WAE RTTY KEPPNIN ER UM HELGINA

Ein af stóru keppnum ársins er Worked All Europe (WAE) keppnin. RTTY hlutinn verður haldinn 14.-15. nóvember. Þetta er 48 klst. keppni, en þátttaka er leyfð í mest 36 klst. Keppnin fer fram á 3.5, 7, 14, 21 og 28 MHz.

Þótt markmiðið sé að hafa sambönd við stöðvar utan Evrópu, er gerð undantekning í WAE RTTY keppninni, þ.e. sambönd innan Evrópu eru líka heimiluð. Sjá nánar í keppnisreglum. Skilaboð: RST+raðnúmer. Í WAE gefa QTC skilaboð punkta aukalega.

Margfaldarar hafa aukið vægi eftir böndum; á 80 metrum fjórir, á 7 MHz þrír og á 14/21/28 MHz tveir. Sjá nánar í keppnisreglum.

Bestu óskir um gott gengi,

Stjórn ÍRA.

https://www.darc.de/der-club/referate/referat-conteste/worked-all-europe-dx-contest/en/