TF2RPJ fór í loftið í gær

TF2RPJ, ICOM endurvarpi, 50 wött, var settur í loftið í gær á Álftanesi, Mýrum Borgafirði. Við endurvarpann er sérsmíðað fokhelt loftnet . Óli TF3ML á endurvarpann og tæknilegur tengiliður er TF3ARI. Tíðnirnar eru TX 145.750/ RX 145.150  og tónstýring á  88.5 Hz.

Fyrstu mælingar sýna að hann næst vel í Borgarnesi og alla leið upp til TF2LL efst í Borgarfirðinum. TF8SM nær honum vel á Garðskaga og hann  heyrist vel í Reykjavik. TF2CT í Stykkishólmi heyrir ágætlega í endurvarpanum og hann er sterkur á Þingvöllum hjá TF2PB.

Benni TF3TNT, Kjartan TF3HF, Óli TF3ML og TF3ARI fóru af stað í verkið að morgni og upp úr hádegi var TF2RPJ kominn í loftið,  sjá myndir sem TF3ARI tók.

TF3ML og TF3BNT

TF3ML

TF3HF