Íslenskir Radíóamatörar – Page 203 – Félagið Íslenskir radíóamatörar, ÍRA

Gögn frá aðalfundi Í.R.A. 2011 eru komin á heimasíðuna

Hluti fundargagna sem lögð voru fram á aðalfundi félagsins sem haldinn var að Hótel Sögu þann 21. maí 2011.

Eftirtalin gögn frá aðalfundi 2011 eru komin inn á heimasíðu félagsins:

(1) Skýrsla formanns um starfsemi félagsins 2010-2011.
(2) Ársreikningur félagssjóðs fyrir fjárhagsárið 2010-2011.
(3) Fundargerð aðalfundar félagsins haldinn 21. maí 2011.

Hægt er að nálgast gögnin því að fara undir veftré og leit og smella á Félagið og velja Aðalfundur 2011.

Gögnin má einnig nálgast með því að smella á eftirfarandi hlekk: http://www.ira.is/fundargerdir/adalfundir/

26. May, 2011/by TF3JB

Fréttir, Keppnir

CQ World-Wide WPX CW keppnin 28.-29. maí n.k.

Morshluti CQ World-Wide WPX keppninnar fer fram helgina 28.-30. maí n.k. Keppnin er tveggja sólahringa keppni og hefst kl. 00:00
laugardaginn 28. maí og lýkur kl. 23:59 sunnudaginn 30. maí. Keppnin fer fram á eftirtöldum böndum: 1.8, 3.5, 7, 14, 21 og 28 MHz.
Í boði eru fjórir keppnisflokkar:

Keppnisflokkur	Undirflokkar	Annað
Einmenningsflokkur	(a) Allt að 1500W; (b) allt að 100W; og (c) allt að 5W	Sjá skýringar í keppnisreglum
Einmenningsflokkur, aðstoð	(a) Allt að 1500W; og (b) allt að 100W	Sjá skýringar í keppnisreglum
Einmenningsflokkur, “overlay”	(a) “Tribander/single element” og (b) “Rookie”	Sjá skýringar í keppnisreglum
Fleirmenningsflokkur	(a) Einn sendir; (b) tveir sendar; og (c) enginn hámarksfjöldi senda	Sjá skýringar í keppnisreglum

Keppnisreglur (á ensku): http://www.cqwpx.com/rules.htm

Tilkynningar um þátttöku: http://www.his.com/~wfeidt/Misc/wpxc2011.html

24. May, 2011/by TF3JB

Almennt, Fréttir

Próf til amatörleyfis verður haldið laugardaginn 28. maí n.k.

Próf til amatörleyfis verður haldið laugardaginn 28. maí 2011 í félagsaðstöðu Í.R.A. við Skeljanes í Reykjavík.

Það hefst stundvíslega kl. 10:00 árdegis. Próftaki hafi meðferðis blýanta, strokleður, reglustiku og reiknivél sem
ekki getur geymt gögn. (The examinee should bring pencils, eraser, ruler and calculator without the capability of storing data).

Fyrispurnir (ef einhverjar eru) má senda til félagsins á tölvupóstfangið ira@ira.is

22. May, 2011/by TF3JB

Almennt, Fréttir

Frá aðalfundi Í.R.A. 2011

Gísli G. Ófeigsson, TF3G, les upp ársreikning félagssjóðs 2010-2011 á aðalfundinum. Ljósmynd: TF2JB.

Aðalfundur Í.R.A. var haldinn 21. maí 2011 í Princeton fundarsal Radisson Blu Hótel Sögu við Hagatorg í Reykjavík. Á fundinum fóru fram venjuleg aðalfundarstörf; kosin ný stjórn, samþykktar lagabreytingar ásamt samþykkt undir liðnum önnur mál. Embættismenn fundarins voru kjörnir þeir Kristinn Andersen, TF3KX, fundarstjóri og Erling Guðnason, TF3EE, fundarritari. Alls sóttu 24 félagsmenn fundinn úr kallsvæðum TF1, TF2, TF3, TF5 og TF8, samkvæmt skráningu í viðverubók (sem er sami fjöldi og á fyrra ári). Fundurinn hófst kl. 13:05 og var slitið kl. 15:20.

