SKELJANES Á FIMMTUDAG 23. MARS
Kl. 17:00. Námskeiðið „Fyrstu skrefin“.
Óskar Sverrisson, TF3DC leiðbeinir. Áhugasamir skrái sig tímanlega hjá Óskari í síma 862-3151.
Kl. 20:30. Erindið „Íslensku radíóleikarnir; hagnýt ráð“.
Andrés Þórarinsson, TF1AM flytur.
Framundan er fyrsti fjarskiptaviðburður ÍRA á árinu 2023. Það eru Páskaleikarnir sem verða haldnir 7.-9. apríl n.k. Andrés ætlar að mæta í félagsaðstöðuna og segja okkur frá þátttöku sinni í þeim í máli og myndum og gefa hagnýt ráð. Hann mun einnig fjalla um þátttöku í VHF/UHF leikunum og ef tími gefst, um þátttöku í TF útileikunum.
Félagsmenn eru hvattir til að láta þessa viðburði ekki framhjá sér fara. Vandaðar kaffiveitingar.
Verið velkomin í Skeljanes!
Stjórn ÍRA.
“Fyrstu skrefin” eru hugsuð jafnt fyrir nýja sem eldri leyfishafa sem óska eftir tilsögn/leiðbeiningum um hvernig best er að standa að því að fara í loftið. Um er að ræða einkatíma með reyndum leyfishafa sem kynnir grundvallaratriði og ríkjandi hefðir. Markmiðið er að leyfishafi öðlist öryggi í fjarskiptum. Rætt er um áhugamálið og spurningum svarað og að því búnu farið í loftið í fjarskiptaherbergi félagsins. Námskeiðið er einnig hugsað fyrir þá sem t.d. vilja komast í loftið á FT8, RTTY o.fl. en vantar e.t.v. leiðbeiningar. Tímasetning og yfirferð er samkvæmt samráði félagsmanns og leiðbeinanda – en ef þörf er á að menn hittist aftur, er það í boði. Skráning hjá Óskari Sverrissyni, TF3DC í síma 862-3151 eða með tölvupósti; oskarsv hjá internet.is
Leave a Reply
Want to join the discussion?Feel free to contribute!