,

Dagur upplýsingasamfélagsins 2010

Myndin er tekin í fjarskiptaherbergi 4U1ITU í aðalstöðvum ITU í Genf.

Dagur upplýsingasamfélagsins (World Information Society Day) var 17. maí. Margir radíóamatörar muna eflaust eftir fyrra heiti hans, sem var Alþjóða fjarskiptadagurinn (World Telecommunication and Information Society Day) en nafninu var breytt á vettvangi Sameinuðu þjóðanna árið 2005.
Frá þessu er skýrt hér, vegna þess að radíóamatörar um allan heim starfrækja þann dag stöðvar með “ITU” viðskeytum, með 4U1ITU í Genf í fararbroddi. Norðurlöndin taka einnig þátt og mátt t.d. heyra stöðina 8S0ITU frá Svíþjóð. Gott tækifæri fyrir þá sem safna sjaldgæfum forskeytum.

TF2JB

/by
,

Neyðarfjarskiptaæfing 15. maí

Næstkomandi laugardag tekur TF3IRA þátt í alheimsneyðarfjarskiptaæfingu “Global Simulated Emergency Test”
Æfingin stendur yfir á tímabilinu 04.00 – 08.00 UTC að morgni laugardagsins 15. maí.
Á heimasíðu IARU má lesa allt um æfinguna: http://www.iaru-r1.org/index.php?option=com_content&view=category&layout=blog&id=57&Itemid=165
Vinsamlega hafið samband við neyðarfjarskiptastjóra félagsins, TF3JA, ef þið hafið áhuga á að taka þátt.

/by
,

Nýr QSL Manager fyrir ÍRA QSL Bureau

Guðmundur Sveinsson, TF3SG, nýr QSL Manager Í.R.A.

Guðmundur Sveinsson, TF3SG, er nýr QSL Manager fyrir Í.R.A. QSL Bureau og tók hann formlega til starfa 8. maí 2010. Guðmundur starfar samkvæmt 24. gr. laga félagsins og mun annast útsendingar QSL korta félagsmanna. Stjórn félagsins væntir mikils af liðsinni Guðmundar. Um leið og við bjóðum Guðmund velkominn til starfa viljum við þakka fráfarandi QSL Manager, Jóni Gunnari Harðarsyni, TF3PPN, fyrir framúrskarandi vel unnin störf.

F.h. stjórnar Í.R.A.,

Jónas Bjarnason, TF2JB,
formaður.

Tölvupóstur nýs QSL-stjóra: dn@hive.is.
Heimasími nýs QSL-stjóra: 552-2575; GSM sími: 896-0814.

/by
,

Aðalfundur Í.R.A. verður haldinn laugardaginn 22. maí n.k.

Aðalfundur Í.R.A. verður haldinn laugardaginn 22. maí n.k.

Fundurinn verður haldinn í Yale fundarsal Radisson Blu hótel Sögu við Hagatorg í Reykjavík og hefst stundvíslega kl. 13:00. Dagskrá er samkvæmt 18. gr. félagslaga.

Fyrir hönd stjórnar,
TF3SNN

/by
,

Niðurstöður CQ WW RTTY DX keppninnar 2009

Andrés Þórarinsson, TF3AM, var með bestan árangur í keppninni.

Í maíhefti CQ Magazine eru birtar niðurstöður úr CQ WW RTTY DX keppninni sem fram fór dagana 27.-29. september 2009. Ágæt þáttaka var frá TF, en alls sendu sex stöðvar inn keppnisdagbækur.

Andrés Þórarinsson, TF3AM, var með bestan árangur, bæði í sínum keppnisflokki og í heild, eða 650,250 stig. Að baki þeim árangri voru alls 1,134 QSO, 42 svæði (e. zones), 61 DXCC eining (e. entities) og 61 fylki/ríki í USA og Kanada. TF3AO og TF3PPN voru einnig með mjög góðan árangur hvor í sínum keppnisflokki.

Fyrri dag keppninnar voru skilyrði ágæt en siðari daginn léleg, eða eins og Andrés, TF3AM, orðar það í blaðinu: “Saturday was good with up to 80 Q/h. But Sunday, very early morning, and ongoing most of the day the conditions were bad and most stations were marginal copy”.

Keppnisflokkur Kallmerki Árangur QSO Svæði DXCC US/VE Skýringar
Öll bönd TF3AM* 650,250 1134 147 42 61 Hámarks útgangsafl
Öll bönd TF3GC 51,875 271 42 15 26 Hámarks útgangsafl
Öll bönd (A) TF3AO* 523,260 1031 138 38 52 Hámarks útgangsafl, aðstoð
Öll bönd (L) TF3PPN* 416,962 924 125 32 46 Mest 100W útgangsafl
Öll bönd (L) TF3IGN 21,420 166 43 17 0 Mest 100W útgangsafl
14 MHz (L) TF3G* 53,176 259 53 13 26 Mest 100W útgangsafl

*Bestur árangur í viðkomandi keppnisflokki (innan TF) og handhafi viðurkenningarskjals.