Eftirtaldir skipa nýja stjórn félagsins fyrir starfstímabilið 2011-2012: Jónas Bjarnason, TF2JB, formaður; Sæmundur Þorsteinsson, TF3UA; Gísli G. Ófeigsson, TF3G; Kjartan H. Bjarnason, TF3BJ; og Benedikt Sveinsson, TF3CY. Í varastjórn: Erling Guðnason, TF3EE; og Guðmundur Sveinsson, TF3SG. TF3UA og TF3G sitja sitt síðara ár, en TF3BJ og TF3CY voru kjörnir til tveggja ára. Stjórnin mun skipta með sér verkum fljótlega. Félagsgjald var samþykkt óbreytt, þ.e. 4000 krónur fyrir árgjaldaárið 2011-2012.

Skoðunarmenn reikninga voru kjörnir þeir Óskar Sverrisson, TF3DC og Haukur Konráðsson, TF3HK; og til vara, Vilhjálmur Í. Sigurjónsson, TF3VS.

Skýrsla stjórnar og reikningur félagssjóðs mun fljótlega verða birtur hér á heimasíðunni ásamt fundargerð og upplýsingum um lagabreytingar og aðrar samþykktir.

21. May, 2011/by TF3JB

Almennt, Fréttir

Nýtt námsefni komið á heimasíðuna

Tvö ný skjöl með námsefni hafa verið sett inn á heimasíðu félagsins er varða nemendur á yfirstandandi námskeiði Í.R.A. til amatörleyfis. Það eru annars vegar Merki og mótun og hins vegar Merki og mótun, viðbót. Höfundur er Vilhjálmur Þór Kjartansson, TF3DX.

Leiðbeiningar: Þegar heimasíðan er opnuð, er farið upp í vinstra horn hennar, undir Vefsíða og leit. Þar er smellt á Upplýsingar og þá birtist undirsíða með fyrirsögninni Ýmsar upplýsingar fyrir radíóamatöra. Í 6. línu má sjá Námsefni og er smellt á það og þá koma ofangreind skjöl í ljós

16. May, 2011/by TF3JB

Fréttir, Keppnir

Niðurstöður CQ WW RTTY DX keppninnar 2010

Í maíhefti CQ tímaritsins 2011 eru birtar niðurstöður úr CQ WW RTTY DX keppninni sem fram fór dagana 25.-26. september 2010.
Ágæt þáttaka var frá TF, en alls sendu fimm stöðvar inn keppnisdagbækur.

Andrés Þórarinsson, TF3AM, var með bestan árangur, bæði í sínum keppnisflokki og í heild, eða 647,752 stig.
Að baki þeim árangri voru alls 1,122 QSO, 165 DXCC einingar (e. entities); 43 svæði (e. zones) og 61 fylki/ríki í USA og Kanada.
Þeir Guðmundur Ingi Hjálmtýsson, TF3IG og Ársæll Óskarsson, TF3AO, voru einnig með mjög góðan árangur.

Keppnisflokkur	Kallmerki	Árangur, stig	QSO	DXCC	Svæði	US/VE	Skýringar
Öll bönd	TF3AM*	Unknown macro: {center}647,752	Unknown macro: {center}1,122	Unknown macro: {center}165	Unknown macro: {center}43	Unknown macro: {center}61	Hámarks útgangsafl
Öll bönd	TF3IG	Unknown macro: {center}496,052	Unknown macro: {center}948	Unknown macro: {center}155	Unknown macro: {center}44	Unknown macro: {center}45	Hámarks útgangsafl
Öll bönd	TF8SM	Unknown macro: {center}314,703	Unknown macro: {center}634	Unknown macro: {center}127	Unknown macro: {center}38	Unknown macro: {center}54	Hámarks útgangsafl
Öll bönd (A)	TF3AO*	Unknown macro: {center}405,328	Unknown macro: {center}952	Unknown macro: {center}118	Unknown macro: {center}33	Unknown macro: {center}45	Hámarks útgangsafl, aðstoð
Öll bönd (A)	TF3PPN	Unknown macro: {center}252,822	Unknown macro: {center}687	Unknown macro: {center}112	Unknown macro: {center}31	Unknown macro: {center}31	Mest 100W útgangsafl, aðstoð

*Bestur árangur í viðkomandi keppnisflokki (innan TF) og handhafi viðurkenningarskjals.

