrir TF8SDR á 2 metra bandinu sem það var til á staðanum. Um er að ræða 5/8-? loftnet sem áður hefur líklega verið notað fyrir radíóvita á vegum félagsins þar á staðnum.

Í ljósi ábendinga þess efnis, að „packet” merki hafa verið send út á vegum Í.R.A. undir kallmerkinu TF3NOS í gegnum tíðina á tíðninni á 144.650 MHz (sem TF8SDR hafði fengið úthlutað) hafði stjórn félagins frumkvæði að því að hafa samband við Ara, með tillögu um nýja tíðni í stað þeirrar fyrrnefndu. Félagið gerði tillögu um tíðnina 144.550 MHz og gerði hann ekki athugasemdir við það. Í framhaldi var erindi sent til Póst- og fjarskiptastofnunar með ósk um úthlutun á 144.550 MHz fyrir TF8SDR. Erindi barst frá stofnuninni í dag (26. október) það sem það mál gekk eftir. Ari sagði, að hugmyndin væri að hefja 2 metra sendingarnar með merkjum af 3637 kHz jafnvel um komandi helgi eða strax og aðstæður leyfa.

Stjórn Í.R.A. þakkar Ara gott samstarf og óskar honum góðs gengis með áhugavert verkefni.