Hamingjuóskir til allra þátttakenda.

TF2JB

/by
,

CQ TF apríl 2010 komið út

Aprílhefti félagsblaðsins okkar er komið út í endanlegri útgáfu.  Smellið á CQ TF tengilinn á vefsíðu félagsins til að nálgast blaðið.

73 – Kiddi, TF3KX / ritstjóri CQ TF

Comment frá TF8GX

Flott :)

 

/by
,

Sigrún Gísladóttir, TF1YL, er látin.

Sigrún Gísladóttir, TF1YL (áður TF3YL), er látin. Fregnir þessa efnis bárust félaginu þann 21. apríl frá Haraldi Þórðarsyni, TF3HP.

Sigrún var handhafi leyfisbréfs nr. 62 og félagsmaður í Í.R.A. um árabil. Hún var fyrsta konan á Íslandi sem náði amatörprófi og varð C-leyfishafi árið 1971. Eiginmaður hennar var Hallgrímur Steinarsson (Haddi), TF3HS, sem féll frá árið 2006. Þau hjón voru bæði í framvarðarsveit félagsins um langt árabil og verðugir fulltrúar sem okkar fyrsta “YL/OM team”.

Stjórn Í.R.A. sendir fjölskyldu Sigrúnar hugheilar samúðarkveðjur vegna fráfalls hennar.

TF2JB

/by
,

Leiðbeiningar um notkun tækja í fjarskiptaherbergi Í.R.A.

Stuttar leiðbeiningar um notkun Yaesu FT-1000MP stöðvarinnar.

Vilhjálmur Í. Sigurjónsson, TF3VS, afhenti félaginu þann 15. apríl s.l., stuttar og hnitmiðaðar leiðbeiningar sem hann hefur samið fyrir notkun Yaesu FT-1000MP stöðvarinnar og SteppIR 3E loftnetsins. Um er að ræða gagnorða og vandaða framsetningu á plastaðri fram- og baksíðu í stærðinni A4.

Þörf hefur verið á upplýsingum af þessu tagi um lengri tíma. Þótt tiltölulega einfalt sé fyrir flesta að nota FT-1000 stöðina (jafnvel þótt menn eigi annarskonar stöðvar) er mikilvægt að átta sig á stöðinni og umgangast SteppIR loftnetið með gætni vegna mótoranna í loftnetinu, sér í lagi við upphaf og endi notkunar. Hugmyndin er, að gera einnig leiðbeiningar fyrir Kenwood TS-2000 stöð félagsins þegar uppsetningu VHF/UHF loftneta félagsins verður lokið og í framhaldi, stuttar upplýsingar fyrir Harris 110 RF-magnara félagsins.

Stjórn Í.R.A. vill þakka Vilhjálmi fyrir vel úr hendi leyst verkefni, svo og þeim Sveini Braga Sveinssyni, TF3SNN, stöðvarstjóra og Yngva Harðarsyni, TF3Y sem voru honum til aðstoðar.

TF3SNN og TF3VS vinna að verkefninu á skírdag (1. apríl s.l.). Ljósm.: TF2JB.

TF2JB

/by
,

Alþjóðadagur radíóamatöra er 18. apríl n.k.

Ljósmynd frá vel heppnuðu erindi á vetrardagskrá félagsins 11. febr. s.l. Ljósm.: TF3LMN.

Flutningsmenn voru þeir Sigurður Rúnar Jakobsson, TF3CW og Yngvi Harðarson, TF3Y.

Alþjóðadagur radíóamatöra er 18. apríl n.k. og ber að þessu sinni upp á sunnudag. Þann mánaðardag árið 1925 voru alþjóðasamtök radíóamatöra, International Radio Amateur Union, I.A.R.U., stofnuð. Einkunnarorðin eru að þessu sinni (í lauslegri þýðingu) “Amatör radíó: Fjarskiptareynsla og stafræn tækni nútímans”.

Í tilefni alþjóðadagsins verður félagsaðstaðan við Skeljanes opin á sunnudag frá kl. 10-12. Kaffiveitingar verða í boði félagsins.

TF2JB

/by
,

Próf til amatörréttinda var haldið 10. apríl s.l.

Próf til amatörréttinda var haldið laugardaginn 10. apríl s.l. í Flensborgarskóla í Hafnarfirði. Alls sátu níu nemendur prófið; af þeim náðu sjö fullnægjandi árgangri til N eða G leyfis. Prófað var í rafmagns- og radíótækni svo og í viðskiptaháttum og reglum. Prófnefnd Í.R.A. sá um framkvæmd prófsins fyrir hönd Póst- og fjarskiptastofnunar.

Stjórn Í.R.A. óskar nýjum leyfishöfum til hamingju með árangurinn.