Bestu hamingjuóskir til þátttakenda.

13. May, 2011/by TF3JB

Almennt, Fréttir

Aðalfundur Í.R.A. verður haldinn laugardaginn 21. maí n.k.

Aðalfundur Í.R.A. 2011 verður haldinn laugardaginn 21. maí n.k. Fundurinn verður haldinn í fundarsal Radisson Blu hótel Sögu við Hagatorg í Reykjavík og hefst stundvíslega kl. 13:00.
Dagskrá er eftirfarandi:
1. Kosinn fundarstjóri.
2. Kosinn fundarritari.
3. Könnuð umboð.
4. Athugasemdir við fundargerð síðasta aðalfundar, ef einhverjar hafa borist, ræddar og bornar undir atkvæði.
5. Formaður gefur skýrslu um stafsemi félagsins.
6. Aðrir embættismenn gefa skýrslu um starfsemi sinna embætta.
7. Gjaldkeri leggur fram reikninga félagsins til samþykktar.
8. Lagabreytingar.
9. Stjórnarkjör.
10. Kosning tveggja skoðunarmanna reikninga og eins til vara.
11. Ákvörðun árgjalds.
12. Önnur mál.
a. Inntaka nýs félagsmanns með tilvísan til ákvæðis í 7. gr. félagslaga.
Einungis skuldlausir félagar hafa kosningarrétt og kjörgengi. Skylt er að veita árgjöldum viðtöku við upphaf fundar sé þess óskað. Félagslögum verður aðeins breytt á aðalfundi, enda hafi frumvarp að nýjum eða breyttum greinum borist stjórn félagsins fyrir 15. apríl og verið dreift með aðalfundarboði. Sjá nánar ákvæði í 10., 11., 12., 13. og 26. gr. félagslaga hvað varðar framangreind atriði. Félagslög Í.R.A. eru birt á heimasíðunni, sbr. meðfylgjandi hlekk: http://www.ira.is/log-og-reglugerdir/

F.h. stjórnar Í.R.A.,
Jónas Bjarnason, TF2JB,
formaður.

12. May, 2011/by TF3JB

Almennt, Fréttir

Haukur Nikulásson, TF3HN, er látinn.

Haukur Nikulásson, TF3HN, er látinn. Fregn þessa efnis barst frá frænda hans, Yngva Harðarsyni, TF3Y, í morgun.

Haukur var handhafi leyfisbréfs nr. 129 og lengst af félagsmaður í Í.R.A. Hann var á 56. aldursári.

Stjórn Í.R.A. sendir fjölskyldu Hauks hugheilar samúðarkveðjur vegna fráfalls hans.

9. May, 2011/by TF3JB

Almennt, Fréttir

TF3ZA tekur þátt í DX-leiðangri til Jan Mayen

Jón Ágúst Erlingsson, TF3ZA.

Jón Ágúst Erlingsson, TF3ZA, hefur ákveðið að þiggja boð um þátttöku í DX-leiðangi til Jan Mayen í sumar og mun leiðangurinn virkja kallmerkið JX5O. Alls verða átta radíóamatörar sem annast fjarskiptin frá JX5O. Aðrir leyfishafar (auk Jóns) eru: Stan SQ8X; Vicky SV2KBS/LA7VPA; Bernhard HB9ASZ; Leszek NI1L; Björn SM0MDG; Tom SQ9C; og Pete SQ9DIE.

Stefnt er að starfrækslu JX5O dagana 6.-14. júlí og er miðað við að nota öll bönd frá 40m til 6m. Megináhersla verður lögð á CW og RTTY en einnig verður farið í loftið á SSB og PSK63, ef tími og aðstæður leyfa. Sérstakar vinnutíðnir eftir böndum eru gefnar upp á heimasíðu leiðangursins (sjá hlekk neðar).

