TF3W QRV Í SAC SSB KEPPNINNI

Félagsstöðin TF3W var QRV í SSB hluta Scandinavian Activity Contest (SAC) sem haldin var helgina 10.-11. október.

Sigurður R. Jakobsson, TF3CW virkjaði stöðina á 14 MHz. Siggi sagði að skilyrðin hafi verið sveiflukennd en best til Evrópu. Stöðvar í Norður- og Suður-Ameríku, Karabíska hafinu og Indlandshafi  hafi þó komið vel inn. Sambönd til Asíu í Kyrrahafið voru hins vegar fá.

Fjöldi sambanda var alls 1105. Reiknuð bráðabirgðaniðurstaða er 149.524 stig (51 margfaldarar og 2578 QSO stig). Aðrar TF stöðvar sem heyrðust í keppninni voru a.m.k.: TF2MSN, TF3DT, TF3JB, TF3T og TF8KY.

Þakkir til Sigga fyrir glæsilegan árangur.

Stjórn ÍRA.