TF2JB

/by
,

Vel heppnaður flóamarkaður á sunnudagsmorgni

Árlegur flóamarkaður Í.R.A. var haldinn að morgni sunnudagsins 11. apríl. Tæplega 30 félagsmenn og gestir lögðu leið sína í Skeljanesið á milli kl. 10-12. Í boði var ýmislegt “girnilegt” amatördót, s.s. loftnet, viðtæki, mælitæki, sveiflusjár (og aukahlutir af ýmsum gerðum), íhlutir, s.s. stórir hverfiþéttar og fleira nytsamlegt. Félagið bauð upp á ný vínarbrauð frá Mosfellsbakaríi. Hér á eftir fylgja nokkrar ljósmyndir.

Sigurður Óskar Óskarsson, TF2WIN, skoðar Realistic DX-300 viðtæki frá Radio Shack.

S. Smári Hreinsson, TF8SM (nær) og Páll B. Jónsson, TF8PB.

Viðtækin, sveiflusjáin og Yaesu YS-2000 standbylgju-/aflmælirinn seldust strax.

Haraldur Þórðarson, TF3HP, Vilhjálmur Í. Sigurjónsson, TF3VS og Sigurður Óskar Óskarsson, TF2WIN.

Guðmundur Sveinsson, TF3SG og Halldór Christensen, TF3GC.

TF2JB

/by
,

Góðar gjafir frá TF3S og TF3GN til félagsins.

Mælitækin uppsett til bráðabirgða í smíðaaðstöðu félagsins. Ljósmynd TF2JB.

Stefán Þórhallsson, TF3S, færði félaginu nýlega að gjöf veglegt safn mælitækja til nota í nýju smíðaaðstöðunni sem sett var upp s.l. haust á 2. hæð í félagsaðstöðunni (í sama herbergi og TF QSL Bureau hefur aðstöðu). Forsaga málsins er sú, að Stefán (sem er einn af heiðursfélögum Í.R.A.) kom fram með þá ágætu tillögu á póstlista félagsins skömmu eftir aðalfundinn í maí í fyrra, hvort ekki væri tilvalið fyrir félagið að koma upp vísi að smíðaaðstöðu þar sem menn gætu t.d. komið með stöðvar sínar og aukahluti og notið leiðsagnar þeirra sem eru reynslumeiri ef smávægilegar bilanir væru að gera mönnum lífið leitt – eða jafnvel, fengið aðstoð við einföld verk eins og að setja í krystalsíur í tæki o.s.frv.

Niðurstaða málsins varð, að stjórn félagsins tók málið upp strax að loknum breytingum í fjarskiptaherbergi TF3IRA og var þá ráðist í framkvæmdir við að koma upp vísi að smíðaaðstöðu í “QSL herberginu”. Þegar þetta er skrifað á aðeins eftir að setja upp hillur og ákveða nánar með uppsetningu mælitækjanna. Í töflunni hér fyrir neðan má sjá um hvaða mælitæki er að ræða ásamt tegunarupplýsingum um þau.

Mælitæki Gerð Framleiðandi Framl. nr.
10 MHz Oscilloscope CS-1012 Trio, Japan 4110107
Frequency Counter FC-756 Trio, Japan 4090075
AM/FM Signal Generator PM-5320 Philips, Eindoven D-348
FM Signal Generator 202-B Booton Radio Corp., USA 2842
Decade Condenser DC-1 Heathkit, USA n/a
Decade Resistance CR-1 Heathkit, USA n/a
Volt/Ohm Multimeter WV-98C Senior RCA, USA n/a
RF Vacum Tube Volt Meter n/a RCA, USA n/a
Crystal Controlled Microvolt Generator 191-X Hickok, USA n/a
Load Resistor, 50 Ohm; 0-3000 MHz 634-N Mc. Jones Electronics, USA n/a

Við sama tækifæri færði Stefán félaginu jafnframt nokkuð magn innbundinna bóka og tímarita sem voru í eigu föður hans, Þórhalls Pálssonar, TF5TP (sk).

Stjórn Í.R.A. þakkar Stefáni Þórhallssyni, TF3S, heilan hug og rausnarlega gjöf.

–

Síðari gjöfin til félagsins sem skýrt verður frá við þetta tækifæri er, að þann 25. mars s.l. kom félagsmaður okkar Guðlaugur Ingason, TF3GN, færandi hendi í félagsaðstöðu Í.R.A. við Skeljanes. Hann færði félaginu að gjöf innbundið hefti af 15. tbl. Útvarpstíðinda frá septembermánuði 1946. Í heftinu er m.a. viðtal við Einar Pálsson, TF3EA, fyrsta formann Í.R.A. en félagið hafði skömmu áður verið stofnað, þ.e. 14. ágúst 1946. Fjölmargt áhugavert kemur fram í viðtalinu, og m.a. að stofnfélagar Í.R.A. hafi verið 140 talsins og að á þeim hálfa mánuði sem liðinn var þegar viðtalið var tekið, hafi bæst við 30 félagsmenn. Heftið er vandlega innbundið af Guðlaugi sjálfum.

Stjórn Í.R.A. þakkar Guðlaugi Ingasyni, TF3GN, heilan hug og áhugaverða gjöf.

Guðlaugur Ingason, TF3GN, afhendir Guðmundi, TF3SG, varaformanni Í.R.A. gjöfina. Ljósmynd: TF3JA.

TF2JB

/by