Fyrirhugað er, að leiðangursmenn hittist í Reykjavík þann 2. júlí n.k. og haldi til Dalvíkur tveimur dögum síðar. Síðan verður lagt upp frá Dalvík að kvöldi 4. júlí. Farkosturinn er seglskúta og er áætlað að koma í höfn á Jan Mayen að morgni 6. júlí. Haldið verður til Íslands á ný að morgni 15. júlí og áætlað er að leiðangurinn komi til Ísafjarðar um hádegisbilið þann 16. júlí.

Stjórn Í.R.A. óskar Jóni Ágúst og öðrum leiðangursmönnum góðrar ferðar.

Sjá heimasíðu leiðangursins: http://janmayen2011.org/jx7vpa

og http://janmayen2011.org/

(þess má geta, að Jón Ágúst er sonur Erlings Guðnasonar, TF3EE).

7. May, 2011/by TF3JB

Almennt, Fréttir

Bókin Zen and the Art of Radiotelegraphy

Carlo Consoli, IK0YGJ, rithöfundur.

Carlo Consoli, IKØYGJ, hefur gefið út bókina Zen and the Art of Radiotelegraphy. Eins og nafn bókarinnar ber með sér, tengir hann Zen búddisma og listina að læra og iðka mors og nálgast þennan samskiptahátt radíóamatöra út frá athöfn og iðkun. Hann bendir á nýjan flöt í að nálgast morsið, þ.e. á heimspekilegan hátt út frá Zen búddisma.

Í bókinni útskýrir Carlo að til að ná árangri í að læra mors þurfum við að breyta viðteknum aðferðum við lærdóminn. Mikilvægt sé t.d. að hugurinn sé í jafnvægi og nemandinn sé afslappaður. Hann leggur sérstaka áherslu á hughrifin. Sem dæmi segir hann að mikilvægt sé að kappkosta að æfa sig ætíð á sama tíma dags og í þægilegu og vinsamlegu umhverfi sem veitir ánægjutilfinningu. Hann talar um þegar nemandinn gerir mistök í móttöku morsmerkja, að ásaka sig ekki hvorki né líta á það sem mistök, heldur túlka það með sjálfum sér sem jákvæða upplifun á leið til að ná fullkomnun. Loks leggur hann áherslu á að eftir ákveðinn tíma, sé mikilvægt að hætta að skrifa morsmerkin niður á blað og byrja að taka á móti merkjunum „í höfuðið”. Hugurinn sé besta verkfærið.

Bókin er einvörðungu gefin út á netinu og er fáanleg hvorutveggja á ensku og ítölsku. Það er félagsmaður okkar, Sigurbjörn Þór Bjarnason, TF3SB, sem hefur aflað heimildar hjá höfundi til að bókin megi nýtast félagsmönnum Í.R.A. án kostnaðar.

Stjórn Í.R.A. þakkar Sigurbirni Þór „Dodda” gott framtak.

Bókina má nálgast hér á heimasíðunni með því að fara undir „Veftré og leit” og velja þar „Upplýsingar“. Þá birtist fyrirsögnin „Ýmsar upplýsingar fyrir radíóamatöra” og þar beint fyrir neðan undirsíðan „Áhugavert lesefni“. Smella má á hana og hala niður bókinni.

Einnig má smella á eftirfarandi hlekk: http://www.ira.is/itarefni/

6. May, 2011/by TF3JB

Almennt, Fréttir

Þriðji og síðasti hluti námskeiðs Í.R.A. hófst 2. maí

Stundatafla vegna þriðja og síðasta hluta námskeiðs Í.R.A. til amatörréttinda sem hófst 7. mars s.l. fylgir hér á eftir.
Hún nær yfir tímabilið frá 2. maí til 25. maí. Félaginu hefur borist staðfesting Póst- og fjarskiptastofnunar þess efnis,
að próf fari fram laugardaginn 28. maí kl. 10:00-12:00. Það verður haldið í félagsaðstöðunni við Skeljanes. Nánari
upplýsingar veitir Kjartan H. Bjarnason, TF3BJ, skólastjóri námskeiðsins. Tölvupóstur: kjartan.bjarnason hjá nyherji.is.

