Um félagið

Velkomin á vef Íslenskra radíóamatöra, ÍRA

Félagsaðstaða ÍRA í Skeljanesi er opin á fimmtudagskvöldum 20:00-22:00. Strætisvagn, leið 12, stansar við húsið.

Amatör radíó er fyrst og fremst áhugamál, bæði hér á landi sem annarsstaðar. Það hefur gjarnan verið nefnt vísindalegt áhugamál. Sumir vilja þó halda því fram að amatör radíó sé lífsstíll eða ódrepandi bakteria og geta flestir radíóamatörar tekið undir það. Fjöldi radíóamatöra í heiminum í dag nær 5 milljónir og hér á landi hafa verið gefin út yfir 500 leyfisbréf frá upphafi. Til að öðlast leyfi þarf viðkomandi að gangast undir próf hjá Fjarskiptastofu.

Um ÍRA

Félagið Íslenskir radíóamatörar, ÍRA var stofnað 14. ágúst 1946. Félagið er landsfélag radíóamatöra á Íslandi og á gott samstarf við Fjarskiptastofu (FST) um málefni leyfishafa. ÍRA er aðili að alþjóðasamtökum landsfélaga radíóamatöra IARU, IARU Svæði 1 og samtökum norrænna landsfélaga radíóamatöra, NRAU.

Félagsaðstaðan í Skeljanesi

Félagsaðstaða ÍRA er opin öll fimmtudagskvöldum (nema frídaga) á milli kl. 20:00-22:00 og eru allir sem áhuga hafa á amatörradíó boðnir velkomnir. Félagið er til húsa við Skeljanes í Reykjavík. Staðsetning hússins er 64° 07′ 33″ N – 21° 56′ 58″ V. Locator HP94AD. Húsið er 14 km frá suðurenda og 2,5 km frá vesturenda “grid” svæðisins. Strætisvagn, leið 12, hefur endastöð við húsið.

Stjórn ÍRA starfsárið 2024/25 og aðalfundarkjörnir embættismenn

Senda má tölvupóst á félagið á póstfangið: ira@ira.is – (GSM sími Jónasar Bjarnasonar, formanns ÍRA er 898-0559).