Íslenskir radíóamatörar – allar fréttir

EUDXCC (Eoropean Contest Club) boðar til 3. alþjóðlegu European Union DX keppninnar 2023.

Keppnin er opin radíóamatörum um allan heim og fer fram á 160, 80, 40, 20, 15 og 10 metrum á tali (SSB) og morsi (CW) helgina 4.-5. febrúar. Hún hefst kl. 12 á hádegi á laugardag og lýkur kl. 12 á hádegi á sunnudag.

Stöðvar í ESB senda: RS(T) + 2 bókstafi og 2 tölustafi (sem tákna land og hérað í ESB).
TF stöðvar senda: RS(T) + ITU svæði (TF er í ITU svæði 17).

Punktagjöf: QSO við stöðvar í löndum ESB=10; QSO innan TF= 2; QSO við stöðvar í öðrum löndum í Evrópu= 3; og sambönd við stöðvar í öðrum löndum heimsins=5 punktar.

Margfaldarar: Fyrir hvert samband við stöð í ESB á hverju bandi = 1.
Fyrir hvert samband við stöð á DXCC/WAE listum + IG9/IH9 á hverju bandi = 1.

Ath. að skoða í reglunum kóða fyrir stöðvar í löndum sem tengjast ESB löndunum Danmörku, Frakklandi og Hollandi, t.d. DK06 fyrir Færeyjar og Grænland;  FR20 fyrir Frönsku Polynesíu og NL13 fyrir Aruba, o.fl.  Frestur til að skila keppnisgögnum er til kl. 12 á hádegi 12. febrúar.

Með ósk um gott gengi!

Stjórn ÍRA.

Keppnisreglur: https://www.eudx-contest.com/rules/

Ágæti félagsmaður!

Með tilvísan til 17. gr. félagslaga, er hér með boðað til aðalfundar ÍRA sunnudaginn 19. febrúar 2023.

Fundurinn verður haldinn í safnaðarheimili Neskirkju við Hagatorg í Reykjavík og hefst stundvíslega kl. 14:00.

Dagskrá er samkvæmt 19. gr. félagslaga.

Reykjavík 27. janúar 2023,
fyrir hönd stjórnar ÍRA,

Jónas Bjarnason, TF3JB,
formaður

Eftirfarandi alþjóðlegar keppnir verða í boði helgina 27/28.-29. janúar á CW, RTTY og SSB.

CQ 160 m CW keppnin: 27.-29. janúar. Hefst kl. 22 [á föstudag], endar kl. 22 á sunnudag.
Keppnisreglur:  https://www.cq160.com/rules.htm
Bent er á að sækja má um tímabundna aukna tíðniheimild (1850-1900 kHz) og aukna aflheimild 1kW (G-leyfishafar) til Fjarskiptastofu; netfang: hrh@fjarskiptastofa.is

REF CW keppnin: 28.-29. janúar. Hefst kl. 06, endar kl. 18 á sunnudag.
Keppnisreglur:  https://concours.r-e-f.org/reglements/actuels/reg_cdfhfdx.pdf

BARTG RTTY keppnin: 28.-19. janúar. Hefst kl. 12, endar kl. 12 á sunnudag.
Keppnisreglur:  https://bartg.org.uk/wp/bartg-sprint-contest/

UBA SSB keppnin: 28.-29. janúar. Hefst kl. 13, endar kl. 13 á sunnudag.
Keppnisreglur:  https://www.uba.be/en/hf/contest-rules/uba-dx-contest-rules

Með ósk um gott gengi!

Stjórn ÍRA.

Worked All Europe (WAE) keppnin var haldin 12.-13. nóvember. Keppnisgögn voru send til DARC fyrir fimm TF kallmerki.

Niðurstöður hafa borist. Íslensku stöðvarnar kepptu allar í einmenningsflokki á lágafli. Úrslit eru eftirfarandi:

TF3AO  –  166.914 heildarpunktar – 75. sæti.
TF2MSN  –  104.992 heildarpunktar – 132. sæti.
TF2CT  –  10.274 heildarpunktar –  166. sæti.
TF3IRA  –  2.914 heildarpunktar – 183. sæti.
TF3PPN  –  68.928 heildarpunktar – 186. sæti.

Í fyrra voru send inn keppnisgögn fyrir fjögur TF kallmerki: TF2CT, TF2MSN, TF3AO og TF3PPN.

Hamingjuóskir til viðkomandi.

Stjórn ÍRA.

Ari Þórólfur Jóhannesson, TF1A var með frábæra kynningu á Es’hail 2 / QO-100 gervitunglinu í Skeljanesi laugardaginn 21. janúar þar sem hann kynnti ódýrar lausnir til viðtöku merkja frá tunglinu.

Hann kom með eigin búnað sem hann notar þegar hann ferðast um landið og hefur sambönd um QO-100 og var 90 cm diskloftnet sett upp á standi við glugga (í austurhluta salarins) í Skeljanesi.

Ari flutti stuttan inngang um tunglið. Fram kom m.a. að í næsta mánuði verða komin 4 ár síðan frá því opnað var fyrir fjarskipti radíóamatöra, en tunglinu var skotið á loft í nóvember 2018. QO-100 er á sístöðubraut (e. geostationary). Það þýðir að það er ætíð á sama stað séð frá jörðu og geta leyfishafar því stundað fjarskipti allar sólarhringinn u.þ.b. frá hálfum hnettinum. Sendingar eru á 2400 MHz (e. uplink) og hlustun er á 10450 MHz (e. downlink).

Tvö tæki eru í boði (e. linear transponders); 250 kHz á lóðréttri pólun (12VDC) fyrir bandþrengri sendingar (t.d. CW, FT8 og SSB) og 8 MHz á láréttri pólun (18VDC) fyrir bandbreiðari sendingar (t.d. AM, FM, D-Star, stafrænt sjónvarp, DVB o.fl.). Ari nefndi, að QO-100 sendir út DVB-S2 sjónvarpsmerki allan sólarhringinn sem notast m.a. til að staðsetja gervitunglið og stilla loftnet.

Ari fjallaði einnig um búnaðinn. Fram kom, að hægt er að komast af með um 5 þúsund krónur fyrir búnað og að diskloftnet kostar um 10 þúsund krónur. Hann sýndi okkur m.a. eigið ferðaloftnet og notaði mælitæki (sjá mynd) til að finna ca. stefnuna og merkin frá QO-100 gervitunglinu. En þægilegt er að finna fyrst t.d. sjónvarpsmerkin á 28.2° austur og þá er eftirleikurinn auðveldur.

Eftir kaffi var farið upp í fjarskiptaherbergi TF3IRA og gervihnattastöð félagsins gangsett, en þar voru merki dauf enda kom í ljós að rigningarvatn hafði komist LNB á diskneti stöðvarinnar. Engu að síður var hægt að átta sig á merkjum og áhugavert að sjá merkin á 27“ tölvuskjá.

Bestu þakkir til Ara Þórólfs Jóhannessonar, TF1A fyrir afar áhugaverðan, fróðlegan og vel heppnaðan laugardag. Alls mættu 12 félagsmenn og 1 gestur á kynninguna í félagsaðstöðunni í Skeljanesi.

Stjórn ÍRA.

Af óviðráðanlegum ástæðum verður félagsaðstaðan í Skeljanesi lokuð í kvöld, fimmtudaginn 19. janúar.

Ástæða er bilun í heitavatnslögn sem uppgötvaðist í dag laust fyrir kl. 15.

Óljóst er hvort fresta þarf áður auglýstri opnun á laugardag.

Stjórn ÍRA.