Mán.d.	Vikudagur	Tímasetning	Kennsluefni	Leiðbeinandi
2. maí	mánudagur	19:00-22:00	Fæðilínur og truflanir	Henry Arnar Hálfdánarson, TF3HRY
4. maí	miðvikudagur	19:00-22:00	Dæmaútreikningur	Henry Arnar Hálfdánarson, TF3HRY
9. maí	mánudagur	19:00-22:00	Merki og mótun	Vilhjálmur Þór Kjartansson, TF3DX
11. maí	miðvikudagur	19:00-22:00	Dæmareikningur	Vilhjálmur Þór Kjartansson, TF3DX
16. maí	mánudagur	19:00-22:00	Öryggisatriði, reglur og viðskipti	Þór Þórisson, TF3GW
18. maí	miðvikudagur	19:00-22:00	Dæmareikningur	Þór Þórisson, TF3GW
23. maí	mánudagur	19:00-22:00	Upprifjun	Kjartan H. Bjarnason, TF3BJ og fleiri
25. maí	miðvikudagur	19:00-22:00	Upprifjun og prófæfing	Kjartan H. Bjarnason, TF3BJ og fleiri
28. maí	laugardagur	10:00-12:00	Próf	Póst- og fjarskiptastofnun

3. May, 2011/by TF3JB

Almennt, Fréttir

Afar vel heppnað fimmtudagserindi

Sæmundur E. Þorsteinsson, TF3UA, útskýrir uppbyggingu SDR sendi-/móttökutækninnar.

Sæmundur E. Þorsteinsson, TF3UA, verkfræðingur og Stefán Þorvarðarson, verk- og tölvunarfræðingur fluttu afar áhugavert og vel heppnað erindi um SDR sendi-/móttökutæki (hugbúnaðar radíó) og það nýjasta sem er að gerast í þessu sviði í félagsaðstöðu Í.R.A. fimmtudaginn 28. apríl. Þeir félagar svöruðu fjölda spurninga í lok erindisins. Alls mættu um 25 manns í Skeljanesið að þessu sinni.

Hugtakið “SDR” er skammastöfun fyrir Software Defined Radio sem mætti kalla “hugbúnaðar radíó” á íslensku. Þar ræður hugbúnaður í tölvu því um hvers konar tæki er að ræða. Vélbúnaður tækisins er eins konar alhliða viðmót milli loftnets og notanda og skilgreinir ekki hvort um AM, FM, CW o.s.frv. tæki er að ræða. Mótun og afmótun fer fram í forriti sem ræður þessu, svo það eru engar sérstakar mótara- eða afmótararásir fyrir mismunandi hátt.

Stjórn Í.R.A. þakkar þeim Sæmundi og Stefáni fyrir vel heppnað erindi og Jóni Svavarssyni, TF3LMN, fyrir myndatökuna.

Hlekkur-1: http://en.wikipedia.org/wiki/Software-defined_radio

Hlekkur-2: http://en.wikipedia.org/wiki/GNU_Radio

Stefán Þorvarðarson fjallaði sérstaklega um “GNU Radio og USRP” hugbúnaðarkerfin.

Vilhjálmur Í. Sigurjónsson, TF3VS, handleikur eitt af sýnishornum SDR-tækninnar sem lágu frammi á fundinum.

Andrés Þórarinsson, TF3AM, skoðar eitt af sýnishornunum gaumgæfilega.

Nokkur sýnishorn af tækjum sem nýta SDR tæknina og menn gátu skoðað.

Power Point glærur erindis Sæmundar eru komnar inn á heimasíðuna undir “Upplýsingar” og kemur þá upp undirsíðan: Ítarefni – glærur og fleira frá fræðslukvöldum.
Einnig má smella á þennan hlekk: http://www.ira.is/itarefni/

29. April, 2011/by TF3JB